ଶିକ୍ଷା କ୍ଷେତ୍ରରେ ଏକ ଅଗ୍ରଣୀ ସ୍ୱେଚ୍ଛାସେବୀ ସଙ୍ଗଠନ "ପ୍ରଥମ ଓଡ଼ିଶା" ତରଫରୁ ନୟାଗଡ ଜିଲ୍ଲା ଅନ୍ତର୍ଗତ ରଣପୁର ବ୍ଳକ ର ୪ଟି ଗ୍ରାମ ଯଥାକ୍ରମେ - କୋଟଗଡ଼,ମଝିଆଖଣ୍ଡ, ରାଜଜଙ୍କିଆ, ସାନଚାକୁଣ୍ଡାଝର ଠାରେ ମହାସମାରୋହ ସହ ଶିଶୁ ଦିବସ ପାଳିତ ହୋଇଯାଇଛି। ଏହି ଦିବସର ମହତ୍ତ୍ଵ ବିଷୟରେ ଆଲୋଚନା କରିବା ସହ ଛାତ୍ର ଛାତ୍ରୀ ମାନଙ୍କୁ ନେଇ ବିଭିନ୍ନ ପ୍ରତିଯୋଗିତା କରାଯାଇଥିଲା । ଯଥା-ନୃତ୍ୟ,ଗୀତ,ଗପ, ବକୃତା, ଚିତ୍ରାଙ୍କନ ଆଦି।ତତ୍ ସହିତ କୃତ ଛାତ୍ର ଛାତ୍ରୀ ମାନଙ୍କୁ ପୁରସ୍କାର ପ୍ରଦାନ କରାଯାଇଥିଲା। ଏହି କାର୍ଯ୍ୟକ୍ରମରେ ବିଦ୍ୟାଳୟର ସି.ଆର.ସି.ସି, ପ୍ରଧାନ ଶିକ୍ଷକ, ଶିକ୍ଷୟିତ୍ରୀ, ସରପଞ୍ଚ, ୱାର୍ଡ ମେମ୍ବର, ଅଙ୍ଗନବାଡ଼ି ଦିଦି, ଅଭିଭାବକ, ଗ୍ରାମବାସୀ ଓ ସ୍ବେଚ୍ଛାସେବୀ ମାନେ ଯୋଗ ଦେଇଥିଲେ।