ନବରଙ୍ଗପୁର ଜିଲ୍ଲା ପାପଡାହାଣ୍ଡି ଥାନା ବାସପୁର ଡେଙ୍ଗାଗୁଡାରେ ଗୁରୁବାର ଅପରାହ୍ନରେ ବଜ୍ରଘାତରେ ୨ ଜଣ ଗୁରୁତର ଆହତ ହୋଇଛନ୍ତି । ସେମାନେ ହେଲେ ଗ୍ରାମର ଟଙ୍କଧର ଯାନୀ, ସହଦେଵ ଯାନୀ । ଉଭୟଙ୍କୁ ଉଦ୍ଧାର କରି ଆମ୍ବୁଲାନ୍ସ ଯୋଗେ ପାପଡାହାଣ୍ଡି ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରି ଚିକିତ୍ସା କରାଯାଉଛି ।
ସୂଚନା ଅନୁସାରେ ଅପରାହ୍ନରେ ଅଞ୍ଚଳରେ କାଳବୈଶାଖୀ ପ୍ରଭାବରୁ ବିଜୁଳି ଘଡ଼ଘଡ଼ି ସହ ବର୍ଷା ହୋଇଥିଲା ଏହି ସମୟରେ ଟଙ୍କ ଓ ସହଦେଵ ନିଜର ଇଟା ଭାଟିକୁ ପାଲ ଢାଙ୍କିବା ପାଇଁ ଯାଇଥିଲେ। ତେବେ ଫେରିବା ସମୟରେ ଦୁଇଜଣ ବଜ୍ରପାତର ଶିକାର ହୋଇଥିଲେ ବୋଲି ଜଣାପଡିଛି।