ସୁବର୍ଣ୍ଣପୁର: ପୁଣି ଜବତ ହେଲା ବେଆଇନ୍ ଭାବରେ ଗୋଚାଲାଣ ହେଉଥିବା ଟ୍ରକ। ସୁବର୍ଣ୍ଣପୁର ଜିଲ୍ଲା ବିନିକା ଅଞ୍ଚଳରେ ପୋଲିସକୁ ସଫଳତା ମିଳିଛି। ୨ଟି ଗୋରୁ ବୋଝେଇ ଟ୍ରକରେ ପ୍ରାୟ ୮୦ ଗୋରୁଙ୍କୁ ସମ୍ବଲପୁରରୁ ପଶ୍ଚିମବଙ୍ଗକୁ ଚାଲାଣ ହେଉଥିଲା। ଏହି ସମୟରେ ବିନିକା ମହାନଦୀ ବ୍ରିଜ ନିକଟରେ ପୋଲିସ ୨ଟି ଟ୍ରକକୁ ରଖିଥିଲା। ପୋଲିସକୁ ଦେଖି ଟ୍ରକ ଡ୍ରାଇଭର ଚମ୍ପଟ ମାରିଥିବାବେଳେ ପୋଲିସ ଜଣଙ୍କୁ କାବୁ କରିଛି। ଉଦ୍ଧାର ଗୋରୁଙ୍କୁ ବିନିକା ଥାନା ପିତେଇପାଲି ଗଜବନ୍ଧ କାମଧେନୁ ଗୋ ସେବାଶ୍ରମରେ ଛଡାଯାଇଥିବା ପୋଲିସ ପକ୍ଷରୁ ସୂଚନା ମିଳିଛି। ପୋଲିସ ଏହି ଘଟଣାର ତଦନ୍ତ ଜାରି କରିଛି। ଆଉ କିଏ ଏହି ଗୋଚାଲାଣ ସମ୍ପୃକ୍ତ ଅଛନ୍ତି ତାହା ସ୍ପଷ୍ଟ ହୋଇନାହିଁ।