ଶୁକ୍ରବାର ରାତିରେ କଟକରେ ହୋଇଛି ଏନକାଉଣ୍ଟର । ଏହି ଏନକାଉଣ୍ଟରରେ ଅପରାଧି ମନୋଜ ମହାରଣାକୁ ଏନକାଉଣ୍ଟର କରିଛି କମିଶନରେଟ୍ ପୋଲିସ । ପୋଲିସର ଏନକାଉଣ୍ଟରରେ ଅପରାଧିର ଗୋଡ଼ରେ ଗୁଳି ବାଜିଛି । ଅପରାଧିକୁ ଏସସିବି ମେଡିକାଲରେ ଭର୍ତ୍ତି କରାଯାଇଛି । ସୂଚନା ଅନୁସାରେ, କଟକ ଭାଣପୁର ବାସିନ୍ଦା ମନୋଜ ମହାରଣା କନ୍ଦରପୁର ଅଞ୍ଚଳରେ ହୋଇଥିବା ଡକାୟତିରେ ସମ୍ପୃକ୍ତ ଥିଲା । ପୂର୍ବରୁ ସଦର ଥାନା ପୋଲିସ ଅପରାଧି ମନୋଜ ମହାରଣାକୁ ମଧ୍ୟ ଏନକାଉଣ୍ଟର କରିଥିଲା । ଶୁକ୍ରବାର ରାତିରେ ଅପରାଧି ମନୋଜ ଉତ୍ତମାପୁରର କୌଣସି ଏକ ସ୍ଥାନରେ ଲୁଚି ରହିଥିବା ଖବର ପୋଲିସ ପାଇଥିଲା । ପରେ ପୋଲିସ ସେଠାରେ ପହଞ୍ଚି ରେଡ କରିଥିଲା । ପୋଲିସ ନଜରରୁ ଖସି ଯିବା ପାଇଁ ଅପରାଧି ମନୋଜ ପୋଲିସଙ୍କ ଉପରକୁ ଗୁଳି କରିଥିଲା । ଫଳରେ ପୋଲିସ ଅପରାଧି ମନୋଜକୁ ଗୁଳି କରିବା ଆରମ୍ଭ କରିଥିଲା । ମନୋଜକୁ ଗୁଳି କରିବା ସମୟରେ ତାର ଗୋଡ଼ରେ ଗୁଳି ବାଜିଥିଲା ।ପରେ ଆହତ ଅବସ୍ଥାରେ ଏସସିବି ମେଡିକାଲରେ ଭର୍ତ୍ତି କରାଯାଇଥିଲା । 

ଆଗକୁ ପଢ଼ନ୍ତୁ : ସେପ୍ଟେମ୍ବର ୧୭ରୁ ଲାଗୁ ହେବ ବିଶ୍ୱକର୍ମା ଯୋଜନା