ମୁମ୍ବାଇ: ବିଜେପିର ବରିଷ୍ଠ ନେତା ତଥା ଗୃହମନ୍ତ୍ରୀ ଅମିତ ଶାହା ରବିବାର ମହାରାଷ୍ଟ୍ର ବିଧାନସଭା ନିର୍ବାଚନ ପାଇଁ ଦଳର ସଂକଳ୍ପ ପତ୍ର ଜାରି କରିବେ। ଶାହଙ୍କ ସଂକଳ୍ପ ପ୍ରତରୁ ବଡ଼ ଆଶା କରାଯାଉଛି। ମହିଳା ଓ ଯୁବକଙ୍କ ପାଇଁ ବଡ଼ ବ୍ୟବସ୍ଥା ରହିପାରେ। ମିଳିଥିବା ସୂଚନା ଅନୁଯାୟୀ, ମହାରାଷ୍ଟ୍ରର ସଂକଳ୍ପ ପତ୍ରରେ ବିଜେପି ୨୦ଟି ପ୍ରମୁଖ ପ୍ରସଙ୍ଗ ସାମିଲ କରିପାରେ।

ଏମିତି ହୋଇପାରେ ସଂକଳ୍ପ ପତ୍ର

୧. ଲାଡଲି ଯୋଜନାରେ ରାଜ୍ୟର ଗରିବ ମହିଳାମାନଙ୍କୁ ପ୍ରତି ମାସ ୧୧ ତାରିଖରେ ମାସିକ ୨୧୦୦ ଟଙ୍କା ଦିଆଯିବ। 

୨. ଝାଡ଼ଖଣ୍ଡ ଭଳି ମହାରାଷ୍ଟ୍ରର ସ୍ନାତକ ଓ ସ୍ନାତକୋତ୍ତର ଯୁବକଯୁବତୀଙ୍କୁ ଭଲ ଚାକିରି ପାଇଁ ପ୍ରସ୍ତୁତି ପାଇଁ ଦୁଇ ବର୍ଷ ପାଇଁ ୨ହଜାର ଟଙ୍କା ଘୋଷଣା। 

୩. ଆୟୁଷ୍ମାନ ଯୋଜନାରେ ପ୍ରତି ପରିବାରକୁ ୧୦ ଲକ୍ଷ ଟଙ୍କା ପର୍ଯ୍ୟନ୍ତ ମାଗଣା ଚିକିତ୍ସା ଏବଂ ପରିବାରର ୭୦ ବର୍ଷରୁ ଅଧିକ ବୟସ୍କ ବ୍ୟକ୍ତିଙ୍କୁ ପୃଥକ ଭାବେ ୫ ଲକ୍ଷ ଟଙ୍କା ପର୍ଯ୍ୟନ୍ତ ମାଗଣା ଚିକିତ୍ସା ବ୍ୟବସ୍ଥା।

୪. ଜାତୀୟ ଆପ୍ରେଣ୍ଟିସିପ୍ ପ୍ରୋତ୍ସାହନ ଯୋଜନାରୁ ୧୦ ଲକ୍ଷ ଯୁବକଯୁବତୀଙ୍କ ପାଇଁ ଅନ୍ୟାନ୍ୟ ନିଯୁକ୍ତି ସୁଯୋଗ ଓ ମାସିକ ଷ୍ଟାଇପେଣ୍ଡ

୫. ସହରାଞ୍ଚଳ ଓ ଗ୍ରାମାଞ୍ଚଳରେ ୧୦ ଲକ୍ଷ ଘର 

୬. କିଷାନ ସମ୍ମାନ ଯୋଜନାକୁ ୧୦ରୁ ୧୨୫୦କୁ ବୃଦ୍ଧି। 

୭. ବିଦ୍ୟୁତ୍ ଉପଭୋକ୍ତାଙ୍କ ପାଇଁ ମଧ୍ୟ ରିଲିଫ୍ ଘୋଷଣା। 

୮. ପାଖାପାଖି ୨୫ ହଜାର ମହିଳା ପୁଲିସ କର୍ମଚାରୀଙ୍କୁ ନିଯୁକ୍ତି।

୯. ସରକାରୀ ଡାକ୍ତରଖାନାରେ ଡାଏଲିସିସ୍ ଓ ସମସ୍ତ ହସ୍ପିଟାଲରେ ରୋଗ ନିର୍ଣ୍ଣୟ ମାଗଣା। 

୧୦. ହର ଘର ଗୃହ ଯୋଜନାରେ ୫୦୦ ଟଙ୍କାରେ ସିଲିଣ୍ଡର ଦେବା ର ଘୋଷଣାକୁ ସଂକଳ୍ପ ପତ୍ରରେ ଅନ୍ତର୍ଭୁକ୍ତ କରାଯାଇପାରିବ।

୧୧. ଗ୍ରାମାଞ୍ଚଳର ପ୍ରତ୍ୟେକ କଲେଜ ଛାତ୍ରୀଙ୍କୁ ସ୍କୁଟି।

୧୨. ଅଗ୍ନିବୀରଙ୍କୁ ସରକାରୀ ଚାକିରି ଗ୍ୟାରେଣ୍ଟି 

୧୩. ଭାରତର ଯେକୌଣସି ସରକାରୀ କଲେଜରୁ ମେଡିକାଲ ଓ ଇଞ୍ଜିନିୟରିଂ ପଢୁଥିବା ଓବିସି ଏବଂ ଏସସି ଜାତିର ମହାରାଷ୍ଟ୍ର ଛାତ୍ରଛାତ୍ରୀଙ୍କୁ ସମ୍ପୂର୍ଣ୍ଣ ବୃତ୍ତି

୧୪. ମୁଦ୍ରା ଯୋଜନା ବ୍ୟତୀତ ମହାରାଷ୍ଟ୍ର ରାଜ୍ୟ ସରକାର ଓବିସି ଏବଂ ଏସସି ବର୍ଗର ଉଦ୍ୟୋଗୀମାନଙ୍କୁ ୨୫ ଲକ୍ଷ ଟଙ୍କା ପର୍ଯ୍ୟନ୍ତ ଋଣ ଗ୍ୟାରେଣ୍ଟି।

୧୫. ମୁମ୍ବାଇ, ପୁଣେ, ନାଗପୁର ଏବଂ ମହାରାଷ୍ଟ୍ରର ଅନ୍ୟ ପାଞ୍ଚଟି ସହରର ବସ୍ତି ଅଞ୍ଚଳପାଇଁ ବିକାଶ ଏବଂ ଥଇଥାନ ଯୋଜନା। 

ଅଧିକ ପଢ଼ନ୍ତୁ: ମୋଦୀଙ୍କ ମେଗା ରୋଡ୍ ଶୋ’; ଶଙ୍ଖ ବଜାଇବେ ୫୦୧ ବ୍ରାହ୍ମଣ