ବେଜିଂ/ନୂଆଦିଲ୍ଲୀ: ଭାରତ ଓ ଚୀନ୍ ମଧ୍ୟରେ ସମ୍ପର୍କ ପୁଣି ଥରେ ତିକ୍ତ ହେବାରେ ଲାଗିଛି। ଏହାର କାରଣ ହେଉଛି ୟାର୍ଲୁଙ୍ଗ ସାଙ୍ଗପୋ (ବ୍ରହ୍ମପୁତ୍ର) ନଦୀଉପରେ ବିଶ୍ୱର ସର୍ବବୃହତ ଡ୍ୟାମ୍ ନିର୍ମାଣ କରିବାକୁ ଚୀନ୍ ଘୋଷଣା କରିଛି। ତିବ୍ଦତରେ ନିର୍ମାଣ ହେଉଥିବା ଏହି ଜଳବିଦ୍ୟୁତ୍ ଡ୍ୟାମ୍ ଭାରତ ଉପରେ ପ୍ରତିକୂଳ ପ୍ରଭାବ ପକାଇପାରେ, ଯାହାକୁ ନେଇ ବୈଦେଶିକ ବ୍ୟାପାର ମନ୍ତ୍ରଣାଳୟ ମଧ୍ୟ ଚିନ୍ତା ପ୍ରକଟ କରିଛି। 

ୟାର୍ଲୁଙ୍ଗ ନଦୀ ଚୀନରୁ ତିବ୍ଦତ ଦେଇ ପ୍ରବାହିତ ହୋଇ ଭାରତକୁ ଆସିଥାଏ। ଏଠାରେ ଏହାକୁ ବ୍ରହ୍ମପୁତ୍ର କୁହାଯାଏ। ଏହା ପରେ ଏହା ଅରୁଣାଚଳ ଓ ଆସାମ ଦେଇ ବାଂଲାଦେଶକୁ ପ୍ରବାହିତ ହେବ। ତିବ୍ଦତରୁ ଆସୁଥିବା ୟାର୍ଲୁଙ୍ଗ ନଦୀର ତଳ ଭାଗରେ ଅରୁଣାଚଳ ସୀମା ନିକଟରେ ଚୀନ୍ ଏହି ଡ୍ୟାମ୍ ନିର୍ମାଣ କରୁଛି।

ସବୁଠାରୁ ବଡ଼ ଡ୍ୟାମ୍ ହୋଇଥିବାରୁ ଏଥିରେ ବିପୁଳ ପରିମାଣର ଜଳ ସଂରକ୍ଷଣ ହୋଇପାରିବ। ଏବେ ଏହି ଡ୍ୟାମ୍ ନିର୍ମାଣ ହେଲେ ନଦୀ ଜଳର ପ୍ରବାହ ଚୀନ୍ ହାତରେ କେମିତି ରହିବ। କମ୍ ପରିମାଣରେ ପାଣି ଛାଡିବା ଦ୍ୱାରା ଭାରତରେ ଜଳ ସଙ୍କଟ ସୃଷ୍ଟି ହେବ ଏବଂ ଅଧିକ ପାଣି ଛାଡିବା ଦ୍ୱାରା ବନ୍ୟା ପରିସ୍ଥିତି ମଧ୍ୟ ହୋଇପାରେ। 

ଚୀନ୍ ଆଶ୍ୱାସନା ଦେଇଛି ଯେ ଏହି ପ୍ରକଳ୍ପ ଦଶନ୍ଧି ଧରି ଅଧ୍ୟୟନ କରାଯାଇଛି। ଏହା କାହାର କ୍ଷତି କରିବ ନାହିଁ ବୋଲି ସେ କହିଛନ୍ତି। ଏହା କେବଳ ସ୍ୱଚ୍ଛ ଶକ୍ତି ଉତ୍ପାଦନ କରିବ ଏବଂ ତଳିଆ ଅଞ୍ଚଳର ସୁରକ୍ଷା ଉପରେ ସମ୍ପୂର୍ଣ୍ଣ ଧ୍ୟାନ ଦେବ।

ଅଧିକ ପଢ଼ନ୍ତୁ: ୧୧ଟି ବିମାନବନ୍ଦରରେ ଭିଜିବିଲିଟି ଶୂନ, ୪୦୦ ବିମାନ ପ୍ରଭାବିତ