ଆଜି ସାରା ଦେଶରେ ଚାଲିଛି ଗଣେଶ ଭସାଣୀ। ଅନନ୍ତ ଚତୁର୍ଦ୍ଦଶୀରେ ଭଗବାନ ଗଣେଶଙ୍କ ମୂର୍ତ୍ତି ବିସର୍ଜନ କରାଯାଉଛି। ମୁମ୍ବାଇରେ ୧.୮୦ ଲକ୍ଷରୁ ଅଧିକ ମୂର୍ତ୍ତି ବିସର୍ଜନ ହେବାକୁ ଯାଉଛି। ଏଥିରେ ୬,୫୦୦ ଗଣେଶ ମଣ୍ଡପ ଏବଂ ୧.୭୫ ଲକ୍ଷ ଘରୋଇ ମୂର୍ତ୍ତି ଅନ୍ତର୍ଭୁକ୍ତ ରହିଛି। ଆଇନ ଶୃଙ୍ଖଳା ବଜାୟ ରଖିବା ପାଇଁ ମୁମ୍ବାଇରେ ୨୧,୦୦୦ ପୋଲିସ କର୍ମଚାରୀଙ୍କୁ ନିୟୋଜିତ କରାଯାଇଛି। 

ବିସର୍ଜନ ପାଇଁ ପ୍ରଶାସନ ପକ୍ଷରୁ କରାଯାଇଛି ସ୍ବତନ୍ତ୍ର ବ୍ୟବସ୍ଥା ଗ୍ରହଣ କରାଯାଇଛି । ସମୁଦ୍ର ତଟ ସମେତ ୨୦୫ଟି କୃତ୍ରିମ ପୋଖରୀ ପ୍ରସ୍ତୁତ ହୋଇଛି । ପ୍ରଥମ ଥର ପାଇଁ, ପୋଲିସ ରୁଟ୍ ପରିଚାଳନା ପାଇଁ କୃତ୍ରିମ ବୁଦ୍ଧିମତ୍ତା (AI) ବ୍ୟବହାର କରିଛି। ଏଥିପାଇଁ ଗିରଗାଓଁ ଚୌପାଟିରେ ଏକ ଏଆଇ ଆଧାରିତ ନିୟନ୍ତ୍ରଣ କକ୍ଷ ସ୍ଥାପନ କରାଯାଇଛି। ପ୍ରମୁଖ ଗଣପତି କମିଟିଗୁଡ଼ିକୁ ଛଜ କୋଡ୍ ପ୍ରଦାନ କରାଯାଇଛି ଏବଂ ବିସର୍ଜନ ଶୋଭାଯାତ୍ରାରେ ଅଂଶଗ୍ରହଣ କରୁଥିବା ଯାନଗୁଡ଼ିକରେ ଷ୍ଟିକର ମଧ୍ୟ ଲଗାଯାଇଛି।ଏହା ପୋଲିସକୁ ଯାନବାହନ ଚିହ୍ନଟ କରିବାରେ, ଭିଡ଼ ଉପରେ ନଜର ରଖିବା ଏବଂ ନିୟନ୍ତ୍ରଣ କରିବାରେ ସାହାଯ୍ୟ କରିବ ଯାହା ଦ୍ଵାରା ଟ୍ରାଫିକ୍ ପରିବର୍ତ୍ତନ ପାଇଁ ପ୍ରକୃତ ସମୟରେ ସେମାନଙ୍କୁ ପରିଚାଳନା କରାଯାଇପାରିବ।

ମୁମ୍ବାଇରେ କ’ଣ ବ୍ୟବସ୍ଥା ଅଛି?

• ମୂର୍ତ୍ତିଗୁଡ଼ିକୁ ନେଇଯାଉଥିବା ଯାନଗୁଡ଼ିକ ବାଲିରେ ଫସି ନ ରହିବା ପାଇଁ ବେଳାଭୂମିରେ ୧,୧୭୫ଟି ଷ୍ଟିଲ୍ ପ୍ଲେଟ୍ ଲଗାଯାଇଥିଲା
• ବଡ଼ ମୂର୍ତ୍ତି ବିସର୍ଜନ ପାଇଁ ପ୍ରାୟ ୫୦ଟି ଜର୍ମାନ ରାଫ୍ଟ ବ୍ୟବସ୍ଥା କରାଯାଇଛି
• ବିସର୍ଜନ ସ୍ଥଳରେ ୨୪୫ଟି ନିୟନ୍ତ୍ରଣ କକ୍ଷ ସ୍ଥାପନ କରାଯାଇଛି। ଏହା ସହିତ, ୪୨ଟି କ୍ରେନ୍ ନିୟୋଜିତ କରାଯାଇଛି
• ଜଳଭଣ୍ଡାର ଏବଂ କୃତ୍ରିମ ହ୍ରଦଗୁଡ଼ିକରେ ୨,୧୭୮ ଜଣ ଲାଇଫଗାର୍ଡଙ୍କୁ ନିୟୋଜିତ କରାଯାଇଛି
• ଉଦ୍ଧାର ଏବଂ ରିଲିଫ୍ କାର୍ଯ୍ୟ ପାଇଁ ୫୬ଟି ମୋଟରବୋଟ୍ ବ୍ୟବସ୍ଥା କରାଯାଇଛି

ମୁମ୍ବାଇର ଗଣପତି ବାପ୍ପାଙ୍କ ସବୁଠାରୁ ପ୍ରସିଦ୍ଧ ଏବଂ ଲୋକପ୍ରିୟ ଗଣେଶ ମଣ୍ଡଳୀ ଲାଲବାଗଚା ରାଜାଙ୍କ ବିସର୍ଜନ ଶୋଭାଯାତ୍ରା ଆରମ୍ଭ ହୋଇଛି। ହଜାର ହଜାର ଲୋକ ଏଥିରେ ଅଂଶଗ୍ରହଣ କରିଛନ୍ତି। ରାସ୍ତାରେ ବ୍ୟାରିକେଡ୍ ଲଗାଯାଇଛି। ପୋଲିସ ମୁତୟନ କରାଯାଇଛି।

ଅଧିକ ପଢନ୍ତୁ: ଏଣିକି ପିପିଲିରୁ କୋଣାର୍କ ୟାତାୟତ ପାଇଁ ଲାଗିବ ଅଧଘଣ୍ଟାର ସମୟ; ‘ଗ୍ରୀନଫିଲ୍ଡ କରିଡର’କୁ ଓଡ଼ିଶା ସରକାରଙ୍କ ମଞ୍ଜୁରୀ