ଋଷବ ପନ୍ତଙ୍କ ନେତୃତ୍ୱାଧୀନ ଦିଲ୍ଲୀ କ୍ୟାପିଟାଲ୍ସ ଆଜି ସନ୍ଧ୍ୟାରେ ବିଶାଖାପଟ୍ଟନମରେ କୋଲକାତା ନାଇଟ ରାଇଡ଼ର୍ସକୁ ଭେଟିବ । କୋଲକାତା ଦୁଇଟି ମ୍ୟାଚ ଖେଳିଥିବାବେଳେ ଦୁଇଟି ମ୍ୟାଚରେ ବିଜୟ ହାସଲ କରି ପଏଣ୍ଟସ ଟେବୁଲର ଦ୍ଵିତୀୟ ସ୍ଥାନରେ ରହିଛି । ଅନ୍ୟପକ୍ଷରେ ଦିଲ୍ଲୀ ତିନୋଟି ମ୍ୟାଚ ଖେଳି ଗୋଟିଏ ମ୍ୟାଚରେ ବିଜୟ ହାସଲ କରି ପଏଣ୍ଟସ ଟେବୁଲର ସପ୍ତମ ସ୍ଥାନରେ ରହିଛି । ଦୁଇ ଦଳ ପରସ୍ପରକୁ ୩୧ ଥର ଭେଟିଥିବାବେଳେ ଦିଲ୍ଲୀ ୧୫ ଓ କୋଲକାତା ୧୬ ଥର ବିଜୟ ହାସଲ କରିଛି । ଦିଲ୍ଲୀର ପୂର୍ବ ମ୍ୟାଚରେ ଆହତ ଥିବା ଇଶାନ୍ତ ଶର୍ମା ସମ୍ପୂର୍ଣ୍ଣ ସୁସ୍ଥ ଅଛନ୍ତି ବୋଲି କୋଚ ରିକି ପଣ୍ଟିଙ୍ଗ ସୂଚନା ଦେଇଛନ୍ତି । କେକେଆରର ବ୍ୟାଟ୍ସମ୍ୟାନ ଭେଙ୍କଟେଶ ଆୟର ପୂର୍ବ ମ୍ୟାଚରେ ସାମାନ୍ୟ ଆହତ ହୋଇଥିଲେ ମଧ୍ୟ ସୁସ୍ଥ ଥିବା ସୂଚନା ମିଳିଛି । ତେବେ ଆଜିର ମ୍ୟାଚ ସନ୍ଧ୍ୟା ୭.୩୦ ରେ ଆରମ୍ଭ ହେବ ଏବଂ ଟସ୍ ୭ ଟାରେ ହେବ । 

କୋଲକାତା ନାଇଟ ରାଇଡ଼ର୍ସ ସମ୍ଭାବ୍ୟ ୧୧ :-  ଫିଲିପ ସଲ୍ଟ (ୱିକେଟ୍ କିପର), ଭେଙ୍କଟେଶ ଆୟର, ଶ୍ରେୟସ ଆୟର(ଅଧିନାୟକ), ରମନଦୀପ ସିଂ, ରିଙ୍କୁ ସିଂ, ଆନ୍ଦ୍ରେ ରସେଲ, ସୁନୀଲ ନାରିନ, ମିଚିଲ ଷ୍ଟାର୍କ, ଅନୁକୂଳ ରାୟ, ହର୍ଷିତ ରାଣା, ବରୁଣ ଚକ୍ରବର୍ତ୍ତୀ

ଦିଲ୍ଲୀ କ୍ୟାପିଟାଲ୍ସର ସମ୍ଭାବ୍ୟ ୧୧ : - ପୃଥ୍ବୀ ଶ, ଡେଭିଡ ୱାର୍ନର, ମିଚିଲ ମାର୍ଶ, ଋଷଭ ପନ୍ତ(ଅଧିନାୟକ/ୱିକେଟ୍ କିପର), ଟ୍ରିଷ୍ଟନ ଷ୍ଟବ୍ସ, ଅଭିଷେକ ପୋରେଲ, ଅକ୍ସର ପଟେଲ, ଅନରିକ ନରକେ, ମୁକେଶ କୁମାର, ଇଶାନ୍ତ ଶର୍ମା, ଖଲିଲ ଏହମଦ

ଅଧିକ ପଢନ୍ତୁ : ଚିନ୍ନାସ୍ୱାମୀରେ ବେଙ୍ଗାଲୁରୁକୁ ହରାଇଲା ଲକ୍ଷ୍ନୌ ସୁପର ଜାଏଣ୍ଟସ