ମୁମ୍ବାଇ: ପ୍ରବର୍ତ୍ତନ ନିର୍ଦ୍ଦେଶାଳୟ ୨୬୩ ‌କୋଟି ଟଙ୍କାର ଆୟକର ଫେରସ୍ତ ଠକେଇ ମାମଲାରେ ଅଭିଯୁକ୍ତ ପୁରୁଷୋତ୍ତମ ଚୌହାନଙ୍କ ମାଲାବାର ହିଲ୍ସ ଅଞ୍ଚଳରେ ନିର୍ମିତ ବିଳାସମୟ ଫ୍ଲାଟ୍‌କୁ ଜବତ କରିଛି। ସେ ମୁମ୍ବାଇରେ ମୁତୟନ ଜଣେ ଅଧିକାରିଣୀଙ୍କ ସ୍ବାମୀ। ତାଙ୍କୁ ଚଳିତ ବର୍ଷ ମେ’ ମାସରେ ଇଡି ଗିରଫ କରିଥିଲା। 

ଇଡି ମାମଲାରେ ପୁରୁଷୋତ୍ତମ ଚୌହାନଙ୍କୁ ଗିରଫ କରିବା ପୂର୍ବରୁ ତାଙ୍କର ଆଇପିଏସ୍‌ ପତ୍ନୀଙ୍କ ଘର ଯାଞ୍ଚ କରିଥିଲା। ଏହି ଚଢ଼ାଉ ସମୟରେ ୧୫୦ କୋଟି ଟଙ୍କାର ସଂପତ୍ତି ଉପରେ କାଗଜପତ୍ର ଜବତ କରିଥିଲା। ତଦନ୍ତ ସମୟରେ ଜଣାପଡ଼ିଥିଲା ଯେ, ସେ ବହୁତ ନକଲି ପ୍ରମାଣପତ୍ର କରିଛନ୍ତି ଏବଂ ରାଜ୍ୟ ସରକାରଙ୍କ ଯୋଜନା ଜରିଆରେ ଟିଡିଆର ଦେବା ନାମରେ ଲୋକଙ୍କୁ ଠକିଛନ୍ତି। 

ରାଜ୍ୟ ସରକାର ଓ ମହାରାଷ୍ଟ୍ର ପୁଲିସକୁ ଇଡି ଏହି ପୂରା ମାମଲା ସଂପର୍କରେ ସୂଚନା ପ୍ରଦାନ କରିଛି। ତଦନ୍ତ ସମୟରେ ଅଧିକାରୀମାନେ କହିଥିଲେ ତାଙ୍କୁ ମୁମ୍ବାଇ ଓ ଠାଣେସ୍ଥିତ ପାଖାପାଖି ୧୪ଟି ଫ୍ଲଟ ସଂପର୍କିତ କାଗଜପତ୍ର ମିଳିଥିଲା। ଏଥିରେ ୨ଟି ଫ୍ଳାଟ ୱର୍ଲିରେ ରହିଛି। ଏହା ବ୍ୟତୀତ ଏଜେନ୍ସିର ଟିମ୍‌ ମୁମ୍ବାଇ ଓ ପୁଣେର ଟିଡିଆର ପ୍ରମାଣପତ୍ର ଜବତ କରିଥିଲେ। ସୂତ୍ର ଅନୁସାରେ ମୋଟ ସଂପତ୍ତିର ମୂଲ୍ୟ ୧୫୦ କୋଟି ଟଙ୍କା ଥିଲା। 

at