ପାଟନା: ଆଜିଠାରୁ ବିହାରରେ ବହୁ ପ୍ରତୀକ୍ଷିତ ଏସିଆ କପ୍ ହକି ପ୍ରତିଯୋଗିତା ଆରମ୍ଭ ହୋଇଯାଇଛି । ଏସିଆ ମହାଦେଶର ମୋଟ 8ଟି ଦେଶର ଦଳ ଏଥିରେ ଅଂଶ ଗ୍ରହଣ କରିଛନ୍ତି । ଏହା ସେପ୍ଟେମ୍ବରା ୭ ତାରିଖ ପର୍ଯ୍ୟନ୍ତ ଚାଲିବ ।
ପୁଲ୍ ଏ’ରେ ଭାରତ, ଚୀନ, ଜାପାନ ଓ କାଜାକସ୍ତାନ୍ ରହିଥିବାବେଳେ ପୁଲ୍ ବି’ରେ ମାଲେସିଆ, କୋରିଆ, ବାଂଲାଦେଶ ଓ ଚାଇନିଜ୍ ତାଇପେଇ ରହିଛନ୍ତି । ପ୍ରଥମ ଦିନରେ ମ୍ୟାଲେସିଆ-ବାଂଲାଦେଶ, ସାଉଥ କୋରିଆ-ଚାଇନିଜ୍ ତାଇପେଇ, ଜାପାନା-କାଜାକସ୍ତାନ ଏବଂ ଆୟୋଜକ ଦଳ ଭାରତ ଓ ଚୀନ ମଧ୍ୟରେ ମୁକାବିଲା ହେବ । ଅପରାହ୍ନରେ 3ଟାରେ ଭାରତ ଏବଂ ଚୀନ ମଧ୍ୟରେ ମୁକାବିଲା ହେବାକୁ ଯାଉଛି । ହରମନପ୍ରୀତ ସିଂହଙ୍କ ନେତୃତ୍ଵରେ ଦଳ ପଡ଼ିଆକୁ ଓହ୍ଲାଇବେ । ଟିମ୍ରେ ୩ ଜଣ ଓଡ଼ିଆ ଅମିତ୍ ରୋହିଦାସ, ଶିଳାନନ୍ଦ ଲାକ୍ରା ଓ ନୀଲମ ସଞ୍ଜୀପ୍ ଖେସ୍ ମଧ୍ୟ ସ୍ଥାନ ପାଇଛନ୍ତି ।
ଏସିଆ କପ୍ ଭାରତ ପାଇଁ କର ବା ମର ପରିସ୍ଥିତି ସୃଷ୍ଟି କରିଛି । କାରଣ ୨୦୨୬ FIH ବିଶ୍ୱକପ୍ରେ ସିଧାସଳଖ ପ୍ରବେଶ କରିବାର ଭାରତ ପାଇଁ ଅନ୍ତିମ ସୁଯୋଗ । ଏହା ପୂର୍ବରୁ ଅନୁଷ୍ଠିତ ହୋଇଥିବା ୟୁରୋପୀୟ ଏଫ୍ଆଇଏଚ୍ ପ୍ରୋ ଲିଗରେ ଭାରତ ଖରାପ ପ୍ରଦର୍ଶନ କରି ବିଶ୍ୱକପ୍ ପାଇଁ ପ୍ରଥମ ସୁଯୋଗ ହାତଛଡ଼ା କରିଛି । ତେଣୁ ଏସିଆ କପ୍ ଭାରତ ପାଇଁ ଏକ ଗୁରୁତ୍ୱପୂର୍ଣ୍ଣ ସୁଯୋଗ । ଏହି ଟୁର୍ଣ୍ଣାମେଣ୍ଟ ଭାରତ ପାଇଁ କର ବା ମର ପରିସ୍ଥିତି ସୃଷ୍ଟି କରିଛି । ଯଦି ଏଥିରେ ଖରାପ ପ୍ରଦର୍ଶନ କରେ ତେବେ ଭାରତ ଆସନ୍ତା ବର୍ଷ ନେଦରଲ୍ୟାଣ୍ଡସ୍ ଏବଂ ବେଲଜିୟମ୍ରେ ହେବାକୁ ଥିବା ବିଶ୍ୱକପ୍ ରୁ ବାଦପଡ଼ିବ ।
ଆଜିର ମ୍ୟାଚର ଖେଳ ସୂଚୀ
ଅଗଷ୍ଟ ୨୯- ମାଲେସିଆ ବନାମ ବାଂଲାଦେଶ- ସକାଳ ୯:୦୦
ଅଗଷ୍ଟ ୨୯- ଦକ୍ଷିଣ କୋରିଆ ବନାମ ଚାଇନିଜ୍ ତାଇପେ- ସକାଳ ୧୧:୦୦
ଅଗଷ୍ଟ ୨୯- ଜାପାନ ବନାମ କାଜାଖସ୍ତାନ- ଅପରାହ୍ନ ୧:୦୦
ଅଗଷ୍ଟ ୨୯- ଭାରତ ବନାମ ଚୀନ- ଅପରାହ୍ନ ୧:୦୦