ନୂଆଦିଲ୍ଲୀ: ଏସିଆ କପ୍ ୨୦୨୫ସେପ୍ଟେମ୍ବର ୯ରୁ ୟୁଏଇରେ ରେ ଆରମ୍ଭ ହେବ। ଭାରତ ସମେତ ମୋଟ ୮ ଟି ଦଳ ଏଥିରେ ଅଂଶଗ୍ରହଣ କରୁଛନ୍ତି। ଟିମ୍ ଇଣ୍ଡିଆକୁ ପାକିସ୍ତାନ, ୟୁଏଇ ଏବଂ ଓମାନ ସହିତ ଗ୍ରୁପ-ଏରେ ସ୍ଥାନ ମିଳିଛି। BCCI ଦ୍ୱାରା ଏସିଆ କପ୍ ୨୦୨୫ ପାଇଁ ଦଳ ଘୋଷଣା କରାଯାଇସାରିଛି, ଯେଉଁଥିରେ ସୂର୍ଯ୍ୟକୁମାର ଯାଦବ ଦଳର ନେତୃତ୍ଵ ନେବେ। ଏସିଆ କପ୍ ପାଇଁ ଦୁବାଇ ଯିବା ପୂର୍ବରୁ, ବିସିସିଆଇ ମଧ୍ୟ ଏକ ଆଶ୍ଚର୍ଯ୍ୟଜନକ ନିଷ୍ପତ୍ତି ନେଇଛି।
ଭାରତୀୟ ଦଳର ମୁଖ୍ୟ ଚୟନକର୍ତ୍ତା ଅଜିତ ଅଗରକର ଯେତେବେଳେ ଟିମ୍ ଇଣ୍ଡିଆର ଦଳ ଘୋଷଣା କଲେ, ସେହି ସମୟରେ ପାଞ୍ଚ ଜଣ ରିଜର୍ଭ ଖେଳାଳିଙ୍କ ନାମ ମଧ୍ୟ ଘୋଷଣା କରିଥିଲେ। ଏଥିରେ ଯଶସ୍ୱୀ ଜୟସୱାଲ, ପ୍ରସିଦ୍ଧ କୃଷ୍ଣ, ରିୟାନ ପରାଗ, ୱାଶିଂଟନ ସୁନ୍ଦର ଏବଂ ଧ୍ରୁବ ଜୁରେଲଙ୍କ ନାମ ସାମିଲ ଥିଲା। ଯଦି କୌଣସି ଖେଳାଳି ଆହତ ହୁଅନ୍ତି ତେବେ ଏହି ଖେଳାଳିମାନଙ୍କୁ ମୁଖ୍ୟ ଦଳରେ ସାମିଲ କରାଯାଇପାରିବ। ବିସିସିଆଇ ଏବେ ମୁଖ୍ୟ ଦଳ ସହିତ ରିଜର୍ଭ ଖେଳାଳିମାନଙ୍କୁ ଦୁବାଇ ନ ପଠାଇବାକୁ ନିଷ୍ପତ୍ତି ନେଇଛି।
ବିସିସିଆଇର ଜଣେ ବରିଷ୍ଠ ଅଧିକାରୀ ପିଟିଆଇକୁ କହିଛନ୍ତି ଯେ ଷ୍ଟାଣ୍ଡବାଇ ଖେଳାଳିମାନେ ମୁଖ୍ୟ ଦଳ ସହିତ ଦୁବାଇ ଯିବେ ନାହିଁ। ଏହି ନିଷ୍ପତ୍ତି ଟିମ ମ୍ୟାନେଜମେଣ୍ଟ କମ୍ ଲୋକଙ୍କ ସହିତ ଯାତ୍ରା କରିବାକୁ ପସନ୍ଦକୁ କରୁଥିବାକୁ ପ୍ରତିଫଳିତ କରୁଛି। ଯେତେବେଳେ ବଦଳ ଖେଳାଳି ଦରକାର ପଡ଼ିବ, ଷ୍ଟାଣ୍ଡବାଇ ଖେଳାଳିମାନଙ୍କୁ ଦୁବାଇ ପଠାଯିବ ବୋଲି ଜନୈକ ଅଧିକାରୀ କହିଛନ୍ତି।
'ସମସ୍ତ ଖେଳାଳି ସେପ୍ଟେମ୍ବର ୪ ସନ୍ଧ୍ୟା ସୁଦ୍ଧା ଦୁବାଇରେ ପହଞ୍ଚିବେ ଏବଂ ପ୍ରଥମ ନେଟ୍ ସେସନ୍ ସେପ୍ଟେମ୍ବର ୫ରେ ଆଇସିସି ଏକାଡେମୀରେ ଅନୁଷ୍ଠିତ ହେବ। କାର୍ଯ୍ୟସୂଚୀ ଅନୁସାରେ ଭାରତ ସେପ୍ଟେମ୍ବର ୧୦ରେ ୟୁଏଇ ସହିତ ନିଜର ପ୍ରଥମ ମୁକାବିଲା ଖେଳିବ। ଏହା ପରେ ସେପ୍ଟେମ୍ବର ୧୪ ରେ ଦୁବାଇରେ ପାକିସ୍ତାନ ବିପକ୍ଷରେ ବହୁପ୍ରତୀକ୍ଷିତ ମ୍ୟାଚ୍ ହେବ। ଭାରତର ତୃତୀୟ ଗ୍ରୁପ୍ ମ୍ୟାଚ୍ ସେପ୍ଟେମ୍ବର ୧୯ ରେ ଓମାନ ବିପକ୍ଷରେ ରହିଛି।
Also read: ହକି ଏସିଆ କପ୍ ଭାରତର ବିଜୟ ଅଭିଯାନ: ହରମନପ୍ରୀତଙ୍କ ହ୍ୟାଟ୍ରିକ୍, ପ୍ରଥମ ମୁକାବିଲାରେ ଚୀନ ଚିତପଟାଙ୍ଗ