ନୂଆଦିଲ୍ଲୀ: ବାଂଲାଦେଶ ଗୁରୁବାର କଠୋର ଆଭିମୁଖ୍ୟ ଆପଣେଇ ଭାରତରେ ହେବାକୁ ଥିବା ଟି-୨୦ ବିଶ୍ୱକପ୍ ନ ଖେଳିବାକୁ ନିଷ୍ପତ୍ତି ନେଇଛି । ତେବେ ଭାରତ ନ ଆସିବା ଏବଂ ଆଇସିସି ଟୁର୍ଣ୍ଣାମେଣ୍ଟକୁ ବୟକଟ୍ କଲେ ବାଂଲାଦେଶ  କ୍ରିକେଟକୁ ବହୁତ ମୁସ୍କିଲର ସାମ୍ନା କରିବାକକୁ ପଡିପାରେ । ଭାରତରେ ଟି-୨୦ ବିଶ୍ୱକପ୍ ନ ଖେଳିବା ନିଷ୍ପତ୍ତିରେ ବୋର୍ଡକୁ ବହୁତ ବଡ ଆର୍ଥିକ କ୍ଷତି ସହିବାକୁ ପଡିପାରେ

ଏକ ରିପୋର୍ଟ ଅନୁସାରେ, ଯଦି ବାଂଲାଦେଶ ଏହି ଟୁର୍ଣ୍ଣାମେଣ୍ଟରୁ ବାଦ୍ ପଡେ ତେବେ ବାଂଲାଦେଶ କ୍ରିକେଟ୍ ବୋର୍ଡକୁ ପ୍ରାୟ ୨୪୦ କୋଟି(୩୨୫ କୋଟି ବାଂଲାଦେଶୀ ଟାକା କିମ୍ବା ୨୭ ମିଲିୟନ ଆମେରିକୀୟ ଡଲାର) କ୍ଷତି ହୋଇପାରେ । ଏହି ରାଶି ମୁଖ୍ୟତଃ ଆଇସିସିର ବାର୍ଷିକ ରାଜସ୍ୱ ଭାଗିଦାରୀ ସହ ଜଡିତ । ଏହା ବିସିବିର ବାର୍ଷିକ ଆୟର ବଡ ଅଂଶ ।

ଆଇସିିସ ବୁଧବାର ବାଂଲାଦେଶକୁ ଚେତାବନୀ ଦେଇଥିଲା ଯେ, ଭାରତ ଆସିବାକୁ ସହମତ ହେଉ କିମ୍ବା ତା ସ୍ଥାନରେ ଅନ୍ୟ ଟିମକୁ ଖେଳିବାକୁ ସୁଯୋଗ ଦିଆଯିବ । ଆଇସିସି କହିଥିଲା ଯେ, ଭାରତରେ ବାଂଲାଦେଶର ଖେଳାଳି, ଅଧିକାରୀ କିମ୍ବା ପ୍ରଶଂସକଙ୍କ ସୁରକ୍ଷା ପ୍ରତି କୌଣସି ବିପଦ ନାହିଁ । ବାଂଲାଦେଶକୁ ଗୁରୁବାର ସୁଦ୍ଧା ନିଷ୍ପତ୍ତି ନେବାକୁ ସମୟ ଦିଆଯାଇଥିଲା । 

ବାଂଲାଦେଶର କ୍ରୀଡା ପରାମର୍ଶଦାତା ଆସିଫ ନଜରୁଲ କହିଛନ୍ତି ଯେ ବାଂଲାଦେଶୀ ଖେଳାଳିମାନେ ଟି-୨୦ ବିଶ୍ୱକପରେ ଖେଳିବାକୁ ଚାହାଁନ୍ତି, କିନ୍ତୁ ଦଳ କେବଳ ଶ୍ରୀଲଙ୍କାରେ ହିଁ ଏହାର ମ୍ୟାଚ୍ ଖେଳିବ। ବାଂଲାଦେଶ ସରକାର ଏକ ବିବୃତ୍ତି ଜାରି କରି କହିଛନ୍ତି ଯେ ସେମାନେ ବିଶ୍ଵ କ୍ରିକେଟର ଅବସ୍ଥା ବିଷୟରେ ଅନିଶ୍ଚିତ, କିନ୍ତୁ କ୍ରୀଡାର ଲୋକପ୍ରିୟତା ନିଶ୍ଚିତ ଭାବରେ ହ୍ରାସ ପାଉଛି। ସେମାନେ ୨୦୦ ନିୟୁତ ଲୋକଙ୍କୁ ବନ୍ଦୀ କରିଛନ୍ତି। କ୍ରିକେଟ ଅଲିମ୍ପିକ୍ସକୁ ଯାଉଛି, କିନ୍ତୁ ଯଦି ବାଂଲାଦେଶ ଭଳି ଦେଶ ଅଂଶଗ୍ରହଣ ନ କରେ, ତେବେ ଏହା ଆଇସିସିର କ୍ଷତି।

ଏହା ମଧ୍ୟ କୁହାଯାଇଥିଲା ଯେ ବାଂଲାଦେଶ ସରକାର ଆଇସିସି ସହିତ ନିରନ୍ତର ଯୋଗାଯୋଗରେ ରହିବ, କାରଣ ସେମାନଙ୍କ ଦଳ ବିଶ୍ୱକପରେ ଖେଳିବାକୁ ଚାହୁଁଛି କିନ୍ତୁ ଭାରତରେ ଖେଳିବ ନାହିଁ। ଆଇସିସି ଏହାର ବୋର୍ଡ ବୈଠକରେ ଅନେକ ଆଶ୍ଚର୍ଯ୍ୟଜନକ ନିଷ୍ପତ୍ତି ନେଇଥିବାରୁ ମଧ୍ୟ ସମାଲୋଚନାର ଶିକାର ହୋଇଥିଲା।