ଗେଲଙ୍କ ଗର୍ଜନ, ମୋତେ ଡରନ୍ତି ବିଶ୍ୱର ସବୁ ବୋଲର
Khabar Odisha:Sports-cricket-odisha-chris-gayle-says-opponents-still-scared-but-its-not-as-easy-as-it-was
ଇଂଲଣ୍ଡ, ମେ ୨୨( ଖବର ଓଡିଶା) :

 ପଞ୍ଚମଥର ପାଇଁ ବିଶ୍ୱକପ ଖେଳିବାକୁ ଯାଉଛନ୍ତି ୟୁନିଭର୍ସ ବସ୍ କ୍ରିସ୍ ଗେଲ । ସେ ମାନନ୍ତି ଯେ ବୋଲରମାନଙ୍କୁ ବହୁତ ଭଲଭାବରେ ଜଣା ଅଛି , ସେ କଣ କରିବାରେ ସକ୍ଷମ । ଏଥିପାଇଁ ତାଙ୍କୁ ବୋଲରମାନେ ଡରନ୍ତି । କିନ୍ତୁ ଏକଥା ବୋଲରମାନେ କେହି ମାନିବେ ନାହିଁ ବୋଲି କହିଛନ୍ତି ଗେଲ୍ । ଏ ବର୍ଷ ସେପ୍ଟେମ୍ୱରରେ ଗେଲ୍ ୪୦ ବର୍ଷର ହୋଇଯିବେ । ନିଜକୁ ୟୁନିଭର୍ସ ବସ୍ କହୁଥିବା କ୍ରିସ୍ ଗେଲ ବିଶ୍ୱକପ ପୂର୍ବରୁ ଚଳିତ ବର୍ଷ ଆରମ୍ଭରେ ବିଶ୍ୱକପ ୨୦୧୯ର ଆୟୋଜକ ଇଂଲଣ୍ଡ ବିପକ୍ଷରେ ୪ଟି ମ୍ୟାଚରେ ୪୨୪ ରନ କରିଥିଲେ । ବିଶ୍ୱକପ ୨୦୧୯ରେ ୱେଷ୍ଟଇଣ୍ଡିଜ୍ ତାର ପ୍ରଥମ ମ୍ୟାଚ ଟ୍ରେଣ୍ଟବ୍ରିଜରେ ଖେଳିବ ।

ଏକ ଇଣ୍ଟରଭ୍ୟୁରେ ଗେଲ କହିଛନ୍ତି ଯେ, ଯବ କ୍ରିକେଟରମାନେ ଏବେ ମୋ ଉପରେ ଚଢିଆସୁଛନ୍ତି । ଏବେ ଏହା ଏତେ ସହଜ ହୋଇ ରହିନାହିଁ, ଯେମିତି ପୂର୍ବରୁ ଥିଲା । କିନ୍ତୁ ବୋଲରମାନେ ସତର୍କ ରହିବେ । ସେମାନଙ୍କୁ ଜଣା ଅଛି ଯେ ୟୁନିଭର୍ସ ବସ୍ କଣ କରିବାରେ ସକ୍ଷମ । ମୋତେ ବିଶ୍ୱସ ଯେ ସେମାନଙ୍କ ମୁଣ୍ଡରେ ନିଶ୍ଚତ ଭାବରେ ରହିବ ଯେ ଆଜି ଯାଏ ଦେଖିଥିବା ବ୍ୟାଟ୍ସମ୍ୟାନମାନଙ୍କ ମଧ୍ୟରୁ ଏ ସବୁଠାରୁ ଖତରନାକ୍ ବ୍ୟାଟ୍ସମ୍ୟାନ ।  

ୱେଷ୍ଟଇଣ୍ଡିଜର ଉପଅଧିନାୟକ କ୍ରସ୍ ଗେଲଙ୍କୁ ଯେତେବେଳେ ପ୍ରଶ୍ନ କରାଗଲା ଯେ କଣ ବୋରୋଧି ଦଳ ଏବେ ବି ତୁମକୁ ଡରନ୍ତି, ଗେଲ କହିଥିଲେ ଯେ, କଣ ଆପଣ ନିଜେ କହିପାରିବେ ନାହିଁ ? ଯାଆନ୍ତୁ, ଆପଣମାନେ ସେମାନଙ୍କୁ ପଚାରି ଦିଅନ୍ତି । ଯାଆନ୍ତୁ ସେମାନଙ୍କୁ କ୍ୟାମେରା ସାମ୍ନାରେ ପଚାରନ୍ତୁ । ସେ କହିବେ ଡରନ୍ତି ନାହିଁ । କିନ୍ତୁ କ୍ୟାମେରା ବିନା ପଚାରିକି ଦେଖନ୍ତୁ, ସେମାନେ ନିଶ୍ଚତ ହଁ କହିବେ । ଏହା ସହିତ ସେ କହିଥିଲେ ଯେ , ସେ ଏହାର ମଜା ନେଉଛନ୍ତି । 

Subscribe

National International State Sports Entertainment