ଇଣ୍ଡିଆନ ପ୍ରିମିୟର ଲିଗ ୨୦୨୪ର ଦ୍ୱିତୀୟ ପର୍ଯ୍ୟାୟର  କାର୍ଯ୍ୟସୂଚୀ ଘୋଷିତ ହୋଇଛି । ଲୋକସଭା ନିର୍ବାଚନ ଯୋଗୁ ବୋର୍ଡ ଅଫ୍ କଣ୍ଟ୍ରୋଲ୍ ଫର କ୍ରିକେଟ୍ ଇନ୍ ଇଣ୍ଡିଆ (ବିସିସିଆଇ) ଆଇପିଏଲର ୧୭ ତମ ସିଜିନର ସମ୍ପୂର୍ଣ୍ଣ କାର୍ଯ୍ୟସୂଚୀ ପ୍ରକାଶ କରି ନଥିଲା । ଲୋକସଭା ନିର୍ବାଚନର ତାରିଖ ଘୋଷଣା ପରେ ଆୟୋଜକ କମିଟି ଏହି କାର୍ଯ୍ୟସୂଚୀ ଜାରୀ କରିଛି । ଏପ୍ରିଲ ୮ରୁ ଏହି ପର୍ଯ୍ୟାୟ ଆରମ୍ଭ ହେବ । ଦ୍ୱିତୀୟ ପର୍ଯ୍ୟାୟର ପ୍ରଥମ ମ୍ୟାଚ ଚେପକ ଗ୍ରାଉଣ୍ଡରେ ଚେନ୍ନାଇ ସୁପର କିଙ୍ଗସ ଓ କୋଲକାତା ନାଇଟ ରାଇଡର୍ସ ମଧ୍ୟରେ ଖେଳାଯିବ । ମେ ୨୬ରେ ଫାଇନାଲ ମ୍ୟାଚ ଚେନ୍ନାଇରେ ଆୟୋଜିତ ହେବ । ପୂର୍ବରୁ ଆୟୋଜକ କମିଟି ଫେବୃୟାରୀ ୨୨ରୁ ୨ ସପ୍ତାହ ପାଇଁ ୨୧ ମ୍ୟାଚର କାର୍ଯ୍ୟସୂଚୀ ଜାରୀ କରିଥିଲେ । ନିର୍ବାଚନ ତାରିଖକୁ ନେଇ ଏହି ଘୋଷଣା କରାଯାଇଥିଲା । ଗତ ସଂସ୍କରଣରେ ଗୁଜରାଟ ଟାଇଟାନ୍ସକୁ ହରାଇ ଚେନ୍ନାଇ ୫ମ ଥର ପାଇଁ ଟାଇଟଲ ହାସଲ କରିଥିଲା । 

ଅଧିକ ପଢ଼ନ୍ତୁ : ଚିନ୍ନସ୍ୱାମୀରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ବନାମ ପଞ୍ଜାବ କିଙ୍ଗ୍ସ