ବେଙ୍ଗାଲୁରୁ: କର୍ଣ୍ଣାଟକର ରାଜଧାନୀ ବେଙ୍ଗାଲୁରୁରେ ଏକ ଅଭାବନୀୟ ଘଟଣା ଘଟିଛି। ପରୀକ୍ଷା ଦେବାକୁ ଯାଉଥିବା ଜଣେ ୨୧ ବର୍ଷୀୟ କଲେଜ ଛାତ୍ରୀଙ୍କୁ ସ୍ପଷ୍ଟ ଦିବାଲୋକରେ ନିର୍ମମ ଭାବରେ ହତ୍ୟା କରାଯାଇଛି। ତାଙ୍କ ମୃତଦେହ ଶ୍ରୀରାମପୁରା ରେଳପଥ ନିକଟରୁ ଉଦ୍ଧାର କରାଯାଇଛି। 

ଯାମିନୀ ପ୍ରିୟା ନାମକ କଲେଜ ଛାତ୍ରୀ କର୍ଣ୍ଣାଟକ ରାଜଧାନୀର ହୋସାକେରେହାଲ୍ଲି ଅଞ୍ଚଳର ଏକ କଲେଜରେ ବି.ଫାର୍ମା ଛାତ୍ରୀ ଥିଲେ। ପରିବାର ସଦସ୍ୟ କହିଛନ୍ତି ଯେ ସେ ସକାଳ ୭ଟାରେ ଘରୁ ବାହାରିଥିଲେ। ତାଙ୍କର ପରୀକ୍ଷା ଅଛି ବୋଲି କହି ଯାଇଥିଲେ ଏବଂ ଘରକୁ ଫେରୁଥିବା ସମୟରେ ଆକ୍ରମଣର ଶିକାର ହୋଇଥିଲେ। ସେ ମନ୍ତ୍ରୀ ମଲ୍ ଅଞ୍ଚଳ ନିକଟରେ ଚାଲି ଚାଲି ଯାଉଥିବା ସମୟରେ ଜଣେ ଯୁବକ ଅତର୍କିତ ଭାବେ ଆକ୍ରମଣ କରିଥିଲା। କଲେଜ ଛାତ୍ରୀଙ୍କୁ ପଛରୁ ତାଙ୍କ ଗଳା କାଟି ଘଟଣାସ୍ଥଳରୁ ଫେରାର ହୋଇଯାଇଥିଲା।

ଘଟଣାର ସ୍ଥାନୀୟ ପ୍ରତ୍ୟକ୍ଷଦର୍ଶୀ ପୋଲିସକୁ ସୂଚନା ଦେଇଥିଲେ। ପରେ ଶ୍ରୀରାମପୁରା ପୋଲିସ ଘଟଣାସ୍ଥଳରେ ପହଞ୍ଚି ଘଟଣାସ୍ଥଳ ଯାଞ୍ଚ କରି ପ୍ରମାଣ ସଂଗ୍ରହ କରିଛି। ପୋଲିସ ଅଭିଯୁକ୍ତଙ୍କୁ ଖୋଜାଖୋଜି ଆରମ୍ଭ କରିଛି ଏବଂ ତଦନ୍ତ ଜାରି ରହିଛି।

ଅଧିକ ପଢ଼ନ୍ତୁ: ମନ୍ତ୍ରୀ ହୋଇପାରନ୍ତି ରିଭାବା ଜାଡ଼େଜା, ଜିତୁ ୱାଘାନି