ନୂଆଦିଲ୍ଲୀ: ନୂଆ ଆର୍ଥିକ ବର୍ଷରେ ବିଦେଶୀ ପୁଞ୍ଜିନିବେଶ ପ୍ରବାହରେ ଭଲ ଧାରା ଦେଖିବାକୁ ମିଳିଛି। ସଦ୍ୟତମ ତଥ୍ୟରୁ ଜଣାପଡିଛି ଯେ ଚଳିତ ଆର୍ଥିକ ବର୍ଷର ପ୍ରଥମ ତ୍ରୟମାସରେ ଭାରତରେ ପ୍ରତ୍ୟକ୍ଷ ବିଦେଶୀ ପୁଞ୍ଜିନିବେଶ ପ୍ରାୟ ୪୮ ପ୍ରତିଶତ ବୃଦ୍ଧି ପାଇଛି ଏବଂ ଏହି ସଂଖ୍ୟା ୧୬ ବିଲିୟନ ଡଲାର ଅତିକ୍ରମ କରିଛି। 

ଶିଳ୍ପ ଓ ଆଭ୍ୟନ୍ତରୀଣ ବାଣିଜ୍ୟ ପ୍ରୋତ୍ସାହନ ବିଭାଗ (ଡିପିଆଇଆଇଟି) ପକ୍ଷରୁ ମଙ୍ଗଳବାର ପ୍ରକାଶିତ ତଥ୍ୟ ଅନୁଯାୟୀ, ୨୦୨୪-୨୫ ଆର୍ଥିକ ବର୍ଷର ପ୍ରଥମ ତ୍ରୟମାସ ଅର୍ଥାତ୍ ଏପ୍ରିଲରୁ ଜୁନ୍ ୨୦୨୪ ମଧ୍ୟରେ ଭାରତକୁ ୧୬.୧୭ ବିଲିୟନ ଡଲାରର ପ୍ରତ୍ୟକ୍ଷ ବିଦେଶୀ ପୁଞ୍ଜିନିବେଶ (ଇକ୍ୱିଟି ପ୍ରବାହ) ମିଳିଛି। ଏହି ସଂଖ୍ୟା ପୂର୍ବବର୍ଷ ସମାନ ସମୟ ତୁଳନାରେ ୪୭.୮ ପ୍ରତିଶତ ଅଧିକ ଅଟେ। ପୂର୍ବ ଆର୍ଥିକ ବର୍ଷର ସମାନ ଅବଧିର ତିନି ମାସ ଅର୍ଥାତ ଏପ୍ରିଲରୁ ଜୁନ୍ ୨୦୨୩ ମଧ୍ୟରେ ଏଫଡିଆଇ ପ୍ରବାହ ୧୦.୯୪ ବିଲିୟନ ଡଲାର ଥିଲା।

ତଥ୍ୟ ଅନୁଯାୟୀ, ପୁନଃନିବେଶିତ ନିବେଶ ଏବଂ ଅନ୍ୟାନ୍ୟ ପୁଞ୍ଜି ସହିତ ଇକ୍ୱିଟି ପ୍ରବାହରେ ଆୟକୁ ମିଶାଇଲେ ଚଳିତ ଆର୍ଥିକ ବର୍ଷର ପ୍ରଥମ ତ୍ରୟମାସରେ ଏଫଡିଆଇ ସଂଖ୍ୟା ବାର୍ଷିକ ତୁଳନାରେ ୨୮ ପ୍ରତିଶତ ବୃଦ୍ଧି ପାଇ ୨୨.୪୯ ବିଲିୟନ ଡଲାରରେ ପହଞ୍ଚିଛି।

ଗତ ଆର୍ଥିକ ବର୍ଷରେ ଏଫଡିଆଇ ଇକ୍ୱିଟି ପ୍ରବାହ ହ୍ରାସ ପାଇଥିଲା। ପୂରା ବର୍ଷ ପାଇଁ ଇକ୍ୱିଟି ପ୍ରବାହ ୪୪.୪୨ ବିଲିୟନ ଡଲାର ରହିଥିଲା, ଯାହା ପୂର୍ବ ବର୍ଷ ତୁଳନାରେ ୩.୪୯ ପ୍ରତିଶତ କମ୍। ଏକ ବର୍ଷ ପୂର୍ବେ ସମଗ୍ର ଆର୍ଥିକ ବର୍ଷରେ ଏଫଡିଆଇ ଇକ୍ୱିଟି ପ୍ରବାହ ୪୬.୦୩ ବିଲିୟନ ଡଲାର ଥିଲା।

ସିଙ୍ଗାପୁର ଭାରତରେ ଏଫଡିଆଇ ଉତ୍ସରେ ଶୀର୍ଷରେ ଥିବା ବେଳେ ପ୍ରଥମ ତ୍ରୟମାସରେ ୩.୯ ବିଲିୟନ ଡଲାର ଆକର୍ଷଣ କରିଥିଲା। ଏହା ପରେ ମରିସସ୍ ୩.୨ ବିଲିୟନ ଡଲାର ସହ ତୃତୀୟ ସ୍ଥାନରେ ରହିଛି। ପ୍ରଥମ ତ୍ରୈମାସରେ ସିଙ୍ଗାପୁର ଓ ମରିସସ ବ୍ୟତୀତ ଜର୍ମାନୀ ଆମେରିକା, ନେଦରଲାଣ୍ଡ, ୟୁଏଇ, କେମ୍ୟାନ୍ ଦ୍ୱୀପପୁଞ୍ଜ ଏବଂ ସାଇପ୍ରସରୁ ଏଫଡିଆଇ ଜାପାନ ବୃଦ୍ଧି ପାଇଛି।

ଅଧିକ ପଢ଼ନ୍ତୁ: ବାଣିଜ୍ୟିକ ଏଲପିଜି ଗ୍ୟାସ ସିଲିଣ୍ଡର ମୂଲ୍ୟ ବୃଦ୍ଧି