ରାଜସ୍ଥାନରେ ଘଟିଛି ଏକ ମର୍ମନ୍ତୁଦ ସଡ଼କ ଦୁର୍ଘଟଣା । ସ୍କୁଲ ବସ ଓ ଟ୍ରକର ଧକ୍କା ହେବା ଫଳରେ ୨ ଜଣଙ୍କର ମୃତ୍ୟୁ ହୋଇଛି । ସୂଚନା ଅନୁସାରେ, ଶନିବାର ରାତିରେ ରାଜସ୍ଥାନର ବାରମେରଠାରେ ଏହି ସଡ଼କ ଦୁର୍ଘଟଣା ଘଟିଛି । ମଣ୍ଡଳ ସ୍କୁଲର ଛାତ୍ରଛାତ୍ରୀମାନେ ଟୁର୍ଣ୍ଣାମେଣ୍ଟ ଖେଳ ସାରି ଫେରିବା ସମୟରେ ଘଟିଥିଲା ଏହି ଦୁର୍ଘଟଣା । ବାରମେରଠାରେ ଥିବା ଭାରତମାଳା ରାସ୍ତାରେ ସ୍କୁଲ ବସକୁ ଆସି ଧକ୍କା ଦେଇଥିଲା ଏକ ଟ୍ରକ ।  ପ୍ରାୟ ୨୫ରୁ ୩୦ ଜଣ ବସରେ ଯାତ୍ରା କରୁଥିବା ସୂଚନା ମିଳିଥିଲା  । ଏହି ଧକ୍କା ଫଳରେ ୨ଜଣଙ୍କର ମୃତ୍ୟୁ ହେବା ସହିତ ୨ ଜଣ ଶିକ୍ଷକଙ୍କ ସହ ୨୦ଜଣ ଛାତ୍ରଛାତ୍ରୀ ଆହତ ହୋଇଥିବା ସୂଚନା ମିଳିଛି । ଆହତଙ୍କୁ ଉଦ୍ଧାର କରି ଚିକିତ୍ସା ପାଇଁ ସ୍ଥାନୀୟ ମେଡିକାଲରେ ଭର୍ତ୍ତି କରିଥିଲେ । ମୃତ ହୋଇଥିବା ୨ ଜଣଙ୍କ ମଧ୍ୟରୁ ଜଣେ ସ୍କୁଲ ପ୍ରିନ୍ସିପାଲ ଓ ଆଉ ଜଣେ ସ୍କୁଲ ପିଲା । ଉକ୍ତ ୨ ଜଣ ଚିକିତ୍ସାଧୀନ ଅବସ୍ଥାରେ ମୃତ୍ୟୁବରଣ କରିଥିଲେ । ଖବର ପାଇ ପୋଲିସ ଓ ଉଦ୍ଧାରକାରୀ ଟିମ ଘଟଣାସ୍ଥଳରେ ପହଞ୍ଚି ଉଦ୍ଧାରକାର୍ଯ୍ୟ ଆରମ୍ଭ କରିଥିଲେ । ପୋଲିସ ଉକ୍ତ ଦୁର୍ଘଟଣାର ତଦନ୍ତ କରୁଛି । 

ଆଗକୁ ପଢ଼ନ୍ତୁ : ହମ୍‌ସଫର ଟ୍ରେନରେ ଭୟଙ୍କର ଅଗ୍ନିକାଣ୍ଡ