ରୋହିତ ଶର୍ମାଙ୍କ ପ୍ରତିନିଧିତ୍ଵରେ ଭାରତୀୟ ଦଳ ଟି-୨୦ ବିଶ୍ୱକପ ୨୦୨୪ ଟାଇଟେଲ ଜିତିଥିଲା। ଦୀର୍ଘ ୧୭ ବର୍ଷ ପରେ ଭାରତକୁ ଏହି ଟାଇଟେଲ ଫେରିଥିଲା । ଭାରତକୁ ଚାମ୍ପିୟନ୍ କରିବା ପରେ ରୋହିତ ତାଙ୍କ ପରିବାର ସହିତ ସମୟ ବିତାଉଛନ୍ତି।ନିକଟରେ ରୋହିତ ଶର୍ମା ୱିମ୍ବଲଡନ୍ ମ୍ୟାଚ୍ ଉପଭୋଗ କରୁଥିବା ନଜର ଆସିଥିଲେ। ଏହି ସମୟରେ, ସେ ଏକ ପୋଡକାଷ୍ଟରେ ସେ ତାଙ୍କ ମାନସିକତା ବିଷୟରେ କହିଥିଲେ, ଯେତେବେଳେ ଭାରତ ଟି-୨୦ ବିଶ୍ୱକପ ଜିତିବା ପାଇଁ ୩୦ ବଲରେ ୩୦ ରନ ଆବଶ୍ୟକତା ଥିଲା। 

ରୋହିତ ଶର୍ମା କହିଥିଲେ ଜଣେ ଅଧିନାୟକ ପାଇଁ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ସେ ସବୁବେଳେ ସାମ୍ନାରେ ରହି ନେତୃତ୍ୱ କରିବା ଏବଂ ସାଥୀ ଖେଳାଳିଙ୍କ ପାଇଁ ଏକ ଉଦାହରଣ ସୃଷ୍ଟି କରିବା। ସେ କହିଥିଲେ ଅଧିନାୟକ ଭାବେ ମୁଁ ଏଭଳି ପ୍ରଦର୍ଶନ କରିବାକୁ ଯାହା ଦ୍ୱାରା ସାଥି ଖେଳାଳି ମଧ୍ୟ ଉତ୍ସାହିତ ହେବେ । ସେ ଆହୁରି ମଧ୍ୟ କହିଥିଲେ ଯେ ପଡିଆରେ ଆମେ କିଭଳି ପ୍ରଦର୍ଶନ କରୁଛେ ତାହା ନୁହେଁ ପଡିଆ ବାହାରେ ମଧ୍ୟ କିଭଳି ପରିସ୍ଥିତିକୁ ପରିଚାଳନା କରୁଛେ ତାହା ମଧ୍ୟ ଦେଖିବାକୁ ହୁଏ । 

'ହିଟମ୍ୟାନ୍' ଆହୁରି ମଧ୍ୟ କହିଛନ୍ତି ଯେ ମୁଁ ମୋ ଭାରତୀୟ ଦଳକୁ ମୋ ପରିବାର ଓ ସାଙ୍ଗମାନଙ୍କ ପରି ବିବେଚନା କରେ, କାରଣ ତୁମେ ଦଳକୁ ଯେତେ ପାଖରେ ରଖିବା, ଖେଳାଳିଙ୍କ ମଧ୍ୟରେ ପରିବେଶ ସେତେ ଭଲ ହେବ ଦଳର ପ୍ରତ୍ୟେକ ଖେଳାଳି ମ୍ୟାଚର ଫଳାଫଳ ପାଇଁ ସମାନ ଭାବରେ ଦାୟୀ ଅଟନ୍ତି । ତେଣୁ, ଖେଳାଳିଙ୍କ ସହ ଘର ଭଳି ପରିବେଶ ସୃଷ୍ଟି କରିବାକୁ ପଡେ, ଯାହା ଦ୍ୱାରା ସେମାନେ ଯଥାସମ୍ଭବ ନିଜର ସର୍ବୋତ୍ତମ ପ୍ରଦର୍ଶନ କରିପାରିବେ।