ମହିଳା ପ୍ରିମିୟର ଲିଗର ପ୍ରଥମ ମ୍ୟାଚର ଶେଷ ବଲରେ ଛକ୍କା ମାରି ମ୍ୟାଚ ଜିତାଇଥିବା ଏସ ସଜନା । ସଜନାଙ୍କ ଛକ୍କାର ପ୍ରଶଂସା କରିଛନ୍ତି ଜେମିମା ରୋଡ୍ରିଗ୍ସ । ପ୍ରତିଦ୍ବନ୍ଦୀ ହୋଇ ମଧ୍ୟ ସାଥି ଖେଳାଳିର ଉତ୍ତମ ପ୍ରଦର୍ଶନ ଦେଖି ସତ କହିବାକୁ ପଛାଇ ନାହାନ୍ତି ଭାରତୀୟ ମହିଳା ଦଳର ବ୍ୟାଟ୍ସମ୍ୟାନ ଜେମିମା । ନିଜ ସୋସିଆଲ ମିଡ଼ିଆ ପେଜ ଇନଷ୍ଟାଗ୍ରାମରେ ସେହି ମୁହୂର୍ତ୍ତର ଭିଡିଓ ପୋଷ୍ଟ କରିବା ସହ ଛକ୍କା ମାରି ମ୍ୟାଚ ଜିତାଇଥିବା ସଜନାଙ୍କ ପ୍ରଶଂସା କରିଛନ୍ତି । ଯାହା ପ୍ରମାଣ ଦେଉଛି ସେ ଜଣେ ଭଲ ଖେଳାଳି ସହିତ ଭଲ ମଣିଷ ମଧ୍ୟ ।

ଘଟଣା ହେଉଛି ମହିଳା ପ୍ରିମିୟର ଲିଗର ପ୍ରଥମ ମ୍ୟାଚ ମୁମ୍ବାଇ ଇଂଡିଆନ୍ସ ଓ ଦିଲ୍ଲୀ କ୍ୟାପିଟାଲ୍ସ ମଧ୍ୟରେ ଚାଲିଥିଲା । ଦୁଇ ଦଳ ମଧ୍ୟରେ କଡା ଟକ୍କର ଦେଖିବାକୁ ମିଳିଥିବାବେଳେ ମ୍ୟାଚଟି ଶେଷ ବଲ ପର୍ଯ୍ୟନ୍ତ ଯାଇଥିଲା । ୨ଟି ବଲରେ ୫ ରନ ଆବଶ୍ୟକ ଥିବାବେଳେ ମୁମ୍ବାଇର ଅଧିନାୟକ ନିଜର ୱିକେଟ୍ ହରାଇଥିଲେ । ଏହା ସହ ମ୍ୟାଚରେ ମୁମ୍ବାଇର ହାର ନିଶ୍ଚିତ ଥିବାବେଳେ ପଡିଆକୁ ଓହ୍ଲାଇଥିଲେ ଡେବ୍ୟୁଟାଣ୍ଟ ଏସ ସଜନା । ମ୍ୟାଚର ଶେଷ ବଲରେ ଏକ ଅବିଶ୍ୱସନୀୟ ସର୍ଟ ଖେଳି ମ୍ୟାଚ ଜିତାଇବାରେ ସଫଳ ହୋଇଥିଲେ । ମ୍ୟାଚ ଜିତାଇଥିବ ଏସ ସଜନାଙ୍କ ଏହି ସର୍ଟର ଚର୍ଚ୍ଚା ସବୁ କ୍ରିକେଟ ପ୍ରେମୀ କରିଥିଲେ ଏବଂ ଏହି ସର୍ଟର ପ୍ରଶଂସା କରିଛନ୍ତି ମୁମ୍ବାଇ ବିପକ୍ଷରେ ଖେଳୁଥିବା ଜେମିମା ରୋଡ୍ରିଗ୍ସ । ଜେମିମା ନିଜ ଇନଷ୍ଟାଗ୍ରାମରେ ଶେଷ ବଲର ଭିଡିଓ ପୋଷ୍ଟ କରିବା ସହ ସଜନାଙ୍କୁ ଶୁଭେଚ୍ଛା ମଧ୍ୟ ଜଣାଇଛନ୍ତି । ସେ କହିଛନ୍ତି ଆମେ ଯାହା ଆଶା କରିଥିଲୁ ତାହା ହେଲା ନାହିଁ କିନ୍ତୁ ଡେବ୍ୟୁଟାଣ୍ଟଙ୍କ ଦ୍ୱାରା ଏଭଳି ସର୍ଟ ପ୍ରଶଂସନୀୟ । ସଜନାଙ୍କ ଜୀବନର ସଂଘର୍ଷ ବିଷୟରେ ମଧ୍ୟ ପୋଷ୍ଟରେ ଉଲ୍ଲେଖ ଥିଲା । 

ଅଧିକ ପଢନ୍ତୁ : ଶେଷ ବଲରେ ଛକ୍କା ମାରି ଦିଲ୍ଲୀକୁ ପରାସ୍ତ କଲା ମୁମ୍ବାଇ ଇଂଡିଆନ୍ସ