ମୟୁରଭଞ୍ଜ/ମାଲକାନଗିରି: ମାଲକାନଗିରି ବାଲିମେଳାରେ ଦୁଇଟି ବାଇକ୍ ମୁହାଁମୁହିଁ ଧକ୍କା ହେବା ଦ୍ୱାରା ୩ ଜଣଙ୍କର ମୃତ୍ୟୁ ହୋଇଛି । ସେପଟେ କାର ଉପରେ ଓଲଟି ପଡ଼ିଲା ବସ୍ । ମୟୁରଭଞ୍ଜ ଜିଲ୍ଲା ଦ୍ୱାରଶୁଣି ଘାଟିରେ ଏଭଳି ଦୁର୍ଘଟଣା ଘଟିଛି । ଫଳରେ ୪ ଜଣ ଗୁରୁତର ହୋଇଥିବାବେଳେ ୧୦ ଜଣ ଯାତ୍ରୀ ଆହତ ହୋଇଛନ୍ତି ।
ମାଲକାନଗିରି ସଦର ଥାନା ବାଲିମେଳା ମୁଖ୍ୟରାସ୍ତାର ଏମଭି- ୧୧ ନିକଟରେ ୨ଟି ବାଇକ୍ ମୁହାଁମୁହିଁ ଧକ୍କା ହୋଇଛି । ଫଳରେ ଦମ୍ପତିଙ୍କ ସହ ୩ ଜଣଙ୍କର ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ ସ୍ୱାମୀ ଓ ସ୍ତ୍ରୀ ରହିଛନ୍ତି । ସେହିପରି ଆଉ ଜଣଙ୍କ ଅବସ୍ଥା ସଂକଟାପନ୍ନ ରହିଛି ।
ସେହିପରି ମୟୁରଭଞ୍ଜ ଜିଲ୍ଲା ଦ୍ଵାରଶୁଣି କାର ଉପରେ ଯାତ୍ରୀ ଭର୍ତ୍ତି ବସ୍ ଓଲଟି ପଡ଼ିଛି । ୪୯ ନମ୍ବର ଜାତୀୟ ରାଜପଥର ଦ୍ଵାରଶୁଣି ଘାଟିରେ ଘଟିଛି ମର୍ମନ୍ତୁଦ ସଡ଼କ ଦୁର୍ଘଟଣା। ଉଭୟ ବସ ଓ କାର ବିଶୋଇ ପଟୁ ବାଙ୍ଗିରିପୋଷି ଆଡ଼କୁ ଆସୁଥିବା ବେଳେ ଦ୍ଵାରଶୁଣି ଘାଟିରେ ଘଟିଛି ଦୁର୍ଘଟଣା । ଅଗ୍ନିଶମ ବିଭାଗ ମୁଖ୍ୟ ଅଧିକାରୀ ରମେଶ ମାଝୀଙ୍କ ସୂଚନା ଦେଇଛନ୍ତି ଯେ ଘରୋଇ ବସ ଶ୍ରୀଗଣେଶ କାରକୁ ଓଭରଟେକ୍ କରୁଥିବା ସମୟରେ ଅସାବଧାନତା ହେତୁ ଭାରସାମ୍ୟ ହରାଇ କାର ଉପରେ ପାଲଟି ଯାଇଛି। ବସ୍ରେ ୬୦ରୁ ୬୫ ଯାତ୍ରୀ ଥିଲେ । ରାସ୍ତା ମରାମତି ଚାଲିଥିବାରୁ ଓଭର୍ ଟେକ୍ କରିବାର ନ ଥିବା ବୋଲି ସେ କହିଛନ୍ତି । ତେବେ ଏଥିରେ ଉଭୟ ବସ ଓ କାରର ଚାରି ଜଣ ଗୁରୁତର ହୋଇଥିଲା ବେଳେ ୧୦ ରୁ ଉର୍ଦ୍ଧ ଆହତ ହୋଇଛନ୍ତି । ଖବର ପାଇ ଅଗ୍ନିଶମ ବାହିନୀ ପହଁଚି ସମସ୍ତଙ୍କୁ ଉଦ୍ଧାର କରି ଆମ୍ବୁଲାନ୍ସରେ ମେଡ଼ିକାଲକୁ ପଠାଇଛି ।