ଭୁବନେଶ୍ୱର: ଚାଲିଛି ମା' ଙ୍କର ନବଦିନାତ୍ମକ ପୂଜା। ଆଜି ସବୁ ମଣ୍ଡପରେ ମହାମାୟାଙ୍କ ମହାନବମୀ ଖୁବ ମହାଆଡମ୍ବରରେ ପାଳନ କରାଯିବ। ମନ୍ତ୍ରଧ୍ୱନି, ଚଣ୍ଡୀ ପାଠ, ଶଙ୍ଖନାଦ ତଥା ଘଣ୍ଟ ବାଦନ ଧ୍ୱନିରେ ପ୍ରକମ୍ପିତ ହୋଇପଡିବ ପରିବେଶ। ଏହି ଭକ୍ତିମୟ ପରିବେଶରେ ମା'ଙ୍କ ସାନ୍ନିଧ୍ୟ ଲାଭ କରିବାକୁ ଭୁବନେଶ୍ୱରର ବିଭିନ୍ନ ପୂଜା ମଣ୍ଡପରେ ଉତ୍ସାହିତ ଶ୍ରଦ୍ଧାଳୁଙ୍କର ଭିଡ଼ ବେଶ ଜମିବ। ସାରା ସହର ଆଲୋକମାଳାରେ ସଜେଇ ହୋଇ ପଡିଛି। ବିଭିନ୍ନ ସ୍ଥାନରେ ମିନବଜାର ଠାରୁ ଆରମ୍ଭ ହୋଇ ରାମଦୋଳି ତଥା ମନୋରଞ୍ଜନ ପାଇଁ ବିଭିନ୍ନ ଆୟୋଜନ କରାଯାଇଛି। ଏଥିପାଇଁ ପୂଜା କମିଟି ତଥା କମିସନରେଟ ପୋଲିସ ପକ୍ଷରୁ ଭିଡ ନିୟନ୍ତ୍ରଣ ପାଇଁ ବ୍ୟାପକ ବ୍ୟବସ୍ଥା କରାଯାଇଛି। କମିଟି ସଦସ୍ୟ ତଥା ବହୁ ସ୍ବେଛାସେବୀ ମାନେ ଯୋଗଦାନ କରି ଶାନ୍ତି ଶୃଙ୍ଖଳା ରକ୍ଷା କରିବାପାଇଁ ନିୟୋଜିତ ହୋଇ ରହିଛନ୍ତି। 

ଆଜି ମଣ୍ଡପରେ ମହାନବମୀ ପାଳନ ହେଉଥିବା ବେଳେ ବିଭିନ୍ନ ଶକ୍ତି ପୀଠରେ ପାଳନ ହେଉଛି ମହାଦଶମୀ। ଏହି ଅବସରରେ ବହୁ ଦୂରଦୂରାନ୍ତରୁ ଶ୍ରଦ୍ଧାଳୁଙ୍କର ଶକ୍ତି ପୀଠଗୁଡ଼ିକରେ ଭିଡ ପରିଲକ୍ଷିତ କରାଯାଉଛି।