ଗଞ୍ଜାମ: ଭାଇ ନେଲା ଭଉଣୀର ଜୀବନ। ଯେଉଁ ହାତରେ ଭଉଣୀ ନିଜ ରକ୍ଷା ପାଇଁ ରାକ୍ଷୀ ବାନ୍ଧିଥିଲା। ସେଇ ହାତ ଆଜି ଭଉଣୀର ଜୀବନ ନେଇଛି । ଏପରି ଏକ ଅଭାବନୀୟ ଘଟଣା ଗଞ୍ଜାମ ଜିଲ୍ଲା ଆସିକା ଥାନା ରାଇପୋଲି ଗାଁରେ ଘଟିଛି। ମୃତ ଭଉଣୀ ହେଲେ ଲକ୍ଷ୍ମୀ ମହାନ୍ତି ।

ସୂଚନା ଅନୁସାରେ, ରାଇପୋଲି ଗାଁରେ ପାରିବାରିକ କଳହରୁ ଭାଇ ଉତ୍ୟକ୍ତ ହୋଇ ଭଉଣୀକୁ ଆକ୍ରମଣ କରିଥିଲା। ଏହି ଆକ୍ରମଣରେ ଭଉଣୀ ଶିକାର ହୋଇ ମୃତ୍ୟୁ ଘଟିଛି। ଏହି ଘଟଣା ପରେ ଅଭିଯୁକ୍ତ ଭାଇ ଘଟଣାସ୍ଥଳରୁ ଫେରାର ହୋଇଯାଇଛି । ଖବର ପାଇ, ପୋଲିସ ଘଟଣାସ୍ଥଳରେ ପହଞ୍ଚି ମୃତ ଦେହକୁ ଜବତ କରିବା ସହିତ ଘଟଣାର ତଦନ୍ତ ଜାରି କରିଛି । ଏହି ଘଟଣା ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳାଇଦେଇଛି ।