ମୁୁମ୍ବାଇ: ଭାରତୀୟ କ୍ରିକେଟ୍ କଣ୍ଟ୍ରୋଲ ବୋର୍ଡ(ବିସିସିଆଇ)ର ଅଧ୍ୟକ୍ଷ ରୋଜର ବିନ୍ନି ନିଜ ପଦରୁ ଇସ୍ତଫା ଦେଇଛନ୍ତି । ଏକ ମିିଡିଆ ରିପୋର୍ଟରେ ଏମିତି ଖବର ପ୍ରକାଶ ପାଇଛି । ନୂଆ ଅଧ୍ୟକ୍ଷ ଚୟନ ପର୍ଯ୍ୟନ୍ତ ରାଜୀବ ଶୁକ୍ଳା ବିସିସିଆଇର କାର୍ଯ୍ୟବାହକ ଅଧ୍ୟକ୍ଷ ଦାୟିତ୍ୱ ସମ୍ଭାଳିବେ । ଏହା ପୂର୍ବରୁ ସେ ଉପାଧ୍ୟକ୍ଷ ଥିଲେ ।
ରାଷ୍ଟ୍ରୀୟ କ୍ରୀଡା ପ୍ରଶାସନ ଆଇନ ଲାଗୁ ହେବା ସତ୍ତ୍ୱେ ବି ବିସିସିଆଇକୁ ଆସନ୍ତା ମାସରେ ନିଜର ବାର୍ଷିକ ସାଧାରଣ ବୈଠକ କରିବା ସହ ଅଧ୍ୟକ୍ଷ ନିର୍ବାଚନ କରାଇବାକୁ ପଡିବ । ନୂତନ ଅଧ୍ୟକ୍ଷ ପର୍ଯ୍ୟନ୍ତ ରାଜୀବ ଶୁକ୍ଳା ବିସିିସିଆଇ ଅଧ୍ୟକ୍ଷ ଦାୟିତ୍ୱରେ ରହିବେ । ତେବେ ରିପୋର୍ଟରେ କୁହାଯାଇଛି ଯେ, ବିସିସିଆଇ ନିର୍ବାଚନ ଘୁଞ୍ଚାଇ ପାରିବ ନାହିଁର, କାରଣ ସରକାର ଯେଉଁ କ୍ରୀଡା ଆଇନ କରିଛନ୍ତି, ସେଥିରେ ଅଧିସୂଚନା ଜାରି କରାଯାଇ ନାହିଁ । ଅଧିସୂଚନା ଜାରି ହେବାରେ କିଛି ମାସ ସମୟ ଲାଗିପାରେ । ସେହି ଦୃଷ୍ଟିରୁ ବିସିସିଆଇ ନିର୍ବାଚନ ନ ଘୁଞ୍ଚବାଇବା ପାଇଁ ନିଷ୍ପତ୍ତି ନେଇଛି ।
ବର୍ତ୍ତମାନ ବିସିସିଆଇର ପ୍ରଶାସନ ଲୋଧା କମିଟିଙ୍କ ସୁପାରିଶ ଆଧାରରେ ଆସିଥିବା ସୁପ୍ରିମକୋର୍ଟଙ୍କ ଆଦେଶ ପରେ ନିର୍ମିତ ସମ୍ବିଧାନ ଆଧାରରେ ପରିଚାଳିତ ହେଉଛି । ଯେ ପର୍ଯ୍ୟନ୍ତ ସଂସଦରୁ ପାରିତ ନୂଆ କ୍ରୀଡା ଆଇନର ଅଧିସୂଚନା ଜାରି ନ ହୋଇଛି ସେ ପର୍ଯ୍ୟନ୍ତ ବିସିସିଆଇ ଓ ରାଜ୍ୟ କ୍ରିକେଟ୍ ସଂଘ ସେହି ସମ୍ବିଧାନ ଅନୁସାରେ ଚାଲିବ ।
ଦୈନିକ ଜାଗରଣର ରିପୋର୍ଟ ଅନୁଯାୟୀ, ବୁଧବାର ବିସିସିଆଇର ଉଚ୍ଚସ୍ତରୀୟ ବୈଠକ ହୋଇଥିଲା । ଏଥିରେ ବୈଠକର ଅଧ୍ୟକ୍ଷତା କରିଥିଲେ ରାଜୀବ ଶୁକ୍ଳା । ବୈଠକରେ ପ୍ରମୁଖ ଏଜେଣ୍ଡା ଥିଲା ଭାରତୀୟ କ୍ରିକେଟ୍ ଦଳର ପ୍ରାୟୋଜକ କାହାକୁ କରାଯିବ । ଡ୍ରିମ ଇଲେବେନ ସହ ଚୁକ୍ତି ସମାପ୍ତ ହେବା ଏବଂ ଆସନ୍ତା ଅଢେଇ ବର୍ଷ ପାଇଁ କିଏ ହେବ ନୂଆ ପ୍ରାୟୋଜକ ସେ ବିଷୟରେ ବୈଠକରେ ଆଲୋଚନା ହୋଇଛି ।
Also read: ଆଜିଠାରୁ ଆରମ୍ଭ ହେଲା ହକି ଏସିଆ କପ୍: ପ୍ରଥମ ମୁକାବିଲାରେ ଚୀନକୁ ଭେଟିବ ଭାରତ