ଗଜପତି: ଗଜପତି ଜିଲ୍ଲା ପାରଳାଖେମୁଣ୍ଡି ସ୍ଥିତ ରାଜ ଦାଣ୍ଡରେ ଥିବା ବ୍ରହ୍ମପୁର ସମବାୟ କେନ୍ଦ୍ର ବ୍ୟାଙ୍କ୍ ଲିଃ ପାରଳାଖେମୁଣ୍ଡି ଶାଖା ରେ ଗ୍ରାହକ ହନ୍ତସନ୍ତ ‌। ବିଶେଷ କରି ଏହି ବ୍ୟାଙ୍କ ଉପରେ ଚାଷୀ ମୂଲିଆ ନିର୍ଭର କରୁଥିବାବେଳେ ବ୍ୟାଙ୍କ୍ ରେ ଅବ୍ୟବସ୍ଥା ଦେଖିବାକୁ ମିଳିଛି । ବର୍ତ୍ତମାନ ଧାନ ବିକ୍ରି କରି ଧାନ ଟଙ୍କା ଆସିବା ପରେ ଚାଷୀଟିଏ ବ୍ୟାଙ୍କ ଟଙ୍କା ଉଠେଇବା ପାଇଁ ଗଲାବେଳେ ଚାଷୀଙ୍କୁ କୌଣସିସୁବିଧା ମିଳୁନଥିବାର ଚାଷୀ ଅଭିଯୋଗ ଆଣିଛନ୍ତି। ଚାଷୀଙ୍କ କହିବା ଅନୁଯାୟୀ ଚାଷୀଙ୍କୁ ସହଯୋଗ କରିବା ପାଇଁ କୌଣସି କର୍ମଚାରୀ ଆଗକୁ ଆସୁ ନାହାଁନ୍ତି। ବ୍ୟାଙ୍କ ମିତ୍ର ଅଛନ୍ତି କି ନାହିଁ ଆଜି ପର୍ଯ୍ୟନ୍ତ ଚାଷୀ ଜାଣି ନାହାନ୍ତି।

ଚାଷୀ କେତେବେଳେ ଟଙ୍କା ଉଠେଇବା ପାଇଁ ଯାଉଛନ୍ତି ସେତେବେଳେ ଦାୟିତ୍ଵ ରେ ଥିବା ଅଧିକାରୀ ବିରକ୍ତି ଭାବ ପ୍ରକାଶ କରୁଛନ୍ତି। ବୁଧବାରଠୁ ଚାରିଦିନ ହେଲା ବ୍ୟାଙ୍କ୍ ରେ ଟଙ୍କା ନଥିବା ହେତୁ ଚାଷୀ ବ୍ୟାଙ୍କ ଗ୍ରାହକ ବହୁ ଅସୁବିଧାର ସମ୍ମୁଖୀନ ହେଉଛନ୍ତି। ଦୀର୍ଘ ସମୟ ଧାଡ଼ିରେ ଛିଡ଼ା ହେବା ପରେ  କାଉଣ୍ଟର ପାଖରେ ପହଞ୍ଚିବା ପରେ ଟଙ୍କା ନଥିବା କହିଛନ୍ତି। ବ୍ୟାଙ୍କ ଦାୟିତ୍ଵରେ ଥିବା ଅଧିକାରୀ। ବ୍ୟାଙ୍କରେ ଟଙ୍କା ନଥିବା  ଆଗୁଆ ସୂଚନା କିମ୍ବା ଫଳକ ବା ସଚେତନତା ବୋର୍ଡ ମଧ୍ୟ ଲଗା ହେଉନାହିଁ। ଫଳରେ ନିରକ୍ଷର ଚାଷୀ ବହୁତ ଅସୁବିଧାରର ସମ୍ମୁଖୀନ ହେଉଛନ୍ତି। ଟଙ୍କା ଉଠାଣ ବେଳେ ଚାଷୀଙ୍କର କଣ ତ୍ରୁଟି ରହେ ତ୍ରୁଟି ସଂଶୋଧନ ନ କରି ଚାଷୀ ଫେରୁଛନ୍ତି । ବର୍ତ୍ତମାନ ବ୍ୟାଙ୍କ ପ୍ରତି ବିମୁଖ ହେଉଛନ୍ତି ଚାଷୀ ।