ଜବତ ହେଲା ଦୁଇଟି ଗୋରୁ ବୋଝେଇ ଟ୍ରକ । ମହାନଦୀ ପୋଲ ନିକଟ କଲେଜ ଛକ ଠାରେ ପାଟ୍ରୋଲିଂ କରୁଥିବା ସମୟରେ ଦୁଇଟି ଗୋରୁ ବୋଝେଇ ଟ୍ରକ୍କୁ କାବୁ କଲା ସୁବର୍ଣ୍ଣପୁର ଜିଲ୍ଲା ବିନିକା ପୋଲିସ । ଘଟଣାସ୍ଥଳରୁ ଜଣେ ଟ୍ରକ ଡ୍ରାଇଭର ଫେରାର ଥିବା ବେଳେ ଜଣେ ଅଟକ ରହିଥିବା ଜଣାପଡିଛି । 

ସୂଚନା ଅନୁସାରେ ବିନିକା ପୋଲିସ କଲେଜ ଛକ ଠାରେ ପାଟ୍ରୋଲିଂ କରୁଥିବା ସମୟରେ ରାମପୁର ପଟରୁ ଦୃତ ଗତିରେ ଆସୁଥିବା ଦୁଇଟି ଟ୍ରକକୁ ଅଟକେଇବାକୁ ଚେଷ୍ଟା କରିଥିଲେ । କିନ୍ତୁ ଟ୍ରକ୍ ଦୁଇଟି ଫେରାର ହେବାକୁ ଚେଷ୍ଟା କରିଥିଲେ କ୍ଷ ଏହାପରେ ଦୁଇଟି ଟ୍ରକ ଏକାସହ ଦ୍ରୁତ ଗତିରେ କାହିଁକି ଯାଉଛି ବୋଲି ସନ୍ଦେହ କରି ସେମାନଙ୍କୁ ପିଛା କରିଥଇଲା ପୋଲିସ ଏବଂ ମହାନଦୀ ପୋଲ ଉପରେ ଉଭୟ ଟ୍ରକକୁ ଧରିଥିଲା ପୋଲିସ । 

ଏହାପରେ ତଦନ୍ତରୁ ଜଣାପଡିଥିଲା ଯେ, ଟ୍ରକ୍ରେ ବେଆଇନ ଭାବେ ଗୋରୁ ଚୋରା ଚାଲାଣ ହେଉଥିଲା । ଏହାପରେ ଦୁଇଟି ଟ୍ରକରେ ଥିବା ବ୍ୟକ୍ତି ମାନେ ଫେରାଇ ମାରିଥିବା ବେଳେ ଜଣେ ଡ୍ରାଇଭରକୁ ପୋଲିସ ଧରିଥିବା ଜଣାପଡିଛି ଏବଂ ୭୦ରୁ ଅଧିକ ଗୋରୁଙ୍କୁ ନିକଟସ୍ଥ କାମଧେନୁ ଗୋ-ସେବାଶ୍ରମରେ ଭର୍ତ୍ତି କରାଯାଇଛି । ଏହାସହ ପୋଲିସ ଘଟଣାସ୍ଥଳରେ ଅଧିକ ତଦନ୍ତ ଜାରି ରଖିଛି ।