ପ୍ରଧାନମନ୍ତ୍ରୀ ମୋଦୀଙ୍କ ଜନସେବାରେ ୨୫ ବର୍ଷ ପୂରଣ ହେବା ଅବସରରେ ବିଜେପି ସେପ୍ଟେମ୍ବର ୧୭ ରୁ ସେବା ସଂକଳ୍ପ ଅଭିଯାନ ଆରମ୍ଭ କରିବ। ୧୨ଟି ପ୍ରମୁଖ କାର୍ଯ୍ୟକ୍ରମର ଦାୟିତ୍ୱ କେନ୍ଦ୍ରୀୟ ମନ୍ତ୍ରୀ ଏବଂ ବରିଷ୍ଠ ନେତାମାନଙ୍କୁ ଦାୟିତ୍ବ ଦିଆଯାଇଛି । 

ସେପ୍ଟେମ୍ବର ୧୭ ରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଜନସେବାରେ ୨୫ ବର୍ଷ ପୂର୍ତ୍ତି ଅବସରରେ ଆୟୋଜିତ ହେବାକୁ ଯାଉଥିବା ସେବା ସଂକଳ୍ପ ଅଭିଯାନ ଅଧୀନରେ ୧୨ଟି କାର୍ଯ୍ୟକ୍ରମର ଦାୟିତ୍ୱ ପାଇଁ ୧୨ ଜଣ ପ୍ରଭାରୀଙ୍କୁ ନିଯୁକ୍ତ କରାଯାଇଛି। ଏହି କାର୍ଯ୍ୟକ୍ରମର ସଫଳତା ପାଇଁ କେନ୍ଦ୍ରୀୟ ମନ୍ତ୍ରୀଙ୍କଠାରୁ ଆରମ୍ଭ କରି ରାଷ୍ଟ୍ରୀୟ ପଦାଧିକାରୀଙ୍କ ପର୍ଯ୍ୟନ୍ତ ସମସ୍ତଙ୍କୁ ପ୍ରଭାରୀ କରାଯାଇଛି।

ଭାରତୀୟ ଜନତା ପାର୍ଟି 'ସେବା ସଂକଳ୍ପ ଅଭିଯାନ - ଜନସେବା ହିଁ ପ୍ରଭୁ ସେବା' ଅଧୀନରେ ହେବାକୁ ଥିବା ୧୨ଟି ପ୍ରମୁଖ କାର୍ଯ୍ୟକ୍ରମର ଦାୟିତ୍ୱ ନିର୍ଦ୍ଧାରଣ କରିସାରିଛି। ବିଜେପି ପ୍ରତ୍ୟେକ କାର୍ଯ୍ୟକ୍ରମ ପାଇଁ ପ୍ରଭାରୀ/ପ୍ରଭାରୀମାନଙ୍କ ନାମ ଚୂଡ଼ାନ୍ତ କରିଛି। ଏଥିରେ କେନ୍ଦ୍ରୀୟ ମନ୍ତ୍ରୀ, ରାଷ୍ଟ୍ରୀୟ ମହାମନ୍ତ୍ରୀ, ରାଷ୍ଟ୍ରୀୟ ଉପସଭାପତି, ସାଂସଦ ଏବଂ ରାଜ୍ୟ ସ୍ତରର ନେତାମାନଙ୍କୁ ସାମିଲ କରାଯାଇଛି।

ଆସନ୍ତୁ ଜାଣିବା ପାର୍ଟି କେଉଁ ନେତାମାନଙ୍କୁ କେଉଁ ଦାୟିତ୍ୱ ଦେଇଛି:

୧. ଆଶୀର୍ବାଦ କା ଦିୟା: ଏହାର ଦାୟିତ୍ୱ କେନ୍ଦ୍ରୀୟ ମନ୍ତ୍ରୀ ମନସୁଖ ମାଣ୍ଡଭିୟାଙ୍କୁ ଦିଆଯାଇଛି।

୨. ମେରେ ସପନୋଁ କା ଭାରତ-ଚିତ୍ର ସେବା: ଏହି କାର୍ଯ୍ୟକ୍ରମର ପ୍ରଭାରୀ ସାଂସଦ ତେଜସ୍ୱୀ ସୂର୍ଯ୍ୟା ଏବଂ ରାଷ୍ଟ୍ରୀୟ ମନ୍ତ୍ରୀ ମୃଗାଙ୍କ ଦେବ ବର୍ମନ ହେବେ।

୩. ନମୋ ସେବା-ଅନକହୀ କାହାନିୟାଁ: ଏହାର ଦାୟିତ୍ୱ ରାଷ୍ଟ୍ରୀୟ ମନ୍ତ୍ରୀ ସ୍ୱଦେଶ ସିଂହଙ୍କୁ ସୋପାଯାଇଛି।

