କେନ୍ଦ୍ରାପଡା : ରେଳଧାରଣାରୁ ଯୁବକଙ୍କ ଖଣ୍ଡବିଖଣ୍ଡିତ ମୃତଦେହ ଉଦ୍ଧାର। କେନ୍ଦ୍ରାପଡା ସଦର ଥାନା ଅନ୍ତର୍ଗତ ଗୁଆଳସିଂ ଠାରେ ରେଳଧାରଣାରୁ ଜଣେ ଯୁବକଙ୍କ ମୃତଦେହ ଠାବ ହୋଇଛି l ରେଳଧାରଣା ରେ ଯୁବକଙ୍କ ମୁଣ୍ଡ ଏବଂ ଶରୀର ଅଲଗା ଅଲଗା ହୋଇ ପଡିଥିବା ଅବସ୍ଥାରେ ଲୋକେ ଦେଖିବାକୁ ପାଇଥିଲେ l ପରେ ଏ ନେଇ ପୁଲିସ୍ କୁ ଖବର ଦିଆଯାଇଥିଲା l

ସୂଚନା ଅନୁଯାୟୀ ମୃତ ଯୁବକ ଚାନ୍ଦୋଳ ପଞ୍ଚାୟତ ଭଣଗାଁ ଗ୍ରାମର ଦୁର୍ଗାପ୍ରସାଦ ସାହୁ ବୋଲି ଜଣାପଡିଛି l ତେବେ ପାରିବାରିକ କଳହ ଯୋଗୁ ଦୁର୍ଗାପ୍ରସାଦ ଗତ ଶୁକ୍ରବାର ଦିନ ଘରୁ ପଳାଇ ଆସିଥିଲେ l ଏହାପରେ ଘରକୁ ଫେରି ନଥିଲେ। ତେବେ ମୃତଦେହ ନିକଟରୁ ଆଧାର କାର୍ଡ ଓ ଅନ୍ୟାନ୍ୟ କାଗଜପତ୍ର ଉଦ୍ଧାର ହୋଇଛି l ଘଟଣାସ୍ଥଳରେ ସଦର ଥାନା ପୁଲିସ୍ ପହଞ୍ଚି ଶବ ଜବତ କରି ଅଧିକ ତଦନ୍ତ ଚଳାଇଛି ।