ରାୟପୁର: ବଲିଉଡ ସୁପରଷ୍ଟାର ଶାହାରୁଖ ଖାନଙ୍କୁ ହତ୍ୟା ଧମକ ମିଳିବା ଘଟଣା ସାମ୍ନାକୁ ଆସିବା ପରେ ଇଣ୍ଡଷ୍ଟ୍ରି ଓ ପ୍ରଶଂସକମାନେ ଆଶ୍ଚର୍ଯ୍ୟ ହୋଇଯାଇଥିଲେ। ପୁଲିସ ତୁରନ୍ତ ଏ ନେଇ କାର୍ଯ୍ୟାନୁଷ୍ଠାନ ଆରମ୍ଭ କରିଥିବା ବେଳେ ଛତିଶଗଡ଼ର ରାଜଧାନୀ ରାୟପୁରର ଫୈଜଲ ଖାନ୍ ନାମକ ଜଣେ ବ୍ୟକ୍ତିଙ୍କୁ ଏହି ମାମଲାରେ ପଚରାଉଚରା କରାଯାଉଛି। ଏବେ ଏହି ମାମଲାରେ ଏକ ନୂଆ ଅପଡେଟ୍ ସାମ୍ନାକୁ ଆସିଛି। ପୁଲିସ ମଙ୍ଗଳବାର ସକାଳେ ଫୈଜଲ ଖାନଙ୍କୁ ତାଙ୍କ ଘରୁ ଗିରଫ କରିଥିବା ଜଣାପଡ଼ିଛି।

ସୂଚନା ଅନୁଯାୟୀ, ମଙ୍ଗଳବାର ସକାଳେ ମୁମ୍ବାଇ ପୁଲିସ ଫୈଜଲ ଖାନଙ୍କୁ ଛତିଶଗଡ଼ର ରାୟପୁରରୁ ଗିରଫ କରିଛି। ବଲିଉଡ୍ ସୁପରଷ୍ଟାର ଶାହାରୁଖ ଖାନଙ୍କୁ ଧମକ ଦେବା ମାମଲାରେ ଫୈଜଲଙ୍କୁ ଗିରଫ କରିବାର ଟ୍ରାନଜିଟ୍ ରିମାଣ୍ଡ ନେଇ ମୁମ୍ବାଇ ପୁଲିସ ସକାଳେ ରାୟପୁରରେ ପହଞ୍ଚିଥିଲା। ମଙ୍ଗଳବାର ଫୈଜଲଙ୍କୁ କୋର୍ଟରେ ହାଜର କରାଯିବ। 

ନଭେମ୍ବର ୧୪ ତାରିଖରେ ବାନ୍ଦ୍ରା ପୁଲିସ ନିକଟରେ ବୟାନ ରେକର୍ଡ କରିବା ପାଇଁ ଫୈଜଲକୁ ମୁମ୍ବାଇ ନିଆଯିବ। ତେବେ ତାଙ୍କ ପରିଚିତମାନେ କହିଛନ୍ତି ଯେ ଗତ ଦୁଇ ଦିନ ହେବ ତାଙ୍କୁ ଅନେକ ଧମକ ଆସୁଥିଲା ଏବଂ ସେଥିପାଇଁ ସେ ମୁମ୍ବାଇ ପୁଲିସ କମିଶନରଙ୍କୁ ଚିଠି ଲେଖିଥିଲେ ଯେ ସୁରକ୍ଷା କାରଣରୁ ସେ ଶାରୀରିକ ନୁହେଁ ବରଂ ଅଡିଓ-ଭିଡିଓ ମାଧ୍ୟମରେ ସେମାନଙ୍କ ସମ୍ମୁଖରେ ହାଜର ହେବାକୁ ଚାହୁଁଥିଲେ। ଫୈଜଲ ଖାନଙ୍କୁ ସିଏସପି ଅଜୟ ସିଂହ ଗିରଫ କରିବା ସହ ଛତିଶଗଡ଼ ପୁଲିସକୁ ଏହି ସୂଚନା ଦେଇଛନ୍ତି।  

ଅଧିକ ପଢ଼ନ୍ତୁ: ଶାହରୁଖଙ୍କୁ ଜୀବନରେ ମାରି ଦେବାକୁ ଧମକ