ଗତ କାଲି ୩୫ତମ ଜନ୍ମ ଦିନ ପାଳିଥିଲେ କ୍ରିକେଟର ବିରାଟ କୋହଲି । ଏହି ଅବସର ରେ ସେ ଦକ୍ଷିଣ ଆଫ୍ରିକା ବିପକ୍ଷରେ ମ୍ୟାଚ୍ ଖେଳିବା ସହ 49ତମ ସେଞ୍ଚୁରୀ କରି ଭାରତକୁ ବିଜୟର ମୁକୁଟ ପିନ୍ଧାଇଥିଲେ । ତେବେ ତାଙ୍କ ଜନ୍ମଦିନ ପାଇଁ ତାଙ୍କୁ ଅନେକ ଲୋକଙ୍କ ଠାରୁ ଅନେକ ଉପହାର ମିଳିଛି । ହେଲେ ତାଙ୍କୁ ମିଳିଥିବା ଗୋଟିଏ ଉପହାର ଏବେ ସୋସିଆଲ ମିଡ଼ିଆରେ ଚର୍ଚ୍ଚାର ବିଷୟ ପାଲଟିଛି । କାଲି କୋଲକାତାର ଐତିହାସିକ ଇଡେନ ଗାର୍ଡେନ୍ସକୁ ବିରାଟମୟ କରିବାକୁ ବେଙ୍ଗଲ କ୍ରିକେଟ ଆସୋସିଏସନ ବ୍ୟାପକ ପ୍ରସ୍ତୁତି କରିଥିଲା ।
କୋହଲିଙ୍କ ୩୫ତମ ଜନ୍ମ ଦିବସକୁ ସ୍ମରଣୀୟ କରିବା ପାଇଁ ସିଏବି ଉପହାର ସ୍ୱରୂପ ତାଙ୍କୁ ଏକ ସୁନାର ବ୍ୟାଟ୍ ଦେଇଥିଲେ । ମ୍ୟାଚ୍ ଶେଷ ହେବା ପରେ ସିଏବି ସଭାପତି ସ୍ନେହାଶିଷ ଗାଙ୍ଗୁଲି ତାଙ୍କୁ ୨୬ ଲକ୍ଷ ଟଙ୍କାର ବ୍ୟାଟ ଦେବା ସହ ଏକ ଆକର୍ଷଣୀୟ କେକ୍ ମଧ୍ୟ ଦେଇଥିଲେ । ସେହି କେକ୍ ଟି ବିରାଟଙ୍କ ବିଭିନ୍ନ ପ୍ରକାର ଫଟୋରେ ତିଆରି ହୋଇଥିଲା । ଯାହା ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି ।