ଜମ୍ମ-କାଶ୍ମୀର: ପହଲଗାମ ଆକ୍ରମଣର ପ୍ରଥମ ପ୍ରତିଶୋଧ ନେଲା ଭାରତ। ଜମ୍ମୁ-କଶ୍ମୀର ବାନ୍ଦିପୋରାରେ ଏନକାଉଣ୍ଟରରେ ଟଲିଲା ଟପ୍ ଲସ୍କର କମାଣ୍ଡର ଅଲତାଫ୍ ଲାଲି । ସୁରକ୍ଷା ବାହିନୀ ସହ ଏକ ଗୁଳିବିନିମୟରେ ଲସ୍କର-ଏ-ତୋଇବା (ଏଲଇଟି)ର ଶୀର୍ଷ କମାଣ୍ଡର ଅଲତାଫ ଲାଲି ନିହତ ହୋଇଛନ୍ତି। ଗତ ୨୨ରେ ପହଲଗାମରେ ହୋଇଥିବା ଆକ୍ରମଣ ପରେ ଆତଙ୍କୀକୁ ଜବାବ ଦେବାକୁ ଜୋରଦାର ପ୍ରସ୍ତୁତି ଚଳାଇଛି ସୁରକ୍ଷାକର୍ମୀ । ଏହି ଅପରେସନ ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣରେ ଜଡ଼ିତ ଥିବା ଏଲଇଟି ଆତଙ୍କବାଦୀଙ୍କୁ ଖୋଜି ବାହାର କରିବା ପାଇଁ ଚାଲୁ ରହିଥିବା ପ୍ରୟାସର ଏକ ଅଂଶ, ଯେଉଁ ଆକ୍ରମଣରେ ୨୬ଜଣ ଲୋକ ପ୍ରାଣ ହରାଇଛନ୍ତି। 

ଗୁରୁବାର ରାତିରୁ ପାକିସ୍ତାନ ପକ୍ଷରୁ ଏଲଓସିରେ ଗୁଳିଚାଳନା କରାଯାଇଥିବାବେଳେ ଏହାର ପାଲଟା ଜବାବ ଦେଇଛି ଭାରତ । ସେହିପରି ଆଜି ସକାଳୁ ଆତଙ୍କବାଦୀ ଓ ସୁରକ୍ଷାକର୍ମୀ ମୁହାଁମୁହିଁ ହୋଇଛନ୍ତି । ବାନ୍ଦିପୋରା ଜିଲ୍ଲାକୁ ଘେରାବନ୍ଦୀ କରି ସେନା ପକ୍ଷରୁ ସର୍ଚ୍ଚ ଅପରେସନ ଆରମ୍ଭ ହୋଇଥିଲା । ଲୁଚି ରହିଥିବା ଆତଙ୍କୀ ସୁରକ୍ଷାବାହିନୀ ଉପରକୁ ଗୁଳି ଚଲାଇଥିଲେ । ୨ ଯବାନ ଗୁରୁତର ହୋଇଥିବାବେଳେ ଏବେ ଲସ୍କର କମାଣ୍ଡର ନିହତ ହୋଇଛି। 

ଶୁକ୍ରବାର ସକାଳେ, ଆତଙ୍କବାଦୀଙ୍କ ଉପସ୍ଥିତି ସମ୍ପର୍କରେ ନିର୍ଦ୍ଦିଷ୍ଟ ଗୋଇନ୍ଦା ସୂଚନା ଆଧାରରେ, ଭାରତୀୟ ସେନା ଏବଂ ଜମ୍ମୁ ଓ କଶ୍ମୀର ପୁଲିସ ଦ୍ୱାରା ବନ୍ଦିପୋରରେ ଏକ ମିଳିତ ସର୍ଚ୍ଚ ଅପରେସନ ଆରମ୍ଭ କରାଯାଇଥିଲା। ଆତଙ୍କବାଦୀଙ୍କୁ ଠାବ କରିବା ପରେ ଗୁଳିବିନିମୟ ଆରମ୍ଭ ହୋଇଥିଲା।ଏହା ପୂର୍ବରୁ, ସୂତ୍ରରୁ ଜଣାପଡ଼ିଥିଲା ଯେ ସୁରକ୍ଷା ବାହିନୀ ଗୁଳିରେ ଜଣେ ଆତଙ୍କବାଦୀ ପ୍ରାରମ୍ଭିକ ଗୁଳିବିନିମୟ ସମୟରେ ଆହତ ହୋଇଥିଲେ। ଏହାରି ମଧ୍ୟରେ, ସେନା ମୁଖ୍ୟ ଜେନେରାଲ ଉପେନ୍ଦ୍ର ଦ୍ୱିବେଦୀ ଶ୍ରୀନଗରରେ ପହଞ୍ଚିଥିଲେ, ଯେଉଁଠାରେ ତାଙ୍କୁ ବନ୍ଦିପୋରରେ ଚାଲୁ ରହିଥିବା ଅପରେସନ ସମ୍ପର୍କରେ ସୂଚନା ଦିଆଯାଇଥିଲା। ସେ ପରିସ୍ଥିତିର ଏକ ବ୍ୟାପକ ସୁରକ୍ଷା ସମୀକ୍ଷା କରିବା ଏବଂ ପହଲଗାମ ଆତଙ୍କବାଦୀ ଆକ୍ରମଣରେ ସନ୍ଦିଗ୍ଧ ଏଲଇଟି ଆତଙ୍କବାଦୀଙ୍କୁ ଖୋଜିବା ଲକ୍ଷ୍ୟରେ ଚାଲୁ ରହିଥିବା ଅପରେସନର ଅଗ୍ରଗତି ମୂଲ୍ୟାଙ୍କନ କରିବାର  କାର୍ଯ୍ୟସୂଚୀ  ରହିଛନ୍ତି।

ଅନ୍ୟ ଏକ ଘଟଣାକ୍ରମରେ, ପହଲଗାମ ଆକ୍ରମଣରେ ଜଡ଼ିତ ଥିବା ସନ୍ଦେହ କରାଯାଉଥିବା ଦୁଇ ଆତଙ୍କବାଦୀଙ୍କ ଘରକୁ ଶୁକ୍ରବାର ସୁରକ୍ଷା ବାହିନୀ ଏବଂ ଜମ୍ମୁ ଓ କଶ୍ମୀର କର୍ତ୍ତୃପକ୍ଷ ଧ୍ୱଂସ କରିଦେଇଛନ୍ତି। ବିଜବେହାରାରେ ଲସ୍କର ଆତଙ୍କବାଦୀ ଆଦିଲ ହୁସେନ ଥୋକରଙ୍କ ବାସସ୍ଥାନକୁ ଆଇଇଡି ବ୍ୟବହାର କରି ଉଡ଼ାଇ ଦିଆଯାଇଥିବା ବେଳେ, ତ୍ରାଲରେ ଆସିଫ ଶେଖଙ୍କ ଘରକୁ ବୁଲଡୋଜର ଦ୍ୱାରା ଭାଙ୍ଗି ଦିଆଯାଇଛି।