ଗଣେଶ ବିସର୍ଜନ ବେଳେ ଘଟିଲା ଅଘଟଣ । ଗଣେଶ ବିସର୍ଜନ ଦେଖିବାକୁ ଯାଇ ପୋଖରୀରେ ବୁଡ଼ି ଚାଲିଗଲା ଦୁଇ ସମ୍ପର୍କୀୟ ଭାଇଙ୍କ ଜୀବନ । ଏପରି ଏକ ଦୁଃଖଦ ଘଟଣା ଆଜି ସକାଳେ ବାଲେଶ୍ୱର ଜିଲ୍ଲା ଖନ୍ତାପଡ଼ା ଥାନା କୁଳିଗାଁରେ ଘଟିଛି।

ସୂଚନା ଅନୁଯାୟୀ ରବିବାର  ଧୁମଧାମରେ ଗାଁରେ ଚାଲିଥିଲା ଗଣେଶ ବିସର୍ଜନ ତେଣୁ ବିସର୍ଜନ ଦେଖିବାକୁ ପୋଖରୀ ନିକଟରେ ଜମିଥିଲା ପ୍ରବଳ ଭିଡ଼ । ହେଲେ ଏହି ସମୟ ରେ ସାମାନ୍ୟ ଅସାବଧାନତା କାରଣରୁ ବିସର୍ଜନ ଦେଖିବାକୁ ଯାଇଥିବା ଦୁଇ ସମ୍ପର୍କୀୟ ଭାଇ ପୋଖରୀରେ ବୁଡ଼ିଗଲେ । ଏହି ଅଘଟଣରେ ବଡ଼ ଭାଇର ମୃତ୍ୟୁ ହୋଇଥିବା ବେଳେ ସାନ ଭାଇ ଗୁରୁତର  ଅବସ୍ଥାରେ ଡାକ୍ତରଖାନାରେ ଭର୍ତି ହୋଇଥିଲା। 

ମୃତକ ହେଲେ ଅରୁଣ ରାଉତଙ୍କ ବଡ଼ ପୁଅ ୧୧ ବର୍ଷୀୟ ପ୍ରତ୍ୟୁଷ ରଞ୍ଜନ ରାଉତ । ସେ ଷଷ୍ଠ ଶ୍ରେଣୀରେ ପାଠ ପଢୁଥିଲେ । ଗୁରୁତର ଥିବା ବାଳକ ହେଉଛନ୍ତି ତାଙ୍କ ଦାଦା ପୁଅ ଭାଇ ୮ ବର୍ଷୀୟ ସତ୍ୟଜିତ ରାଉତ ।