୪. ଆଙ୍ଗନ ମିଲନ ସେବା: ଏହାର ପ୍ରଭାରୀ ରାଷ୍ଟ୍ରୀୟ ମହାମନ୍ତ୍ରୀ ସ୍ମୃତି ଇରାନୀ ହେବେ।

୫. ସେବା କୀ କାହାନୀ: ଏହି କାର୍ଯ୍ୟକ୍ରମର ଦାୟିତ୍ୱ ଛତିଶଗଡ଼ର ଫାଇନାନ୍ସ ମିନିଷ୍ଟର ଓ.ପି. ଚୌଧୁରୀଙ୍କୁ ଦିଆଯାଇଛି।

୬. ସେବା ଜ୍ୟୋତି କଲଶ ଯାତ୍ରା- ବିକଶିତ ଭାରତ କା ସଂକଳ୍ପ: ଏହାର ପ୍ରଭାରୀ କେନ୍ଦ୍ରୀୟ ମନ୍ତ୍ରୀ ମନସୁଖ ମାଣ୍ଡଭିୟା ଏବଂ ଗୁଜରାଟର ଉପମୁଖ୍ୟମନ୍ତ୍ରୀ ହର୍ଷ ସଂଘଭୀ ହେବେ।

୭. ବଡ଼ନଗର ରୁ ବାରାଣସୀ ସେବା ଯାତ୍ରା: ଏହାର ଦାୟିତ୍ୱ ରାଷ୍ଟ୍ରୀୟ ସଂଯୋଜକ (ପ୍ରକୋଷ୍ଠ ସଂକୁଲ) ୱାଇ. ଡି. ଶର୍ମା ଏବଂ ଭାଜଯୁମୋର ରାଷ୍ଟ୍ରୀୟ ଅଧ୍ୟକ୍ଷ ହେମାଙ୍ଗ ଯୋଶୀଙ୍କୁ ଦିଆଯାଇଛି।

୮. ସେବା ମେରା ଯୋଗଦାନ: ଏହି କାର୍ଯ୍ୟକ୍ରମର ପ୍ରଭାରୀ ଛତିଶଗଡ଼ର ଫାଇନାନ୍ସ ମିନିଷ୍ଟର ଓ.ପି. ଚୌଧୁରୀ ହେବେ।

୯. ସେବା ସେତୁ ଅଭିଯାନ: ଏହାର ଦାୟିତ୍ୱ ରାଷ୍ଟ୍ରୀୟ ଉପସଭାପତି ବୈଜୟନ୍ତ ପଣ୍ଡା ଏବଂ ହରିୟାଣାର ପୂର୍ବତନ ମନ୍ତ୍ରୀ ଅସୀମ ଗୋୟଲଙ୍କୁ ସୋପାଯାଇଛି।

୧୦. ସେବା କେ ରଙ୍ଗ, ରାଷ୍ଟ୍ର କେ ସଙ୍ଗ: ଏହାର ପ୍ରଭାରୀ ସାଂସଦ ରେଖା ଶର୍ମା ହେବେ।

୧୧. ସେବା ଫର୍ଷ୍ଟ ଇନୋଭେସନ୍ ଚ୍ୟାଲେଞ୍ଜ: ଏହାର ଦାୟିତ୍ୱ କେରଳର ପ୍ରଦେଶ ଅଧ୍ୟକ୍ଷ ରାଜୀବ ଚନ୍ଦ୍ରଶେଖରଙ୍କୁ ଦିଆଯାଇଛି।

୧୨. ସୁଶାସନ ସେବା ସଂବାଦ: ଏହାର ପ୍ରଭାରୀ ରାଷ୍ଟ୍ରୀୟ ମହାମନ୍ତ୍ରୀ ସୁନୀଲ ବଂଶଲ ହେବେ।

ବିଜେପିର ଏହି ଅଭିଯାନ ଅଧୀନରେ ସେବା କାର୍ଯ୍ୟଗୁଡ଼ିକୁ ବ୍ୟାପକ ଜନଭାଗୀଦାରୀ ସହ ଯୋଡ଼ିବା ସହିତ ବିକଶିତ ଭାରତ, ସୁଶାସନ, ଇନୋଭେସନ୍ ଏବଂ ଜନସେବା ସହ ଜଡ଼ିତ ବିଷୟଗୁଡ଼ିକୁ ପ୍ରାଧାନ୍ୟ ଦିଆଯିବ। ପାର୍ଟି ଅଭିଯାନର ଭିନ୍ନ ଭିନ୍ନ କାର୍ଯ୍ୟକ୍ରମ ପରିଚାଳନା ପାଇଁ ବରିଷ୍ଠ ନେତା ଏବଂ ପଦାଧିକାରୀମାନଙ୍କୁ ଦାୟିତ୍ୱ ଦେଇ ଏହାର ପ୍ରସ୍ତୁତିକୁ ଦ୍ରୁତତର କରିବା ଏବଂ ସଫଳ କରିବାର ପ୍ରୟାସ ଜୋରଦାର କରିଛି।