ଫଟୋ ଉଠାଇବାରେ ଏତେ ମସଗୁଲ, ତ୍ରିରଙ୍ଗାର ଅପମାନ କଲେ କଂଗ୍ରେସ ନେତା, ଭାଇରାଲ ହେଉଛି ଫଟୋ
Khabar Odisha:national-odisha-maharashtra-congress-leaders-disrespect-indian-flag-viral-video
ନାନ୍ଦେଡ଼, ଜାନୁଆରୀ୨୬(ଖବର ଓଡ଼ିଶା):

 ୭୧ତମ ସାଧାରଣତନ୍ତ୍ର ଦିବସ ଅବସରରେ ପତାକା ଉତ୍ତୋଳନ ପରେ କଂଗ୍ରେସ ନେତାଙ୍କ ଦ୍ଵାରା ଜାତୀୟ ପତାକାର ଅପମାନ ହୋଇଥିବା ମାମଲା ସାମ୍ନାକୁ ଆସିଛି। ମହାରାଷ୍ଟ୍ରର ନାନ୍ଦେଡ଼ ଜିଲ୍ଲାର ମହାନଗରପାଳିକାରେ ପତାକା ଉତ୍ତୋଳନ ପରେ ଫଟୋ ସେସନ ହୋଇଥିଲା। ଫଟୋ ଉଠାଇବା ସମୟରେ କାର୍ଯ୍ୟକ୍ରମରେ ସାମିଲ ଲୋକେ ମାଟିରେ ରଙ୍ଗୋଲିରେ ପ୍ରସ୍ତୁତ ତ୍ରିରଙ୍ଗା ଉପରେ ଛିଡ଼ା ହୋଇଥିଲେ। ତ୍ରିରଙ୍ଗା ଉପରେ ବନ୍ଦେ ମାତରମ ମଧ୍ୟ ଲେଖା ହୋଇଥିଲା, ଯାହା ଉପରେ ଏହି ଲୋକ ଛିଡ଼ା ହୋଇ ଫଟୋ ଉଠାଇଥିଲେ।

ଭାଇରାଲ ହେଉଥିବା ଏହି ଫଟୋରେ କଂଗ୍ରେସ ପାର୍ଟିର ବିଧାୟକ ଅମର ରାଜୁରକର ଓ ପୂର୍ବତନ କଂଗ୍ରେସ ପାର୍ଟର ବିଧାୟକ ଡି.ପି, ସାଓ୍ଵନ୍ତ ଉପସ୍ଥିତ ଥିବା ଦେଖିବାକୁ ମିଳିଛି। କଳାକୋଟ୍ ପିନ୍ଧି ଫଟୋ ଉଠାଉଥିବା ସମସ୍ତେ ମହାନଗର ପାଳିକାର କର୍ମଚାରୀ। 

ଏହି ଲୋକମାନେ ଫଟୋ ଉଠାଇବା ନେଇ ଏତେ ବ୍ୟାକୁଳ ଥିଲେ ଯେ ସାଧାରଣତନ୍ତ୍ର ଦିବସ ଅବସରରେ ରଙ୍ଗୋଲିରେ ପ୍ରସ୍ତୁତ ଜାତୀୟ ପତାକା ତ୍ରିରଙ୍ଗା ଏବଂ ତା ଉପରେ ଲିଖିତ ବନ୍ଦେ ମାତରମ ଉପରେ ଚଢ଼ି ଫଟୋ ଉଠାଇଥିଲେ। କେବଳ ଏତିକି ନୁହଁ ଯେଉଁ ନଗରପାଳିକାର କର୍ମଚାରୀ ମାନେ ଏହାକୁ ପ୍ରସ୍ତୁତ କରିଥିଲେ ସେମାନେ ବି ତ୍ରିରଙ୍ଗା ଉପରେ ଚଢ଼ି ଫଟୋ ଉଠାଇଥିଲେ।

Subscribe

National International State Sports Entertainment