ନିଷ୍ଟି ବିଶ୍ବବିଦ୍ୟାଳୟରେ ଶିକ୍ଷା କର୍ମଶାଳା ସଙ୍କଳ୍ପ 2024ରେ ଉଦଘଟିତ ହୋଇଛି । ବ୍ରହ୍ମପୁର ସହର ଉପକଣ୍ଠ ଗୋଳନ୍ଥରା ନିକଟରେ ଥିବା ନିଷ୍ଟ ବିଶ୍ୱବିଦ୍ୟାଳୟ ପରିସରରେ ଦୁଇ ଦିନିଆ ବୈଷୟିକ ଶିକ୍ଷା କର୍ମଶାଳା ସଙ୍କଳ୍ପ ଉଦଘାଟିତ ହୋଇଯାଇଛି । ଶିକ୍ଷାନୁଷ୍ଠାନର ପ୍ରତିଷ୍ଠାତା ଅଧ୍ୟକ୍ଷ ଡ ସୁକାନ୍ତ କିଶୋର ମହାପାତ୍ର, ଶିକ୍ଷାନୁଷ୍ଠାନ ଭାରପ୍ରାପ୍ତ କୁଳପତି  ଡ ପି ରାଜେଶ କୁମାର ଙ୍କ ସଭାପତିତ୍ୱରେ ଆୟୋଜିତ କର୍ମଶାଳାରେ ମୁଖ୍ୟ ଅତିଥି ଭାବେ ଯୋଗଦେଇ ଥିଲେ । ସେହିପରି ଅନ୍ୟମାନଙ୍କ ମଧ୍ୟରେ ସଙ୍କଳ୍ପର ପରାମର୍ଶଦାତା,ସଭାପତି ଆଦିତ୍ୟ କୁମାର ସାହୁ,  ଛାତ୍ର ସଚିବ ବି. ସଂଜୀବ ରେଡ୍ଡୀ ଏବଂ ଛାତ୍ର କୋଷାଧ୍ୟକ୍ଷା ରିଚା ଅତିଥି ରୂପେ ମଞ୍ଚାସୀନ ଥିଲେ। ଏହି ଅବସରରେ କଲେଜ ପରିସରରେ ବିଭିନ୍ନ ପ୍ରକାରର ବୈଷୟିକ ପଦର୍ଶନୀ ଅନୁଷ୍ଠିତ ହୋଇଥିଲା ।ସେହିପରି ବୈଷୟିକ ଶିକ୍ଷା ସହିତ ଆସିଥିବା ଛାତ୍ରଛାତ୍ରୀଙ୍କ ମନୋରଞ୍ଜନ ପାଇଁ ସନ୍ଧ୍ୟା ସମୟରେ ସାଂସ୍କୃତିକ କାର୍ଯ୍ୟକ୍ରମ ଆୟୋଜନ କରାଯାଇଛି । ଚଳିତ ବର୍ଷ ନିଷ୍ଟ  ବୈଷୟିକ ଶିକ୍ଷାନୁଷ୍ଠାନର ୧୫ ଶହରୁ ଉର୍ଦ୍ଧ ବିଦ୍ୟାର୍ଥୀଙ୍କ ସମେତ ବହୁ ଶିକ୍ଷାନୁଷ୍ଠାନର ଶତାଧିକ ବିଦ୍ୟାର୍ଥୀ ଯୋଗ ଦେଇଥିଲେ ।

ଅଧିକା ପଢନ୍ତୁ: ବିପୁଳ ପରିମାଣର ବିଦେଶୀ ମଦ ଜବତ, ଜଣେ କୋର୍ଟ ଚାଲାଣ