କଳାହାଣ୍ଡି: ରାଜ୍ୟର ବିଭିନ୍ନ ଜିଲ୍ଲା, ଉପଜିଲ୍ଲା, ତହସିଲ, ଗ୍ରାମ ଓ ନଗରାଞ୍ଚଳରେ ଇଂରାଜୀ ନାମ ବନାନ ସଂଶୋଧନ କରାଯାଇଥିବାବେଳେ ବର୍ତ୍ତମାନ କଳାହାଣ୍ଡି ଜିଲ୍ଲାର କିଛି ମୁଖ୍ୟ ସ୍ଥାନର ଇଂରାଜୀ ନାମରେ ପରିବର୍ତ୍ତନ ଆଣାଯାଉଛି । ଧର୍ମଗଡ଼, ଜୁନାଗଡ଼, ଜୟପାଟଣା, ଲାଞ୍ଜିଗଡ଼ ଓ ଭବାନୀପାଟଣାର ଇଂରାଜୀ ବନାମ ସଂଶୋଧନ କରିବାକୁ ରାଜ୍ୟ ସରକାରଙ୍କ ରାଜସ୍ୱ ଓ ବିପର୍ଯ୍ୟୟ ପରିଚାଳନା ବିଭାଗ ପକ୍ଷରୁ ନିର୍ଦ୍ଦେଶ ଜାରି କରାଯାଇଛି । 

ନୂତନ ନାମ ଅନୁସାରେ

ଧର୍ମଗଡ଼- “Dharmagarh” କୁ “Dharamagada” କରାଯିବ ।

ଜୁନାଗଡ଼-“Junagarh” କୁ “Junagada” କରାଯିବ ।

ଜୟପଟଣା- “Jaipatna” କୁ “Jayapatana” କରାଯିବ ।

ଲାଞ୍ଜିଗଡ଼- “Lanjigarh” କୁ “Lanjigada” କରାଯିବ ।

ଭବାନୀପାଟଣା- “Bhawanipatna” କୁ “Bhabanipatana” କରାଯିବ ।

ଏକ ମାସ ମଧ୍ୟରେ ସମସ୍ତ ଅଧିକାରିକ ରେକର୍ଡ, ପଟ୍ଟା, ସାଇନବୋର୍ଡ ଓ ଡକ୍ୟୁମେଣ୍ଟରେ ନୂତନ ନାମ ଲାଗୁ କରିବାକୁ କୁହାଯାଇଛି ।ଏହି ପଦକ୍ଷେପ ଦ୍ୱାରା ସ୍ଥାନୀୟ ଉଚ୍ଚାରଣ ଓ ଭାଷାର ସଠିକତାକୁ ଗୁରୁତ୍ୱ ଦିଆଯାଇଥିବା କୁହାଯାଇଛି ।