ବ୍ରହ୍ମପୁର: ଆଇନଜୀବୀ ପୀତବାସ ପଣ୍ଡା ହତ୍ୟା ମାମଲାରେ ୬ ଅଭିଯୁକ୍ତଙ୍କୁ ରିମାଣ୍ଡରେ ନେଇ ଜେରା କରୁଛି ବ୍ରହ୍ମପୁର ପୋଲିସ। ସର୍ପ ସୁଟର କୁରୁପତି ଭୂୟାଁ ଏବଂ ସୁପାରୀ ଉମା ବିଷୋୟୀ ସମେତ ୬ ଅଭିଯୁକ୍ତଙ୍କୁ ରିମାଣ୍ଡରେ ନେଇ ପଚରାଉଚରା କରୁଛି ପୋଲିସ୍। 

ଆଇନଜୀବୀ ପୀତବାସ ପଣ୍ଡା ହତ୍ୟା ଘଟଣାରେ ଦୁଇ ମୁଖ୍ୟ ଅଭିଯୁକ୍ତ କୁରୁପତି ଭୂୟାଁ ଓ ଉମା ବିଷୋୟୀଙ୍କୁ ଜେରା ସହ ରାତିରେ ଆଉ ୨ ଜଣଙ୍କୁ ଉଠାଇ ଆଣିଲା ପୋଲିସ । ସମସ୍ତଙ୍କୁ ଗୁପ୍ତ ସ୍ଥାନରେ ଅଟକ ରଖି ପଚରାଉଚରା କରାଯାଉଛି । ଗତକାଲି ଧରାପଡିଥିଲେ ଉମା ଓ କୁରୁପତି । ଅନ୍ୟପଟେ ପୂର୍ବରୁ ଆତ୍ମସମର୍ପଣ କରି ଛାଡ଼ ପାଇଥିବା ସୁଦର୍ଶନ ଜେନା ମଧ୍ୟ ପୁଣି ଆସିଥିବା ଜଣା ପଡିଛି । ପୋଲିସ ତାଙ୍କୁ ଓ ତାଙ୍କ ଡ୍ରାଇଭରଙ୍କୁ ମଧ୍ୟ ପଚରା ଉଚରା କରୁଛି ।

ସୂଚନା ଅନୁସାରେ ଅକ୍ଟୋବର ୬ ତାରିଖ ରାତିରେ ପୀତବାସଙ୍କ ଘର ନିକଟ ଛକରେ କୁରୁପତି ଦେଶୀ ବନ୍ଧୁକରେ ପୀତବାସଙ୍କ ଉପରେ ଗୁଳି ଚଳାଇଥିଲା । ଗୁଳିମାଡ଼ରେ ପୀତାବାସଙ୍କ ମୃତ୍ୟୁ ହୋଇଥିଲା । ମାମଲାରେ ପୂର୍ବତନ ବିଧାୟକ ବିକ୍ରମ ପଣ୍ଡା, ବ୍ରହ୍ମପୁରର ପୂର୍ବତନ ମେୟର ଶିବଶଙ୍କର ଦାସଙ୍କ ସମେତ ଏପର୍ୟ୍ଯନ୍ତ ୧୪ ଜଣ ଗିରଫ ହୋଇଛନ୍ତି ।