ସୋମବାର କାର୍ଯ୍ୟରେ ଯୋଗ ଦେଇଛନ୍ତି କଟକ ଜିଲ୍ଲାର ନୂଆ ଜିଲ୍ଲାପାଳ ଦତ୍ତାତ୍ରେୟ ଭାଉସାହେବ୍ । ୨୦୧୬ ବ୍ୟାଚ୍ ର ଆଇ ଏ ଏସ ଅଫିସର୍ ହେଉଛନ୍ତି ଦତ୍ତାତ୍ରେୟ ଭାଉସାହେବ୍ ସିନ୍ଧେ। ଦାୟିତ୍ୱ ଗ୍ରହଣ କରିବା ପରେ ଜିଲ୍ଲାର ବରିଷ୍ଠ ଅଧିକାରୀ ଓ କର୍ମଚାରୀ ମାନେ ଜିଲ୍ଲାପାଳଙ୍କୁ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧନା ଦେଇଥିଲେ।

ନୂଆ ଜିଲ୍ଲାପାଳ କାର୍ଯ୍ୟରେ ଯୋଗ ଦେବା ପରେ ବରିଷ୍ଠ ଅଧିକାରୀ ମାନଙ୍କ ସହ ଏକ ବୈଠକ କରିଛନ୍ତି। ବର୍ତ୍ତମାନ ବନ୍ୟାର ସମୟ ତେଣୁ କିଭଳି ଭାବେ ଏହାର ସଠିକ୍ ମୁକାବିଲା କରାଯିବ ସେନେଇ ଆଲୋଚନା କରିଥିଲେ। ଆଗକୁ ମଧ୍ଯ ପାର୍ବଣ ଋତୁ ଆସୁଛି ତେଣୁ କଟକ ସହରରେ କିଭଳି ଭାବେ ଗଣେଶ ପୂଜା ଠାରୁ ଆରମ୍ଭ କରି ବାଲିଯାତ୍ରା ପର୍ଯ୍ୟନ୍ତ ସମସ୍ତ ପର୍ବ ପର୍ବାଣୀ କୁ ସୁରୁଖୁରୁରେ ପାଳନ କରାଯିବ ସେ ନେଇ ବରିଷ୍ଠ ଅଫିସର୍ ମାନଙ୍କ ସହ ସବିଶେଷ ଆଲୋଚନା କରାଯିବ ବୋଲି ଜିଲ୍ଲାପାଳ କହିଛନ୍ତି ।