ନୂଆଦିଲ୍ଲୀ: ଓ୍ଵାକଫ୍ ସଂଶୋଧନ ବିଲ୍-୨୦୨୪ ଉପରେ ଯୁଗ୍ମ ସଂସଦୀୟ କମିଟି (ଜେପିସି)ର ବୈଠକ ନିର୍ଦ୍ଧାରିତ କାର୍ଯ୍ୟସୂଚୀ ଅନୁଯାୟୀ ସେପ୍ଟେମ୍ବର ୧୯ ଓ ୨୦ତାରିଖରେ ଅନୁଷ୍ଠିତ ହେବ। ବୁଧବାର ହେବାକୁ ଥିବା ବୈଠକକୁ ସ୍ଥଗିତ ରଖାଯାଇ ଥିଲା। ଜେପିସି ଅଧ୍ୟକ୍ଷ ତଥା ବିଜେପି ସାଂସଦ ଜଗଦମ୍ବିକା ପାଲ ବୁଧବାର କହିଛନ୍ତି ଯେ କିଛି ସଦସ୍ୟଙ୍କ ଅନୁରୋଧ ପରେ ବୈଠକକୁ ସ୍ଥଗିତ ରଖାଯାଇଛି।

ସେପ୍ଟେମ୍ବର ୧୯ ଓ ୨୦ ତାରିଖରେ ଯୁଗ୍ମ ସଂସଦୀୟ କମିଟିର ବୈଠକ ବସିବ ବୋଲି ଜଗଦମ୍ବିକା ପାଲ କହିଛନ୍ତି।  ଇଦ୍-ଏ-ମିଲାଦ ଶୋଭାଯାତ୍ରା ବାହାର କରାଯାଉଛି। ଏହି କାରଣରୁ ଆଜିର ବୈଠକ ସେପ୍ଟେମ୍ବର ୧୯ ଓ ୨୦ ତାରିଖରେ ନିର୍ଦ୍ଧାରିତ ସମୟ ଅନୁଯାୟୀ ଅନୁଷ୍ଠିତ ହେବ।

କେନ୍ଦ୍ର ଗୃହମନ୍ତ୍ରୀ ଅମିତ ଶାହା ମଙ୍ଗଳବାର ଦିନ କହିଥିଲେ ଯେ ୱାକଫ୍ ସମ୍ପତ୍ତିର ପରିଚାଳନା, ସଂରକ୍ଷଣ ଏବଂ ଅପବ୍ୟବହାରକୁ ସମ୍ବୋଧିତ କରୁଥିବା ୱାକଫ୍ (ସଂଶୋଧନ) ବିଲ୍ ୨୦୨୪ ଆଗାମୀ ଦିନରେ ସଂସଦରେ ପାରିତ ହେବ। ପ୍ରଧାନମନ୍ତ୍ରୀ ମୋଦୀ ସରକାରଙ୍କ ତୃତୀୟ ପାଳିର ପ୍ରଥମ ୧୦୦ ଦିନ ରେ ଏକ ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରି ଶାହା କହିଛନ୍ତି, "ୱାକଫ୍ (ସଂଶୋଧନ) ବିଲ୍, ୨୦୨୪ ୱାକଫ୍ ସମ୍ପତ୍ତିର ପରିଚାଳନା, ସୁରକ୍ଷା ଏବଂ ଅପବ୍ୟବହାର ପାଇଁ ପ୍ରତିଶ୍ରୁତିବଦ୍ଧ। ଆଗାମୀ ଦିନରେ ଏହାକୁ ସଂସଦରେ ପାରିତ କରାଯିବ। 

ଅଧିକ ପଢ଼ନ୍ତୁ: ମମତା ସରକାରଙ୍କ ଆଭିମୁଖ୍ୟରେ କ୍ଷୁବ୍ଧ କନିଷ୍ଠ ଡାକ୍ତର