ରିୟାଦ: ମଧ୍ୟପ୍ରାଚ୍ୟରେ ଦୀର୍ଘଦିନ ଧରି ଲାଗି ରହିଥିବା ଉତ୍ତେଜନା ମଧ୍ୟରେ ସୋମବାର ସାଉଦି ଆରବର ରିୟାଦଠାରେ ଏକ ଗୁରୁତ୍ୱପୂର୍ଣ୍ଣ ସମ୍ମିଳନୀ ଅନୁଷ୍ଠିତ ହୋଇଛି। ଆରବ ଓ ଇସଲାମିକ ଦେଶମାନଙ୍କର ଏହି ମିଳିତ ସମ୍ମିଳନୀରେ ଗାଜା ଓ ଲେବାନନ ଉପରେ ଇସ୍ରାଏଲର ଆକ୍ରମଣକୁ ନେଇ ଅନେକ ଆଲୋଚନା ହୋଇଛି। ଏହି ସମୟରେ ସମସ୍ତେ ଏକ ସ୍ୱରରେ କହିଛନ୍ତି ଯେ ଗାଜା ଓ ଲେବାନନରେ ଆକ୍ରମଣ ବନ୍ଦ ହେବା ଦରକାର।

ଏହି ସମ୍ମିଳନୀରେ ସାଉଦି ଆରବର କ୍ରାଉନ ପ୍ରିନ୍ସ ମହମ୍ମଦ ବିନ୍ ସଲମାନ ପ୍ରଥମେ ଭାଷଣ ଦେଇଥିଲେ। ଗାଜାରେ ଇସ୍ରାଏଲ ଗଣହତ୍ୟାକୁ ନିନ୍ଦା କରି ସେ କହିଥିଲେ, ଲେବାନନ୍ ଓ ଗାଜାରେ ଯୁଦ୍ଧ ତୁରନ୍ତ ବନ୍ଦ ହେବା ଦରକାର।

ଏହି ସମ୍ମିଳନୀରେ ପାଲେଷ୍ଟାଇନ୍ କର୍ତ୍ତୃପକ୍ଷଅଧ୍ୟକ୍ଷ ମହମ୍ମଦ ଆବାସ ଗାଜା ଉପତ୍ୟକା ଉପରେ ପାଲେଷ୍ଟାଇନ୍ର ଅଧିକାର ବିଷୟରେ ପ୍ରକାଶ କରିଥିଲେ। ପାଲେଷ୍ଟାଇନକୁ ଜାତିସଂଘରେ ଏକ ରାଷ୍ଟ୍ର ଭାବରେ ସ୍ୱୀକୃତି ଦେବା ପାଇଁ ଆହ୍ୱାନ ଦେଇ ସେ କହିଛନ୍ତି ଯେ ଗାଜା ଷ୍ଟ୍ରିପ୍ ପାଲେଷ୍ଟାଇନ୍ ଭୂମିର ଏକ ଅବିଚ୍ଛେଦ୍ୟ ଅଙ୍ଗ ଏବଂ ଭବିଷ୍ୟତର ଯେକୌଣସି ସମାଧାନରେ ପଶ୍ଚିମ ତଟ ଏବଂ ଗାଜା ଷ୍ଟ୍ରିପ୍ ଅନ୍ତର୍ଭୁକ୍ତ ହେବା ଆବଶ୍ୟକ।

ଇଜିପ୍ଟର ରାଷ୍ଟ୍ରପତି ଅବ୍ଦେଲ ଫତ୍ତାହ ଏଲ-ସିସି କହିଛନ୍ତି ଯେ ତାଙ୍କ ଦେଶ ଗାଜା ଉପତ୍ୟକାରେ ପାଲେଷ୍ଟାଇନର ଲୋକଙ୍କ ଯୋଜନାବଦ୍ଧ ଗଣହତ୍ୟାକୁ ନିନ୍ଦା କରୁଛି। ପାଲେଷ୍ଟାଇନ ସମସ୍ୟାର ଅନ୍ତ ଘଟାଇବା ପାଇଁ ଯେଉଁ ସବୁ ଯୋଜନା ଅଣାଯାଇଛି, ତାହା ସ୍ଥାନୀୟ ଲୋକଙ୍କୁ ବିସ୍ଥାପିତ କରିବା କିମ୍ବା ଗାଜା ଉପତ୍ୟକାକୁ ଏକ ନିର୍ଜନ ଅଞ୍ଚଳରେ ପରିଣତ କରିବା ପାଇଁ ତାଙ୍କ ଦେଶ ସବୁ କିଛି କରିଥାଏ। ତାଙ୍କ ବିରୁଦ୍ଧରେ ରହିବେ। ଏହି ଯୋଜନାଗୁଡ଼ିକ କୌଣସି ପରିସ୍ଥିତିରେ ଗ୍ରହଣ କରାଯିବ ନାହିଁ।

ଏହା ବ୍ୟତୀତ ଇଜିପ୍ଟର ରାଷ୍ଟ୍ରପତି ଲେବାନନ ବିଷୟରେ କହିଥିଲେ, ତାଙ୍କ ଦେଶ ଲେବାନନର ଭାଇମାନଙ୍କୁ ସମସ୍ତ ପ୍ରକାର ସାହାଯ୍ୟ କରିବାକୁ ପ୍ରତିଶ୍ରୁତି ଦେଇଛି। ଅପରପକ୍ଷରେ ହାମାସ ରବିବାର (୧୦ ନଭେମ୍ବର ୨୦୨୪) ପାଲେଷ୍ଟାଇନ ଲୋକଙ୍କ ସମସ୍ତ ଅଧିକାରକୁ ସୁରକ୍ଷିତ ରଖିବା ପାଇଁ ଆରବ ଏବଂ ଇସଲାମିକ ଦେଶଗୁଡ଼ିକୁ ଏକ ମେଣ୍ଟ ଗଠନ କରିବାକୁ ନିବେଦନ କରିଛି। ଏଥିସହିତ ଆରବ ଦେଶମାନେ ଇସ୍ରାଏଲ ରାଷ୍ଟ୍ରଦୂତଙ୍କୁ ସେମାନଙ୍କ ଦେଶରୁ ବହିଷ୍କାର କରିବାକୁ ହାମାସ ଦାବି କରିଛି। ହାମାସ ନେତା ଓସାମା ହମଦାନ ରିୟାଦରେ ଆରବ ଓ ଇସଲାମିକ ରାଷ୍ଟ୍ରର ନେତାମାନଙ୍କୁ 'ଇହୁଦୀ ରାଷ୍ଟ୍ର' ସହ ସମ୍ପର୍କ ଛିନ୍ନ କରିବାକୁ ଆହ୍ୱାନ ଦେଇଛନ୍ତି।

ଅଧିକ ପଢ଼ନ୍ତୁ: ୧୬୫ରୁ ଅଧିକ ମିସାଇଲ ମାଡ କଲା ହେଜବୁଲ୍ଲା