ତାମିଲନାଡୁର ଭିଲ୍ଲୁପୁରମ୍ ରେଲଷ୍ଟେସନ ନିକଟରେ ଲାଇନ୍ଚ୍ୟୁତ୍ ହେଲା ଯାତ୍ରୀବାହୀ ଟ୍ରେନ୍। ତେବେ ଏଥିରେ ଯାତ୍ରୀବାହୀ ଟ୍ରେନ୍ର ୫ ବଗି ଡିରେଲ ହୋଇଯାଇଥିଲା। ତେବେ ଲାଇନଚ୍ୟୁତ ହେବାର ଶଦ୍ଧଶୁଣି ପାଇଲଟ୍ ତୁରନ୍ତ ଟ୍ରେନ୍କୁ ଅଟକାଇ ଦେଇଥିବାରୁ ଯାତ୍ରୀ ମାନଙ୍କର କୌଣସି କ୍ଷତି ହୋଇନାହିଁ।
ସୂଚନା ମୁତାବକ, ମଙ୍ଗଳବାର ଭୋର ପ୍ରାୟ ୫ଟା ବେଳେ ଭିଲ୍ଲୁପୁରମ୍ରୁ ପୁଡୁଚେରୀ ଯାଉଥିବା ଏକ ପାସେଞ୍ଜର ଟ୍ରେନ୍ର ୫ ବଗି ଭିଲ୍ଲୁପୁର ରେଲଓ୍ୱେ ଷ୍ଟେସନ ନିକଟରେ ଡିରେଲ୍ ହୋଇଛି। ତେବେ ଏଥିରେ କେହି ମୃତାହତ ହୋଇ ନାହାନ୍ତି। ଖବର ପାଇ ରେଳ କର୍ମଚାରୀ ଏବଂ ଇଞ୍ଜିନିୟର୍ସମାନେ ଘଟଣାସ୍ଥଳରେ ପହଞ୍ଚି ଟ୍ରେନ୍ ମରାମତି ପାଇଁ କାର୍ଯ୍ୟ କରୁଛନ୍ତି। ଏହାପରେ ଭିଲ୍ଲୁପୁରମ୍ ରେଳ ପୋଲିସ ଘଟଣାସ୍ଥଳରେ ପହଞ୍ଚି କେଉଁ କାରଣରୁ ଏହିପରି ଘଟଣା ଘଟିଲା ସେ ନେଇ ତଦନ୍ତ ଜାରି ରହିଛି।