ଭାରତୀୟ ମହିଳା ଦଳ ଏବଂ ଦକ୍ଷିଣ ଆଫ୍ରିକା ମହିଳା ଦଳ ମଧ୍ୟରେ ଖେଳାଯାଉଥିବା ଏକମାତ୍ର ଟେଷ୍ଟ ମ୍ୟାଚରେ ୧୦ ୱିକେଟ୍ ରେ ବିଜୟ ହାସଲ କରିଛି ଭାରତୀୟ ଦଳ । ଚେନ୍ନାଇର ଏମ ଚିଦାମ୍ବରମ୍ ଷ୍ଟାଡିୟମରେ ଖେଳାଯାଇଥିବା ଏହି ମ୍ୟାଚରେ ଭାରତୀୟ ଦଳ ୬୦୩/୬ ରେ ପ୍ରଥମ ଇନିଂସ ଘୋଷଣା କରିଥିଲେ। ଏହାର ଜବାବରେ ଦକ୍ଷିଣ ଆଫ୍ରିକା ପ୍ରଥମ ଇନିଂସରେ ୨୬୬ ରନରେ ଅଲ ଆଉଟ ହୋଇଥିଲା।

ଫଲୋନ ଖାଇବା ପରେ ଦ୍ୱିତୀୟ ଇନିଂସରେ ଦକ୍ଷିଣ ଆଫ୍ରିକା ୩୭୩ ରନରେ ସୀମିତ ରହିଥିଲା। ଏହାସହ ଭାରତକୁ ଦ୍ୱିତୀୟ ଇନିଂସରେ ୩୭ ରନର ଆବଶ୍ୟକତା ଥିଲା । ଭାରତ ୩୭ ରନର ଲକ୍ଷ୍ୟକୁ ୧୦ ୱିକେଟ୍ ରେ ହାସଲ କରିଥିଲା । ଭାରତ ପାଇଁ ପ୍ରଥମ ଇନିଂସରେ ଶେଫାଲୀ ଭର୍ମା ୧୯୭ ବଲରେ ୨୦୫ ରନ ସଂଗ୍ରହ କରିଥିଲେ, ଯେଉଁଥିରେ ୨୩ ଟି ଚୌକା ଓ ୮ ଟି ଛକ୍କା ସାମିଲ ଥିଲା । ସ୍ମୃତି ମନ୍ଧାନା ୧୪୯ ରନର ଇନିଂସ ଖେଳିଥିଲେ। କ୍ୟାପଟେନ ହରମାନପ୍ରୀତ କୌର ୧୧୫ ବଲରେ ୬୯ ରନ, ୱିକେଟ୍ କିପର ରିଛା ଘୋଷ ୯୦ ବଲରେ ୮୬ ରନ ଓ ଜେମିମା ରୋଡ୍ରିଗଜ୍ ୯୪ ବଲରେ ୫୫ ରନ୍ ସଂଗ୍ରହ କରିଥିଲେ। ଶୁଭା ସତୀଶ ୧୫ ରନ୍ ସଂଗ୍ରହ କରିଥିବାବେଳେ ଦୀପ୍ତି ଶର୍ମା ୨ ରନ ସ୍କୋର କରି ଅପରାଜିତ ରହିଥିଲେ।

ଏହାର ଉତ୍ତରରେ ଦକ୍ଷିଣ ଆଫ୍ରିକା ପ୍ରଥମ ଇନିଂସରେ ୨୬୬ ରନ୍ ସଂଗ୍ରହ କରିଥିଲା। ସ୍ନେହା ରାଣା ଭାରତ ପକ୍ଷରୁ ୮ ଟି ୱିକେଟ୍ ରେ ନେବାରେ ସଫଳ ହୋଇଥିଲେ । ତାଙ୍କ ବ୍ୟତୀତ ଦୀପ୍ତି ଶର୍ମା ୨ଟି ୱିକେଟ୍ ନେଇଥିଲେ। ଦ୍ୱିତୀୟ ଇନିଂସରେ ଭାରତ ୩୭ ରନର ଲକ୍ଷ୍ୟକୁ ସହଜରେ ହାସଲ କରିଥିଲା। କୌଣସି ୱିକେଟ୍ ନ ହରାଇ ଟିମ୍ ଇଣ୍ଡିଆ ୯.୨ ଓଭରରେ ଏହି ଟାର୍ଗେଟକୁ ହାସଲ କରିଥିଲେ। ଶୁଭା ସତୀଶ ୨୬ ବଲରେ ୧୩ ରନ କରି ଅପରାଜିତ ରହିଥିଲେ ଏବଂ ଶେଫାଳି ବର୍ମା ୩୦ ବଲରେ ୨୪ ରନରେ ଅପରାଜିତ ରହିଥିଲେ । ଏହାପୂର୍ବରୁ ଭାରତୀୟ ଦଳ ଏକଦିବସୀୟ ସିରିଜରେ ୩-୦ ରେ ବିଜୟ ହାସଲ କରିଥିଲା। ବର୍ତ୍ତମାନ ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ୩ ଟି ଟି-୨୦ ଅନ୍ତର୍ଜାତୀୟ ମ୍ୟାଚ ଖେଳାଯିବ, ଜୁଲାଇ ୫ ରୁ ଏହି ସିରିଜ ଆରମ୍ଭ ହେବ ।

ଅଧିକ ପଢନ୍ତୁ : ପ୍ରଧାନମନ୍ତ୍ରୀ ମୋଦୀଙ୍କ ଟୁଇଟ୍‌ ନେଇ ଏମିତି ପ୍ରତିକ୍ରିୟା ଦେଲେ ରୋହିତ ଶର୍ମା, କ’ଣ କହିଲେ ଜାଣନ୍ତୁ