ଭୁବନେଶ୍ୱର, ଜୁଲାଇ ୩୦ (ଖବର ଓଡ଼ିଶା): ଓଡ଼ିଶାର ଦୌଡ଼ ରାଣୀ ଦୂତୀ ଚାନ୍ଦଙ୍କୁ ନେଇ ଅନେକ ଆଶା ରହିଥିବା ବେଳେ ଆଜି ଟୋକିଓ ଟ୍ରାକ୍ ରୁ ନିରାଶ କରିଛନ୍ତି ଦୂତୀ ।
ଅଲମ୍ପିକ୍ସ ୨୦୨୦ରେ ଦୂତୀଙ୍କ ଉପରେ ପୁରା ଦେଶର ନଜର ରହିଥିବା ବେଳେ ୧୦୦ ମିଟର ଦୌଡ଼ ରେ ସପ୍ତମ ସ୍ଥାନ ଅଧିକାର କରିଛନ୍ତି ଦୂତୀ ।
ଆଜି ରେସ୍ ରେ ୧୧.୫୪ ସେକେଣ୍ଡ ସମୟ ନେଇ ଦୂତୀ ସପ୍ତମ ସ୍ଥାନରେ ରହିଥିବା ବେଳେ ଦୂତୀଙ୍କ ଆଗାମୀ ଇଭେଣ୍ଟ ଉପରେ ଏବେ ଦେଶ ବାସୀଙ୍କ ନଜର ରହିଛି ।
ଦୂତୀ ପ୍ରଥମ ଭାରତୀୟ ଭାବରେ ଅଲମ୍ପିକ୍ସରେ ଦୁଇଟି ଇଭେଣ୍ଟରେ ଭାଗ ନେଇଥିବା ବେଳେ ୨୦୦ ମିଟର ଦୌଡରେ ଦୂତୀ ନିଶ୍ଚିତ ଭଲ ପ୍ରଦର୍ଶନ କରିବେ ବୋଲି ଆଶା ରହିଛି ।