ନୂଆଦିଲ୍ଲୀ: ୱାକଫ ସଂଶୋଧନ ବିଧେୟକ ୨୦୨୫ ସଂସଦର ଉଭୟ ଗୃହରେ ଗୃହୀତ ହୋଇ ସାରିଛି । ଅନ୍ୟପଟେ ବିଧେୟକକୁ ନେଇ ସୁପ୍ରିମକୋର୍ଟରେ ଦ୍ୱାରସ୍ଥ ହେବ ବୋଲି କଂଗ୍ରେସ ଘୋଷଣା କରିଛି । ଏହା ମଧ୍ୟରେ ଶନିବାର ଭାରତୀୟ ଜନତା ପାର୍ଟି(ବିଜେପି)ର ସାଂସଦ ତଥା ପୂର୍ବତନ ଆଇନ ମନ୍ତ୍ରୀ ରବି ଶଙ୍କର ପ୍ରସାଦ ଶୁକ୍ରବାର କହିଛନ୍ତି ଏହି ବିଧେୟକ ମସଜିଦ କି କବରସ୍ଥାନ ଉପରେ କୌଣସି ପ୍ରଭାବ ପକାଇବ ନାହିଁ । ଏହି ବିଧେୟକ ୱାକଫ ବୋର୍ଡର କାର୍ଯ୍ୟରେ ଆହୁରି ପାରଦର୍ଶିତା ଆଣିବ । 

ଋବିଶଙ୍କର ପ୍ରସାଦ ଏନଡିଟିଭି ସହ ଏକ ସାକ୍ଷାତକାରରେ କହିଛନ୍ତି ଯେ, କୌଣସି ବି ମସଜିଦ, ପୂଜାସ୍ଥଳ କିମ୍ବା କବରସ୍ଥାନକୁ କୌଣସି କ୍ଷତି ହେବ ନାହିଁ । ଏହି ବିଲ୍ ୱାକଫ ବୋର୍ଡରେ ଅଧିକ ପାରଦର୍ଶିତା ଆଣିବ ଓ ୱାକଫର ସଂପତ୍ତିର ଉପଯୋଗକୁ ଅଧିକ ନିରୀକ୍ଷଣ କରି ପାରିବ । ୱାକଫ ଏକ ଧାର୍ମିକ ସଂସ୍ଥା ନୁହେଁ ବରଂ ଏକ ବୈଧ୍ୟାନିକ ସଂସ୍ଥା । ପ୍ରସଙ୍ଗ ବହୁତ ସରଳ ଓ ସ୍ପଷ୍ଟ । ୱାକଫ ଗଠନ କରିଥିବା ୱାକିଫର ଉଦ୍ଦେଶ୍ୟ ଠିକ୍ ଭାବେ କାର୍ଯ୍ୟ କରୁଛି କି ନାହିଁ ? ନା ୱାକଫ ପ୍ରବନ୍ଧକ ସଠିକ ଢଙ୍ଗରେ ଏହାର ପ୍ରବନ୍ଧନ କରୁଛି କି ନାହିଁ ?

ଋବିଶଙ୍କର ପ୍ରସାଦ ଏହା ମଧ୍ୟ ସ୍ପଷ୍ଟ କରିଛନ୍ତି ଯେ, ୱାକଫର ସଂପତ୍ତି ଉପରେ କାହାରି ବ୍ୟକ୍ତିଗତ ଅଧିକାର ନାହିଁ । କାରଣ ୱାକଫ ଗଠନ ପରେ ସବୁ ସଂପତ୍ତି ଆଲ୍ଲାଙ୍କ ହୋଇ ଯାଉଛି । ମୁତବାଲି(ୱାକଫ ପ୍ରବନ୍ଧକ) କେବଳ ଜଣେ ପର୍ଯବେକ୍ଷକ, ଯାହାଙ୍କ ପାଖରେ ସଂପତ୍ତି ଉପରେ କୌଣସି ଅଧିକାର ନ ଥାଏ । ଏହି ବିଧେୟକ ଜରିଆରେ ମୁସଲିମ ମହିଳା ଓ ସମୁଦାୟକୁ ସଶକ୍ତ କରାଯିବ ଓ ସଂପ୍ରଦାୟର ନିମ୍ନସ୍ତରରେ ଥିବା ଲୋକଙ୍କୁ ଆର୍ଥିକ ଭାବେ ମଜବୁତ କରାଯିବ । 

ଋବିଶଙ୍କର ପ୍ରସାଦ କହିଛନ୍ତି, ଏବେ ୱାକଫ ବୋର୍ଡର ସମସ୍ତ ସଂପତ୍ତିର ସୂଚନା ଅନଲାଇନରେ ଉପଲବ୍ଧ ହେବ । ଏଥିରେ ପାରଦର୍ଶିତା ସୁନିଶ୍ଚିତ ହେବ । ଅନଲାଇନ ଜରିଆରେ କାମ ହେବ ଏବଂ ଏଥିରେ ଅଧିକ ପାରଦର୍ଶିତା ଆସିବ । ପ୍ରବନ୍ଧନ ଅଧିକ ସୂଚାରୁ ଭାବେ ଚାଲିବ ।