କରାଚୀ: ପାକିସ୍ତାନ କ୍ରିକେଟ୍ ଦଳର ତାରକା ବ୍ୟାଟ୍ସମ୍ୟାନ୍ ବାବର ଆଜମ୍ ଦ୍ୱିତୀୟ ଥର ପାଇଁ ଅଧିନାୟକ ପଦରୁ ଇସ୍ତଫା ଦେଇଛନ୍ତି। ବାବର ପାକିସ୍ତାନର ଦିନିକିଆ ଓ ଟି-୨୦ ଅଧିନାୟକ ଥିଲେ। ଏହା ପୂର୍ବରୁ ମଧ୍ୟ ସେ ଥରେ ଇସ୍ତଫା ଦେଇଥିଲେ, କିନ୍ତୁ ତାଙ୍କୁ ପୁଣି ଥରେ ଅଧିନାୟକ କରାଯାଇଥିଲା। ଏଥର ବାବର 'କାର୍ଯ୍ୟଭାର' ଦର୍ଶାଇ ପାକିସ୍ତାନର ଅଧିନାୟକପଦ ଛାଡିଥିଲେ। ଏହାବ୍ୟତୀତ ଏବେ ସେ ନିଜ ବ୍ୟାଟିଂ ଉପରେ ଅଧିକ ଧ୍ୟାନ ଦେଇପାରିବେ ବୋଲି କହିଛନ୍ତି। 

ବାବର ଆଜମ ସାମାଜିକ ଗଣମାଧ୍ୟମରେ ଲେଖିଛନ୍ତି, ପ୍ରିୟ ପ୍ରଶଂସକ, ମୁଁ ଆଜି ଆପଣଙ୍କ ସହ କିଛି ଖବର ସେୟାର କରୁଛି। ଗତ ମାସରେ ପିସିବି ଓ ଟିମ୍ ମ୍ୟାନେଜମେଣ୍ଟ ଦେଇଥିବା ବିଜ୍ଞପ୍ତିରୁ ମୁଁ ପାକିସ୍ତାନ ପୁରୁଷ କ୍ରିକେଟ୍ ଦଳର ଅଧିନାୟକ ପଦରୁ ଇସ୍ତଫା ଦେବାକୁ ନିଷ୍ପତ୍ତି ନେଇଛି।

ଏହି ଦଳର ଅଧିନାୟକ ହେବା ଏକ ଗୌରବର ବିଷୟ, କିନ୍ତୁ ଏବେ ସମୟ ଆସିଛି ଯେ ମୁଁ ଏଥିରୁ ଦୂରେଇ ଯାଇ ମୋର ଭୂମିକା ଉପରେ ଧ୍ୟାନ ଦେଉଛି। ଅଧିନାୟକତ୍ୱ ଏକ ଲାଭଦାୟକ ଅଭିଜ୍ଞତା, କିନ୍ତୁ ଏହା ଗୁରୁତ୍ୱପୂର୍ଣ୍ଣ କାର୍ଯ୍ୟଭାରକୁ ବଢ଼ାଇଥାଏ। ମୁଁ ମୋ ପ୍ରଦର୍ଶନକୁ ପ୍ରାଥମିକତା ଦେବାକୁ ଚାହୁଁଛି, ମୋ ବ୍ୟାଟିଂକୁ ଉପଭୋଗ କରିବାକୁ ଚାହୁଁଛି ଏବଂ ମୋ ପରିବାର ସହିତ ସମୟ ବିତାଇବାକୁ ଚାହୁଁଛି ଯାହା ମୋତେ ଖୁସି କରେ।

ବାବର ଲେଖିଛନ୍ତି, ଇସ୍ତଫା ଦେଇ ମୁଁ ଆଗକୁ ବଢ଼ିବାରେ ସ୍ପଷ୍ଟତା ହାସଲ କରିବି ଏବଂ ମୋ ଖେଳ ଏବଂ ବ୍ୟକ୍ତିଗତ ବିକାଶ ରେ ଅଧିକ ଶକ୍ତି ଉତ୍ସର୍ଗ କରିବାକୁ ସକ୍ଷମ ହେବି। 

ବର୍ଷକ ମଧ୍ୟରେ ବାବର ଆଜମଙ୍କ ଏହା ଦ୍ୱିତୀୟ ଅଧିନାୟକ ପଦରୁ ଇସ୍ତଫା। ଏହା ପୂର୍ବରୁ ସେ ଦିନିକିଆ ବିଶ୍ୱକପ୍ ୨୦୨୩ ପରେ ଅଧିନାୟକ ପଦରୁ ଇସ୍ତଫା ଦେବାକୁ ନିଷ୍ପତ୍ତି ନେଇଥିଲେ। ଦିନିକିଆ ବିଶ୍ୱକପ୍ ପରେ ବାବର ୨୦୨୩ ନଭେମ୍ବର ୧୫ରେ ଅଧିନାୟକ ପଦରୁ ଇସ୍ତଫା ଦେବାକୁ ନିଷ୍ପତ୍ତି ନେଇଥିଲେ। ତେବେ ସେହି ସମୟରେ ବାବର ପାକିସ୍ତାନ ପକ୍ଷରୁ ତିନୋଟି ଫର୍ମାଟର ଅଧିନାୟକ ଥିଲେ।

ଅଧିକ ପଢ଼ନ୍ତୁ: ୨ ଦିନରେ ଚିତ୍ ମାରିଲା ବାଂଲାଦେଶ