ନୂଆଦିଲ୍ଲୀ: ଦୀର୍ଘ ଦିନ ଧରି ଚାଲିଥିବା ଆଇନଗତ ବିବାଦରେ ଇସ୍କନ ମୁମ୍ବାଇ ସପକ୍ଷରେ ରାୟ ଦେଇଥିବା କର୍ଣ୍ଣାଟକ ହାଇକୋର୍ଟର ନିର୍ଦ୍ଦେଶକୁ ଚ୍ୟାଲେଞ୍ଜ କରି ଇସ୍କନ ବେଙ୍ଗାଲୁରୁ ଦ୍ୱାରା ଦାୟର ଏକ ଆବେଦନ ଉପରେ ସୁପ୍ରିମକୋର୍ଟ ଶୁକ୍ରବାର ଦିନ ତାଙ୍କର ରାୟ ପ୍ରକାଶ କରିବାର ସମ୍ଭାବନା ରହିଛି। ଏହି ବିବାଦ ବେଙ୍ଗାଲୁରୁର ପ୍ରସିଦ୍ଧ ହରେ କୃଷ୍ଣ ମନ୍ଦିର ଏବଂ ଶିକ୍ଷାଗତ ସ୍ଥଳର ନିୟନ୍ତ୍ରଣକୁ ନେଇ।

ଜଷ୍ଟିସ୍ ଏ.ଏସ୍. ଓକା ଏବଂ ବିଚାରପତି ଅଗଷ୍ଟିନ ଜର୍ଜ ମାସିହଙ୍କ ଖଣ୍ଡପୀଠ ଗତବର୍ଷ ଜୁଲାଇ ୨୪ ତାରିଖରେ ତାଙ୍କ ରାୟ ସଂରକ୍ଷିତ ରଖିଥିଲେ। ସୁପ୍ରିମକୋର୍ଟ ୱେବସାଇଟ୍ ଅନୁଯାୟୀ, ଜଷ୍ଟିସ୍ ଓକା ଶୁକ୍ରବାର ସକାଳ ୧୦:୩୦ରେ ରାୟ ଘୋଷଣା କରିବେ। ଇସ୍କନ୍ ବେଙ୍ଗାଲୁରୁ ୨୦୧୧ ମେ ୨୩ର ହାଇକୋର୍ଟର ନିଷ୍ପତ୍ତିକୁ ଚ୍ୟାଲେଞ୍ଜ କରି ୨୦୧୧ ଜୁନ୍‌ ୨ରେ  ସୁପ୍ରିମକୋର୍ଟରେ ଏକ ଆବେଦନ ଦାଖଲ କରିଥିଲା।

ସୁପ୍ରିମକୋର୍ଟ ଗୁରୁବାର ଦିନ ସମସ୍ତ ରାଜ୍ୟକୁ ନିର୍ଦ୍ଦେଶ ଦେଇଛନ୍ତି ଯେ କୌଣସି ସଂରକ୍ଷିତ ଜଙ୍ଗଲ ଜମି ଅଣ-ଜଙ୍ଗଲ ଉଦ୍ଦେଶ୍ୟରେ ଘରୋଇ କ୍ଷେତ୍ରକୁ ଆବଣ୍ଟିତ କରାଯାଇଛି କି ନାହିଁ ତାହା ଜାଣିବା ପାଇଁ ଏସ୍‌ଆଇଟି ଗଠନ କରନ୍ତୁ।

ମୁଖ୍ୟ ବିଚାରପତି ବି.ଆର. ଗାଭାଇ, ବିଚାରପତି ଅଗଷ୍ଟିନ ଜର୍ଜ ମାସିହ ଏବଂ ବିଚାରପତି କେ. ବିନୋଦ ଚନ୍ଦ୍ରନଙ୍କ ଖଣ୍ଡପୀଠ ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳଗୁଡ଼ିକୁ ଏପରି ଜମିର ଦଖଲ ଫେରାଇ ଆଣିବା ଏବଂ ଏହାକୁ ବନ ବିଭାଗକୁ ହସ୍ତାନ୍ତର କରିବାକୁ ନିର୍ଦ୍ଦେଶ ଦେଇଛନ୍ତି।

ଖଣ୍ଡପୀଠ କହିଛନ୍ତି ଯେ ଯଦି ଜଣାପଡ଼େ ଯେ ଜମିର ଦଖଲ ଫେରାଇ ନେବା ବୃହତ୍ତର ଜନସ୍ୱାର୍ଥରେ ନୁହେଁ, ତେବେ ସରକାରମାନେ ସେହି ବ୍ୟକ୍ତି, ଅନୁଷ୍ଠାନଙ୍କଠାରୁ ଉକ୍ତ ଜମିର ମୂଲ୍ୟ ଆଦାୟ କରିବା ଉଚିତ ଯେଉଁମାନଙ୍କୁ ଜମି ଆବଣ୍ଟିତ କରାଯାଇଛି। ପୁନରୁଦ୍ଧାରରୁ ମିଳୁଥିବା ଟଙ୍କା ଜଙ୍ଗଲର ବିକାଶ ପାଇଁ ବ୍ୟବହାର କରାଯିବା ଉଚିତ।

ଅଧିକ ପଢ଼ନ୍ତୁ: ତାଲିବାନର ବୈଦେଶିକ ମନ୍ତ୍ରୀଙ୍କ ସହ ଆଲୋଚନା କଲେ ଜୟଶଙ୍କର