ହିମାଚଳ ପ୍ରଦେଶର ଜଣେ ଆଦିବାସୀ ସମ୍ପ୍ରଦାୟର ଝିଅ ଇତିହାସ ରଚିଛନ୍ତି। ମାଉଣ୍ଟ ଏଭରେଷ୍ଟ ଚଢି ନୂଆ ଇତିହାସ ସୃଷ୍ଟି କରିଛନ୍ତି । ସେ ଭାରତର ପ୍ରଥମ ମହିଳା ଯିଏ ଆଖିରେ ଦେଖି ପାରନ୍ତି ନାହିଁ, କିନ୍ତୁ ଏହା ସତ୍ତ୍ୱେ ମଧ୍ୟ ସେ ମାଉଣ୍ଟ ଏଭରେଷ୍ଟ ବିଜୟ କରିଛନ୍ତି। ଏହି ମହିଳାଙ୍କ ନାମ ଚୋଙ୍ଗଜିନ୍ ଆଙ୍ଗମୋ, ସେ ଏହି ଇତିହାସ ସୃଷ୍ଟି କରିଛନ୍ତି।

ହିମାଚଳର କିନ୍ନୌରର ବାସିନ୍ଦା ଚୋଙ୍ଗଜିନ୍ ଆଙ୍ଗମୋ ୮ ବର୍ଷ ବୟସରେ ତାଙ୍କର ଦୃଷ୍ଟିଶକ୍ତି ହରାଇଥିଲେ। ସେ ଦିଲ୍ଲୀ ବିଶ୍ୱବିଦ୍ୟାଳୟରୁ ଏମଏ କରିଛନ୍ତି ଏବଂ ୟୁନିଅନ୍ ବ୍ୟାଙ୍କରେ ମଧ୍ୟ କାମ କରନ୍ତି। ଦୃଷ୍ଟିଶକ୍ତି ନଥିବା ସତ୍ତ୍ୱେ, ସେ ଏବେ କେବଳ ଭାରତରେ ନୁହେଁ ବରଂ ବିଶ୍ୱରେ ହିମାଚଳ ପାଇଁ ଗୌରବ ଆଣିଛନ୍ତି। ସେ ଭାରତର ପ୍ରଥମ ଦୃଷ୍ଟିହୀନ ମହିଳା ଏବଂ ଏଭରେଷ୍ଟ ଚଢ଼ିବାରେ ବିଶ୍ୱର ପଞ୍ଚମ।

ଭାରତ-ତିବ୍ଦତ ସୀମାର ଦୂରବର୍ତ୍ତୀ ଚାଙ୍ଗୋରେ ଜନ୍ମିତ ଚୋଙ୍ଗଜିନ୍ ଆଙ୍ଗମୋ ପୂର୍ବରୁ ଲଦାଖର ମାଉଣ୍ଟ କାଙ୍ଗ ୟାତସେ ୨(୬,୨୫୦ ମିଟର) ଆରୋହଣ କରିଛନ୍ତି। ସେ ହେଲେନ୍ କେଲରଙ୍କୁ ନିଜର ଆଦର୍ଶ ମାନିଛନ୍ତି । ସେଥିପାଇଁ ସେ ଅନ୍ଧ ହେବା ନିଜର ଦୁର୍ବଳତା ବୋଲି କେବେ ଭାବନ୍ତି ନାହିଁ । ସେ ହେଲେନ୍ କେଲରଙ୍କ ଏହି କଥାରେ ବିଶ୍ୱାସ କରନ୍ତି ଯେ 'ଆଖି ଥାଇ ସ୍ୱପ୍ନ ନ ଦେଖିବା ଅନ୍ଧ ହେବାଠାରୁ କମ୍ ନୁହଁ' ।

ଚୋଙ୍ଗଜିନ୍ ଆଙ୍ଗମୋଙ୍କ ପରିବାର ତାଙ୍କ ସଫଳତାରେ ବହୁତ ଖୁସି। ତାଙ୍କ ବାପା କହିଥିଲେ ଯେ ମୁଁ ମୋ ଝିଅ ଉପରେ ଗର୍ବିତ। l ତାଙ୍କ ବିଜୟ ପାଇଁ ତାଙ୍କର ପୂରା ଗାଁରେ ଖୁସିର ଲହରୀ ଖେଳିଯାଇଛି। ଚୋଙ୍ଗଜିନ୍ ଆଙ୍ଗମୋ ନିଜେ କହିଥିଲେ ଯେ ଏହି ପର୍ବତ ଶିଖରଗୁଡ଼ିକ ଚଢ଼ିବା ମୋର ପିଲାଦିନର ସ୍ୱପ୍ନ ଥିଲା। କିନ୍ତୁ ଆର୍ଥିକ ପ୍ରତିବନ୍ଧକ ତାଙ୍କ ପାଇଁ ଏକ ବଡ଼ ସମସ୍ୟା ଥିଲା। ଏବେ କିନ୍ତୁ ସେ କହୁଛନ୍ତି ଯେ ମୁଁ ସମସ୍ତ ଶିଖର ଚଢ଼ିବାକୁ ଚେଷ୍ଟା କରିବି।

ଚୋଙ୍ଗଜିନ୍ ଆଙ୍ଗମୋ ଅକ୍ଷମ ଅଭିଯାନ ଦଳର ମଧ୍ୟ ସଦସ୍ୟ ଥିଲେ। ତାଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କୁ ପ୍ରଶଂସା କରିଥିଲେ। ସେ ଜାତୀୟ ସ୍ତରରେ ଦୁଇଟି କାଂସ୍ୟ ପଦକ ମଧ୍ୟ ଜିତିଛନ୍ତି। ଏହା ବ୍ୟତୀତ ସେ ତିନିଥର ଦିଲ୍ଲୀ ମାରାଥନ ଏବଂ ପିଙ୍କ ମାରାଥନରେ ଅଂଶଗ୍ରହଣ କରିଛନ୍ତି, ଏବଂ ଦିଲ୍ଲୀ ବେଦାନ୍ତ ମାରାଥନରେ ମଧ୍ୟ ଅଂଶଗ୍ରହଣ କରିଛନ୍ତି।