ଏଲଏସି ବିବାଦ: ସୀମାରେ ସାମାନ୍ୟ ଶାନ୍ତି ଫେରିଛି, କିନ୍ତୁ ପୂର୍ବ ଭଳି ଲାଗି ରହିଛି ଉତ୍ତେଜନା
Khabar Odisha:Nation-India-China-tension-a-minor-cool-off-at-Line-of-Actual-Control-but-it-still-hot

ନୂଆଦିଲ୍ଲୀ, ଜୁଲାଇ ୦୩ (ଖବର ଓଡ଼ିଶା): ପୂର୍ବ ଲଦ୍ଦାଖରେ ଭାରତ ଓ ଚୀନ ମଧ୍ୟରେ ଲାଗି ରହିଥିବା ଉତ୍ତେଜନା ସାମାନ୍ୟ ହ୍ରାସ ପାଇଛି । ଉଭୟ ଦେଶରେ ଗଲୱାନ ଘାଟି ନିକଟରେ ବାସ୍ତବିକ ନିୟନ୍ତ୍ରଣ ରେଖା (ଏଲଏସି) ଯେଉଁ ୪ କ୍ଷେତ୍ରରେ ଉତ୍ତେଜନା ଲାଗି ରହିଥିଲା, ତାହା କିନ୍ତୁ ଏବେବି ଜାରି ରହିଛି । ମାତ୍ର ସେଠାରେ ମୁତୟନ ଥିବା ସୈନ୍ୟ ସଂଖ୍ୟା ହ୍ରାସ କରି ଦିଆଯାଇଛି । ସୀମାରେ ଉଭୟ ଦେଶର ସୈନିକ ମୁତୟନ ଥିବା ବେବେ ପଛକୁ ଫେରିବାକୁ କେହି ଚାହୁଁ ନାହାନ୍ତି । 

ଚଳିତ ସପ୍ତାହରେ ଭାରତ ଏବଂ ଚୀନର ସେନା କମାଣ୍ଡର ସ୍ତରରେ ଏହି ପ୍ରସଙ୍ଗରେ ଦୀର୍ଘ ସମୟ ପର୍ଯ୍ୟନ୍ତ ଆଲୋଚନା ହୋଇଥିଲା । କିନ୍ତୁ ସୀମାରୁ ଉଭୟ ଦେଶର ସେନା ପଛକୁ ଫେରିବାକୁ ବୋଧେ ଆହୁରି ଆଲୋଚନା କରିବାକୁ ପଡ଼ିପାରେ । ଗତ ଜୁନ ୧୫ରେ ହୋଇଥିବା ସୈନ୍ୟ ସଂଘର୍ଷ ପରେ ଭାରତ ଏବେ ଏହି ଅଂଚଳରୁ ଚୀନକୁ ପଛକୁ ଠେଲିବାକୁ ଏବଂ ବିକଳ୍ପ ଚିନ୍ତା କରୁଛି । ଜାତୀୟ ଗଣମାଧ୍ୟମକୁ ମିଳିଥିବା ସୂତ୍ର ଅନୁସାରେ ଏହି ସ୍ଥାନକୁ ଖାଲି କରିବାର ପ୍ରକ୍ରିୟା ଦୀର୍ଘ ସମୟ ଲାଗିପାରେ । ଯଦି ଉଭୟ ଦେଶ ମଧ୍ୟରେ ସକରାତ୍ମକ ଆଲୋଚନା ହୁଏ, ଶୀତ ଋତୁ ଆସିବା ପୂର୍ବରୁ ଏଠାରେ ଶାନ୍ତି ଫେରିପାରିବ । 

ଉଭୟ ଦେଶ ମଧ୍ୟରେ ଆରମ୍ଭ ହୋଇଥିବା ବିବାଦ ଏବେ ଅନ୍ତର୍ଜାତୀୟ ସ୍ତରରେ ପହଞ୍ଚିଛି । ଭାରତ ଓ ଚୀନ ମଧ୍ୟରେ ଗଲୱାନ ଘାଟିରେ ହୋଇଥିବା ସଂଘର୍ଷ ଉପରେ ସମଗ୍ର ବିଶ୍ୱର ଜନତା ନଜର ରଖିଛନ୍ତି । ଚୀନର ନେତୃତ୍ୱ ଏହାକୁ ନେଇ ଆକଳନ ହେଉଛି ଯେ, ଏଠାରୁ ଯଦି ପଛକୁ ଫେରିଯାଏ, ସମଗ୍ର ବିଶ୍ୱବାସୀ ଜାଣିବେ ଯେ, ଭାରତର ଚାପ ସଫଳ ହୋଇଛି । ଭାରତ ସରକାର ଏହି ପ୍ରସଙ୍ଗରେ ଦୃଢ଼ତା ସହିତ ନିଜର ପକ୍ଷ ରଖିଛନ୍ତି ଯେ, ନିଜର ସୀମାରେ କୌଣସି ବିଦେଶ ହସ୍ତକ୍ଷେପକୁ ପ୍ରଶୟ ଦେବେ ନାହିଁ । ସୀମା ସୁରକ୍ଷାକୁ ନେଇ କୌଣସି ବୁଝାମଣା କରିବ ନାହିଁ । ପିଏଏଲକୁ ଏଲଏସି ଠାରୁ ପଛକୁ ଫେରିବାକୁ ପଡ଼ିବ । 

 

  • Tags:

Subscribe

National International State Sports Entertainment