ସଂସଦର ବଜେଟ ଅଧିବେଶନର ୨ୟ ପର୍ଯ୍ୟାୟ ଆଜିଠୁ, ସରକାରଙ୍କୁ ଘେରିବାକୁ ବିରୋଧୀ ପ୍ରସ୍ତୁତ
Khabar Odisha:Nation-Second-part-of-parliaments-budget-session-to-commence-from-Monday-likely-to-be-cut-short

ନୂଆଦିଲ୍ଲୀ, ମାର୍ଚ୍ଚ ୦୮ (ଖବର ଓଡ଼ିଶା): ସଂସଦର ବଜେଟ ଅଧିବେଶନର ୨ୟ ପର୍ଯ୍ୟାୟ ସେମାବାର ଠାରୁ ଆରମ୍ଭ ହେଉଛି । ୪ଟି ରାଜ୍ୟ ଓ ଏକ କେନ୍ଦ୍ର ଶାସିତ ରାଜ୍ୟରେ ହେବାକୁ ଥିବା ବିଧାନସଭା ନିର୍ବାଚନ ଲାଗି ପ୍ରଚାର ଆରମ୍ଭ ହୋଇଯାଇଥିବା ବେଳେ ୨ୟ ପର୍ଯ୍ୟାୟରେ ସଂସଦର ବଜେଟ ଅଧିବେଶନ ଜାରି ରହିବ । ଏହି ପର୍ଯ୍ୟାୟରେ ସରକାର ମୁଖ୍ୟ ରୂପରେ ଆର୍ଥିକ ବିଧେୟକ ଏବଂ ଆର୍ଥିକ ବର୍ଷ ୨୦୨୧-୨୨ ଲାଗି ହୋଇଥିବା ଅନୁଦାନର ଅନେକ ଅନୁପୂରକ ଦାବିକୁ ପାରିତ କରିବା ଲକ୍ଷ୍ୟ ରଖିବେ । ଏହି ବାଧ୍ୟତାମୂଳକ ଏଜେଣ୍ଡା ବ୍ୟତୀତ, ସରକାର ଏହି ଅଧିବେଶନରେ ଅନ୍ୟ କିଛି ବିଧେୟକକୁ ମଧ୍ୟ ପାରିତ କରିବାକୁ ଚାହିଁବେ । ସୂଚନାଯୋଗ୍ୟ, ସଂସଦର ୨ୟ ପର୍ଯ୍ୟାୟର ଅଧିବେଶନ ଏପ୍ରିଲ ୮ ତାରିଖ ଯାଏଁ ଜାରି ରହିବ । 

ଏହାରି ମଧ୍ୟରେ ବିରୋଧୀ ଦଳର ନେତାମାନେ ବିଭିନ୍ନ ପ୍ରସଙ୍ଗକୁ ଆଧାର କରି ସରକାରଙ୍କୁ ଘେରିବାକୁ ଟାର୍ଗେଟ କରିଛନ୍ତି । ବଜେଟ ଅଧିବେଶନର ୨ୟ ପର୍ଯ୍ୟାୟ ଆରମ୍ଭ ହେବା ପୂର୍ବରୁ କଂଗ୍ରେସର ସଂସଦୀୟ ଦଳର ଅଧ୍ୟକ୍ଷ ସୋନିଆ ଗାନ୍ଧୀ ରବିବାର ଦଳୀୟ ନେତାଙ୍କ ସହିତ ଭର୍ଚୁଆଲ ବୈଠକ କରି ଗୃହରେ ଉଠାଯିବାକୁ ଥିବା ପ୍ରସଙ୍ଗ ଉପରେ ଆଲୋଚନା କରିଥିଲେ । ଏହି ବୈଠକରେ ଜି-୨୩ର ଆନନ୍ଦ ଶର୍ମା ଓ ମନୀଷ ତିୱାରୀଙ୍କ ବ୍ୟତୀତ ରାଜ୍ୟସଭାରେ ନିକଟରେ ବିରୋଧୀ ଦଳର ନେତା ମଲ୍ଲିକାର୍ଜୁନ ଖଡ଼ଗେ ଓ କଂଗ୍ରେସ ନେତା ଅଧିର ରଂଜନ ଚୌଧୁରୀ ସାମିଲ ଥିଲେ । ଏତଦ ବ୍ୟତୀତ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହ, ଏକେ ଆଣ୍ଟୋନୀ ଓ ଜୟରାମ ରମେଶ ମଧ୍ୟ ବୈଠକର ଅଂଶବିଶେଷ ଥିଲେ । 

 

 

  • Tags:

Subscribe

National International State Sports Entertainment