ଭୁବନେଶ୍ୱର: ଆଜି ଜାତୀୟ କ୍ରୀଡା ଦିବସ । ପ୍ରତିବର୍ଷ ଅଗଷ୍ଟ ୨୯ ତାରିଖକୁ ଜାତୀୟ କ୍ରୀଡା ଦିବସ ଭାବରେ ପାଳନ କରାଯାଏ । ୧୯୯୫ ମସିହାଠାରୁ ପ୍ରତ୍ୟେକ ବର୍ଷ ଅଗଷ୍ଟ ୨୯କୁ ଜାତୀୟ କ୍ରୀଡା ଦିବସ ପାଳନ କରାଯାଉଛି। କିମ୍ବଦନ୍ତୀ ହକି ଖେଳାଳୀ ସ୍ୱର୍ଗତ ମେଜର ଧ୍ୟାନଚାନ୍ଦଙ୍କ ଜନ୍ମଦିବସ ଅଗଷ୍ଟ ୨୯କୁ ଭାରତ ସରକାରଙ୍କ କ୍ରୀଡ଼ା ଓ ଯୁବସେବା ମନ୍ତ୍ରଣାଳୟ ପ୍ରତିବର୍ଷ ଜାତୀୟ କ୍ରୀଡ଼ା ଦିବସ ପାଳନ କରୁଛନ୍ତି। ୧୯୯୫ ମସିହାଠାରୁ ପ୍ରତ୍ୟେକ ବର୍ଷ ଅଗଷ୍ଟ ୨୯କୁ ଜାତୀୟ କ୍ରୀଡ଼ା ଦିବସ ରୂପେ ପାଳିତ ହେଉଛି । ଏହି ଦିନ ଭାରତର ରାଷ୍ଟ୍ରପତି କ୍ରୀଡ଼ା କ୍ଷେତ୍ରରେ ଉତ୍କର୍ଷତା ନିମନ୍ତେ ଶ୍ରେଷ୍ଠ କ୍ରୀଡ଼ାବିତଙ୍କୁ ବିଭିନ୍ନ ପୁରସ୍କାର ପ୍ରଦାନ କରିଥାନ୍ତି । ମେଜର ଧ୍ୟାନଚାନ୍ଦ ୨୯ ଅଗଷ୍ଟ ୧୯୦୫ରେ ଜନ୍ମଗ୍ରହଣ କରିଥିଲେ। ଧ୍ୟାନଚାନ୍ଦଙ୍କୁ ଶ୍ରଦ୍ଧାଞ୍ଜଳି ଜଣାଇବା ପାଇଁ ତାଙ୍କ ଜନ୍ମଦିନକୁ ଜାତୀୟ କ୍ରୀଡା ଦିବସ ଭାବରେ ପାଳନ କରାଯାଏ। ମହାନ ହକି ଖେଳାଳି ମେଜର ଧ୍ୟାନଚାନ୍ଦ ୧୬ ବର୍ଷ ବୟସରେ ଭାରତୀୟ ସେନାରେ ଯୋଗ ଦେଇଥିଲେ।

୧୯୨୨ ମସିହାରେ ସେ ଜଣେ ଭାରତୀୟ ସୈନିକ ଭାବରେ ସେନାରେ ଯୋଗ ଦେଇଥିଲେ। ମେଜର ଧ୍ୟାନଚାନ୍ଦ ଆରମ୍ଭରୁ ଜଣେ ଖେଳାଳି ଥିଲେ। ସେ ହକି ଖେଳିବା ପାଇଁ ସୁବେଦାର ମେଜର ତିୱାରୀଙ୍କ ଦ୍ୱାରା ଅନୁପ୍ରାଣିତ ହୋଇଥିଲେ। ଧ୍ୟାନଚାନ୍ଦ ତାଙ୍କ ତତ୍ତ୍ୱାବଧାନରେ ହକି ଖେଳିବା ଆରମ୍ଭ କଲେ । ମେଜର ଧ୍ୟାନଚାନ୍ଦ କେବଳ ଭାରତରେ ନୁହେଁ ବିଶ୍ୱରେ ଜଣେ ମହାନ ହକି ଖେଳାଳି ଥିଲେ। ସେ ଅଲିମ୍ପିକ କ୍ରୀଡାରେ ଭାରତକୁ ସ୍ୱର୍ଣ୍ଣ ପଦକ ଦେଇଥିଲେ ସାରା ବିଶ୍ୱରେ 'ହକିର ଯାଦୁଗର' ଭାବରେ ସେ ପରିଚୟ ପାଇଥିଲେ । ତାଙ୍କ ସମୟରେ ଭାରତୀୟ ହକିର ସୁବର୍ଣ୍ଣ ଯୁଗ ଥିଲା। ତାଙ୍କୁ ଗୋଲ୍ ମେସିନ୍ ବୋଲି ମଧ୍ୟ କୁହାଯାଏ। ୧୯୫୭ ମସିହାରେ ତାଙ୍କୁ ପଦ୍ମ ଭୂଷଣ ଉପାଧିରେ ସମ୍ମାନିତ କରାଯାଇଥିଲା। ତାଙ୍କ ମୃତ୍ୟୁର ୧୬ ବର୍ଷ ପରେ ଅର୍ଥାତ୍ ୧୯୯୫ ମସିହା ଅଗଷ୍ଟ ୨୯ ତାରିଖକୁ ଜାତୀୟ କ୍ରୀଡା଼ ଦିବସର ମାନ୍ୟତା ପ୍ରଦାନ କରାଯାଇଥିଲା।

ଅଧିକ ପଢନ୍ତୁ: ଭାରତର ଏହି ବଡ ୟୁନିଭର୍ସିଟିରେ ଆମେରିକୀ କୋଲ୍ଡ ଡ୍ରିଙ୍କ୍ ଉପରେ ଲାଗିଲା ବ୍ୟାନ, ବଢିଲା ଟାରିଫର ବିରୋଧ