ରାଜ୍ୟ ସରକାରଙ୍କୁ ଲେଖାଶ୍ରୀଙ୍କ ଟାର୍ଗେଟ, ସିଏଜି ରିପୋର୍ଟରେ ଧରାପଡିଲା 568 କୋଟି ଟଙ୍କାର ହେରଫେର୍
Khabar Odisha:
ଭୁବନେଶ୍ୱର,ଏପ୍ରିଲ 23 (ଖବର ଓଡିଶା) :

ସିଏଜି ରିପୋର୍ଟରେ ପଦାରେ ପଡ଼ିଲା ରାଜ୍ୟ ସରକାରଙ୍କ ସତ ଚାକିରି ନାଁରେ ଓଡ଼ିଶାର ଯୁବବର୍ଗଙ୍କୁ ଠକିଛନ୍ତି ନିଯୁକ୍ତି ନାଁରେ 568 କୋଟିର ହେରଫେର କରିଛନ୍ତି ଓଡିଶା ସରକାର ସାମ୍ବାଦିକ ସମ୍ମିଳନୀରେ ଏପରି ଅଭିଯୋଗ ଆଣି ବିଜେଡି ଉପରେ ବର୍ଷିଛନ୍ତି ବିଜେପି ସାଧାରଣ ସମ୍ପାଦିକା ଲେଖାଶ୍ରୀ ସାମନ୍ତସିଂହାର

ଦୀନ ଦୟାଲ ଉପାଧ୍ୟାୟ ଗ୍ରାମୀଣ କୌଶଳ ଯୋଜନାରେ ସମ୍ପୂର୍ଣ୍ଣ ଅର୍ଥକୁ ହରିଲୁଟ କରାଯାଇଛି 9 ବର୍ଷ ହେଲା ପଞ୍ଚାୟତିରାଜ ବିଭାଗର ଦାୟିତ୍ୱରେ ରହିଛନ୍ତି ମନ୍ତ୍ରୀ ପ୍ରତାପ ଜେନା ଓ ସଚିବ ଡି.କେ ସିଂଙ୍କ ସେମାନଙ୍କ ଭୂମିକାକୁ ନେଇ ବି ପ୍ରଶ୍ନ ଉଠାଇଛି ବିଜେପି ଓରମାସର ମୁଖ୍ୟ ବି.ଏନ. ଦାସ ମଧ୍ୟ ନିଜ ପଦରେ 21 ବର୍ଷ ହେଲା ରହିଛନ୍ତି ଯେତିକି ବର୍ଷ ବିଜେଡିର ଆୟୁଷ ସେତିକି ବର୍ଷ ତାଙ୍କର କାର୍ଯ୍ୟକାଳ ପ୍ରୋଜେକଟ ସ୍କ୍ରୀନିଂ ଏଜେନ୍ସିକୁ ନେଇ ମଧ୍ୟ ଟଙ୍କା ହରିଲୁଟ କରାଯାଇଛି ।

ରାଜ୍ୟ ସରକାର କହିଛନ୍ତି 1 ଲକ୍ଷ 31 ହଜାର ଛାତ୍ରଛାତ୍ରୀଙ୍କୁ ଟ୍ରେନିଂ ଦେଇଛନ୍ତି ।  97 ହଜାର 198 ଜଣକୁ ନିଯୁକ୍ତି ଦେଇଛନ୍ତି   କିନ୍ତୁ ସିଏଜି ରିପୋର୍ଟ ଅନୁଯାୟୀ 77% ମିଥ୍ୟା ତଥ୍ୟ । 95 ଟି ଏଜେନ୍ସିକୁ ସରକାର ପ୍ରୋଜେକଟ ଦାୟିତ୍ ଦେଇଥିଲେ, 26 ଟି ଏଜେନ୍ସି ପ୍ରଥମ କିସ୍ତି ନେବା ପରେ ସେମାନେ ଗାୟବ ହୋଇଗଲେ । ସେମାନେ ହେଉଛନ୍ତି ଭୂତ କମ୍ପାନୀ । ଏଥିସହ 4ଟି ଏଜେନ୍ସିର ଯୋଗ୍ୟତା ନାହିଁ କିନ୍ତୁ 76 କୋଟି ଦିଆଯାଇଛି  । ସବୁଠାରୁ ଆଗରେ ରହିଛି ଏଏସଡ଼ି ଏଜୁକେସନ । ଏଏସଡ଼ି ଏଜୁକେସନ ଏଜେନ୍ସିର ଯୋଗ୍ୟତା 3 କୋଟି କିନ୍ତୁ ଦିଆଯାଇଛି 20 କୋଟି ।  

ଏହି ଘଟଣାକୁ ସିବିଆଇ, ଭିଜିଲାନ୍ସକୁ ଦିଆଯାଉ ବୋଲି ସିଏଜି ମଧ୍ୟ କହିଛନ୍ତି ।  ଯଦି ସତରେ ଯୁବକଙ୍କୁ ରୋଜଗାର ଦିଆଯାଇଥାନ୍ତା, ଆମ ରାଜ୍ୟର ଯୁବକମାନେ ଅନ୍ୟ ରାଜ୍ୟକୁ ଯିବାକୁ ପଡି ନଥାନ୍ତା, ଦାଦନ ଖଟି ନଥାନ୍ତେ । ଏହି ଘଟଣାର ତୁରନ୍ତ କାର୍ଯ୍ୟାନୁଷ୍ଠାନ ନିଆଯାଉ ବୋଲି ଦାବି କରିଛନ୍ତି ଲେଖାଶ୍ରୀ ।

  • Tags:

Subscribe

National International State Sports Entertainment