ବାଲେଶ୍ୱର: ରାତି ଅଧରେ ସୁନା ବ୍ୟବସାୟୀଙ୍କ ଘରେ ପଶି ଲୁଟ କଲେ ଦୁବୃର୍ତ୍ତ । ୫ରୁ ଅଧିକ ଦୁର୍ବୃତ୍ତ ଆସି ୫୦ ଲକ୍ଷରୁ ଅଧିକ ଟଙ୍କାର ଅଳଙ୍କାର ସମେତ ଟଙ୍କା ଲୁଟି ନେଇଛନ୍ତି । ବାଲେଶ୍ୱର ଜିଲ୍ଲା ଖଇରା ଥାନା ପ୍ରହରାଜପୁର ଗାଁରୁ ଆସିଛି ଅଭିଯୋଗ । ସୁନା ବ୍ୟବସାୟୀ ସଞ୍ଜୟ ସାହୁ ଘରେ ପଶି ଲୁଟ କରିଛନ୍ତି ଦୁବୃର୍ତ୍ତ ।
ସଞ୍ଜୟଙ୍କର ତୁଡ଼ିଗଡିଆ ବଜାରରେ ଏକ ଜୁଏଲାରୀ ଦୋକାନ ରହିଛି । ତେବେ ଗତକାଲି ବିଳମ୍ବିତ ରାତିରେ ଦୋକାନ ବନ୍ଦ କରି ଘରକୁ ଯାଇ ଶୋଇବା ପରେ ପ୍ରାୟ ରାତି ୨ଟା ପରେ ଘର କବାଟ ଓ ଗ୍ରୀଲ ଭାଙ୍ଗି ଦୁର୍ବୃତ୍ତ ପଶିଥିଲେ । ସଞ୍ଜୟ, ସଞ୍ଜୟଙ୍କ ମା, ସ୍ତ୍ରୀ ଓ ଛୋଟ ପିଲାଙ୍କୁ ପ୍ରଥମେ ବାନ୍ଧି ମୋବାଇଲ ଛଡାଇ ନେଇଥିଲେ । ପରେ ବନ୍ଧୁକ, ଭୁଜାଲି ଓ ବ୍ୟାଟରେ ଆକ୍ରମଣ କରି ୫୦ଲକ୍ଷରୁ ଅଧିକ ଟଙ୍କାର ଅଳଙ୍କାର ସମେତ ଟଙ୍କା ଲୁଟ ହୋଇଥିବା ଅଭିଯୋଗ ହୋଇଛି।
ଲୁଟେରାଙ୍କ ଆକ୍ରମଣରେ ସଞ୍ଜୟଙ୍କ ମାଆ ଗୁରୁତର ହୋଇଥିବା ବେଳେ ତାଙ୍କୁ ମେଡ଼ିକାଲରେ ଭର୍ତ୍ତି ହୋଇଛନ୍ତି । ସୂଚନା ପାଇଁ ଔପଦା ଆଇଆଇସି ପହଞ୍ଚି ଘଟଣାର ତଦନ୍ତ କରୁଛନ୍ତି ।